- Билмезни кёзю кёрмез, этмезни къулагъы эшитмез.
- Билеги кючлю, бирни джыгъар, билими кючлю, мингни джыгъар.
- Эм ашхы къайын ана мамукъ бла башынгы тешер.
- Телиге от эт десенг, юйюнге от салыр.
- Ата – билек, ана – джюрек!
- Сабийни джумушха джибер да, ызындан бар.
- Кёлсюзден сёзсюз тууар.
- Сёз садакъдан кючлюдю.
- Кёб къычыргъандан – къоркъма, тынч олтургъандан – къоркъ.
- Ашхы адам – халкъ байлыгъы, ашхы джер – джашау байлыгъы.
- Адамны сыфатына къарама, сёзюне къара.
- Тили узунну, намысы – къысха.
- Чакъырылмагъан къонакъ – орунсуз.
- Джюрекге ариу – кёзге да ариу.
- Окъуусуз билим – джокъ, билимсиз кюнюнг – джокъ.
- Бюгюн дуния кибик, тамбла ахыратды.
- Эрни эр этерик да, къара джер этерик да, тиширыуду.
- Джангыз торгъай джырламаз.
- Джылкъыдан – ат чыгъар, тукъумдан – джаш чыгъар.
- Терек ауса, отунчу – кёб.
- Тойгъан антын унутур.
- Ариу сёз аурууунгу алыр.
- Мухар, кеси тойса да, кёзю тоймаз.
- Къарнынг тойгъунчу аша да, белинг талгъынчы ишле.
- Бичгенде ашыкъма, тикгенде ашыкъ.
- Ёлюк кебинсиз къалмаз.
- Шекер бла туз – бир болмаз, ушамагъан – юй болмаз.
- Адамны бетине къарама, адетине къара.
- Аурууну келиую тынч, кетиую – къыйын.
- Ашхы атаны – джашы ашхы, ашхы ананы – къызы ашхы.
- Тойчу джашха къарама, къойчу джашха къара.
- Мал кёб болса, джууукъ кёб болур.
- Иги сеники эсе да, сюйген кесимикин этеме.
- Окъдан джара эртде-кеч болса да бителир, сёз джара, ёмюрге къалыр.
- Ачылгъан эт джабылыр, кёрген кёз унутмаз.
- Аманны къуугъан, аманлыкъ табар.
- Аджал соруб келмез, келсе, къайтыб кетмез.
- Тура эдим джата, къайдан чыкъды хата?
- Огъурлуну сёзю – суу, огъурсузну сёзю – уу.
- Кирсизни – саны таза, халалны – къаны таза.
- Аджалсыз ёлюм болмаз.
- Иши джокъну, сыйы джокъ.
- Тюзню ётмеги тюзде къалса да, тас болмаз.
- Кесинг сынамагъан затны, адамгъа буюрма.
- Гыдай эчки суугъа къараб, мюйюзле кёрмесе, джашма алкъын, дегенди.
- Сёз къанатсыз учар.
- Ариуну – ауруу кёб.
- Хар зат кесини орнуна иги.
- Этек чакъмакълары баш джаргъан, сёлешген сёзлери таш джаргъан.
- Иги бла джюрюсенг, джетерсе муратынга, аман бла джюрюсенг, къалырса уятха.
ТАУЛУ|АЛАН - миллет атыбыз.
09.05.2011 18:04:36
Sabr
Сиз форумда салгъан "Сюре барыб" деген джырда да "таулу джашла" деб айтылады къарачайлылагъа. Керти халкъда джюрюген джырмыды экен ол? |
|
|
|
09.05.2011 18:31:47
Первый номер газеты на карачаевском языке "Таулу джашау", вышел в свет 19 декабря 1924 года. (...) За 80 лет газета несколько раз меняла свое название: "Таулу джашау", "Таулу джарлыла", "Къызыл Къарачай", "Ленинни байрагъы", "Къарачай". Ссылка
|
|
|
|
09.05.2011 19:17:33
Tayлy
Бек тюз жаздынг! |
|
|
|
09.05.2011 19:22:07
Ишексиз Таулу деб къарачайлылагъа да айтадыла... айта эдиле. Алай а, бюгюн халкъларыбызны англары айрылышыбдыла. Таулу сёзге разыма, андан да бек Алан сёзге.
|
|
|
|
Читают тему (гостей: 1)