- Эм уллу байлыкъ – джан саулукъ.
- Гырджын – тепсини тамадасы.
- Алма терегинден кери кетмез.
- Тамырсыз терекге таянма – джыгъылырса.
- Келгинчи, къонакъ уялыр, келгенден сора, къонакъбай уялыр.
- Зар адам ашынгы ашар, кесинги сатар.
- Таш ата билмеген, башына урур.
- Атадан ёксюз – бир ёксюз, анадан ёксюз – эки ёксюз.
- Мал тутхан – май джалар.
- Ач отунчуну ачыуу – бурнунда.
- Шапа кёб болса, аш татымсыз болур.
- Тил джюрекге джол ишлейди.
- Мухардан ач ычхынмаз.
- Ачыкъ джюрекге джол – ачыкъ.
- Ишленмеклик адамлыкъды.
- Уллу сёлешме да, уллу къаб.
- Чакъырылмагъан къонакъ – орунсуз.
- Къонакъны къачан кетерин сорма, къачан келлигин сор.
- Ишлемеген – тишлемез.
- Чомартха Тейри да борчлуду.
- Бал чибинни ургъаны – ачы, балы – татлы.
- Тели турса – той бузар.
- Эркишиге тары кебек танг кёрюнюр.
- Кеси юйюмде мен да ханма.
- Ачыу алгъа келсе, акъыл артха къалады.
- Аджалсыз ёлюм болмаз.
- Ач да бол, токъ да бол – намысынга бек бол.
- Аурууну келиую тынч, кетиую – къыйын.
- Аманны эки битли тону болур, бирин сеннге кийдирир, бирин кеси киер.
- Башсыз урчукъ тюзюне айланмаз.
- Гыдай эчки суугъа къараб, мюйюзле кёрмесе, джашма алкъын, дегенди.
- Къатын байлыкъны сюер, эр саулукъну сюер.
- Атлыны кёрсе, джаяуну буту талыр.
- Аллахдан тилесенг, кёб тиле.
- Уллу къазанда бишген эт, чий къалмаз.
- Къыйынлы джети элге оноу этер.
- Келинин тута билмеген, къул этер, къызын тута билмеген, тул этер.
- Ач келгенни – тойдур, кеч келгенни – къондур.
- Рысхысына кёре, джаш ёсер, къышлыгъына кёре, мал ёсер.
- Дуния аламаты сен эсенг да, игиме деб айтма.
- Урунуу – насыбны анасы.
- Термилгенинги табмазса, кюлгенинге тюберсе.
- Къралынгы – душмандан, башынгы от бла суудан сакъла.
- Игиге айтсанг – билир, аманнга айтсанг – кюлюр.
- Ушамагъан – джукъмаз.
- Айраннга суу къош, телиге джол бош.
- Аманны тукъумуна къарама, игини тукъумун сорма.
- Асхат ашлыкъ сата, юйдегиси ачдан къата.
- Окъумагъан сокъурду, сокъур ташха абыныр!
- Башы джабылгъан челекге, кир тюшмез.
ТАУЛУ|АЛАН - миллет атыбыз.
09.05.2011 18:04:36
Sabr
Сиз форумда салгъан "Сюре барыб" деген джырда да "таулу джашла" деб айтылады къарачайлылагъа. Керти халкъда джюрюген джырмыды экен ол? |
|
|
|
09.05.2011 18:31:47
Первый номер газеты на карачаевском языке "Таулу джашау", вышел в свет 19 декабря 1924 года. (...) За 80 лет газета несколько раз меняла свое название: "Таулу джашау", "Таулу джарлыла", "Къызыл Къарачай", "Ленинни байрагъы", "Къарачай". Ссылка
|
|
|
|
09.05.2011 19:17:33
Tayлy
Бек тюз жаздынг! ![]() |
|
|
|
09.05.2011 19:22:07
Ишексиз Таулу деб къарачайлылагъа да айтадыла... айта эдиле. Алай а, бюгюн халкъларыбызны англары айрылышыбдыла. Таулу сёзге разыма, андан да бек Алан сёзге.
|
|
|
|
Читают тему (гостей: 1)