- Шапа кёб болса, аш татымсыз болур.
- Чомарт къолда мал къалмаз.
- Джашлыкъ этмеген, башлыкъ этмез.
- Нарт сёз къарт болмаз.
- Бет бетге къараса, бет да джерге къарар.
- Атынг аманнга чыкъгъандан эсе, джанынг тамагъынгдан чыкъсын.
- Эл бла кёргенинг эрелей.
- Ашхы тенг джолгъа салыр, аман тенг джолдан тайдырыр.
- Къарт айтханны этмеген, къартаймаз.
- Кёлсюзден сёзсюз тууар.
- Чалманны аллы къалай башланса, арты да алай барады.
- Ариу сёз джыланны орнундан чыгъарыр.
- Атлыны ашхысы, ат тизгининден билинир
- Иги джашны ышаны – аз сёлешиб, кёб тынгылар.
- Ана кёлю – балада, бала кёлю – талада.
- Джеринден айырылгъан – джети джылар, джуртундан айырылгъан – ёлгюнчю джылар.
- Джан саулукъ бермей, сан саулукъ бермезсе.
- Сёлеш деб шай берген, тохта деб, сом берген.
- Бичгенде ашыкъма, тикгенде ашыкъ.
- Иги бла джюрюсенг, джетерсе муратынга, аман бла джюрюсенг, къалырса уятха.
- Этни бети бла шорпасы.
- Тил джюрекге джол ишлейди.
- Джаханимни кёрмей, джандетге кёл салмазса.
- Чарсда алчыны эл кёреди.
- Соргъан айыб тюлдю, билмеген айыбды.
- Кёзню ачылгъаны – иги, ауузну джабылгъаны – иги.
- Айтханы чапыракъдан ётмеген.
- Мухарны эси – ашарыкъда.
- Игилик игилик бла сингдирилиучю затды.
- Тойгъан антын унутур.
- Аман адам элни бир-бирине джау этер.
- Кёпюр салгъан кеси ётер, уру къазгъан кеси кетер.
- Чыкълы кюнде чыкъмагъан, чыкъса къуру кирмеген.
- Ойнаб айтсанг да, эслеб айт.
- Къыйынлы джети элге оноу этер.
- Илму – джашауну джолу.
- Айтылгъан сёз ызына къайтмаз.
- Ана – юйню кюн джарыгъы.
- Байдан умут эте, джарлыдан ёгюз багъасы къорады.
- Битмегеннге сакъал – танг.
- Тойчу джашха къарама, къойчу джашха къара.
- Тили узунну, намысы – къысха.
- Сескекли кесин билдирир.
- Садакъачыны джаны – къапчыгъында.
- Адамны сабийин сюйген джюреги, бычакъча, джитиди.
- Уллу атлама – абынырса, уллу къабма – къарылырса.
- Орну джокъну – сыйы джокъ.
- Бал – татлы, балдан да бала – татлы.
- Къайгъыны сюйген, къайгъы табар.
- Юйюнг бла джау болгъандан эсе, элинг бла джау бол.
ТАУЛУ|АЛАН - миллет атыбыз.
09.05.2011 18:04:36
Sabr
Сиз форумда салгъан "Сюре барыб" деген джырда да "таулу джашла" деб айтылады къарачайлылагъа. Керти халкъда джюрюген джырмыды экен ол? |
|
|
|
09.05.2011 18:31:47
Первый номер газеты на карачаевском языке "Таулу джашау", вышел в свет 19 декабря 1924 года. (...) За 80 лет газета несколько раз меняла свое название: "Таулу джашау", "Таулу джарлыла", "Къызыл Къарачай", "Ленинни байрагъы", "Къарачай". Ссылка
|
|
|
|
09.05.2011 19:17:33
Tayлy
Бек тюз жаздынг! ![]() |
|
|
|
09.05.2011 19:22:07
Ишексиз Таулу деб къарачайлылагъа да айтадыла... айта эдиле. Алай а, бюгюн халкъларыбызны англары айрылышыбдыла. Таулу сёзге разыма, андан да бек Алан сёзге.
|
|
|
|
Читают тему (гостей: 1)