- Къатын байлыкъны сюер, эр саулукъну сюер.
- Ауузу аманнга «иги», деме.
- Туз, гырджын аша, тюзлюк бла джаша.
- Окъдан джара эртде-кеч болса да бителир, сёз джара, ёмюрге къалыр.
- Ашына кёре табагъы, балына кёре къалагъы.
- Биреуге аманлыкъны тилеме да, кесинге ашхылыкъны тиле.
- Айраннга суу къош, телиге джол бош.
- Къар – келтирди, суу – элтди.
- Аз сёлеш, кёб ишле.
- Тин – байлыгъынг, терен саулугъунг.
- Баргъанынга кёре болур келгенинг.
- Бет бетге къараса, бет да джерге къарар.
- Джыланны къуйругъундан басарынг келсе, аны башы болгъанын унутма.
- Чабар ат – джетген къыз.
- Джаш болсун, къыз болсун, акъылы, саны тюз болсун.
- Босагъа таш юйге кирмей эди, тыбыр таш эшикге чыкъмай эди.
- Татлы сёз – балдан татлы.
- Ана къолу ачытмаз.
- Билмегенинги, билгеннге сор.
- Уллу суу бла уллу ауруудан башынгы сакъла.
- Юйюнгден чыкъдынг – кюнюнгден чыкъдынг.
- Къазанчы аман болса, къазаны къайнамаз.
- Хоншуну тауугъу къаз кёрюнюр, келини къыз кёрюнюр.
- Тил – кесген бычакъ, сёз – атылгъан окъ.
- Аманнга да, игиге да оноусуз къатышма.
- Сибиртки да сыйлы болду, кюрек да кюнлю болду.
- Джаным-тиним – окъуу, билим.
- Тюзлюк шохлукъну бегитир.
- Тойгъан джерге джети къайт.
- Къолу уллу – асыу, аягъы уллу – джарсыу.
- Эр сокъур болсун, къатын тилсиз болсун.
- Тюзлюк тас болмайды.
- Юй кюйдю да, кюйюз чыкъды, ортасындан тюйюш чыкъды.
- Ариу – кёзге, акъыл – джюрекге.
- Эр абынмай, эл танымаз.
- Чарсда алчыны эл кёреди.
- Ариу сёз джыланны орнундан чыгъарыр.
- Ашхы сёз таш тешер.
- Насыблы элин сюер, насыбсыз кесин сюер.
- Хазыр ашха – терен къашыкъ.
- Сабийни джумушха джибер да, ызындан бар.
- Къайтырыкъ эшигинги, къаты уруб чыкъма.
- Эшекге миннген – биринчи айыб, андан джыгъылгъан – экинчи айыб.
- Иги джашны ышаны – аз сёлешиб, кёб тынгылар.
- Айырылгъанланы айю ашар, бёлюннгенлени бёрю ашар.
- Къууут – джелге, берне – бошха.
- Мени джылытмагъан кюн, меннге тиймесин!
- Ач отунчуну ачыуу – бурнунда.
- Тюз сёз баргъан сууну тыяр.
- Тели турса – той бузар.
ТАУЛУ|АЛАН - миллет атыбыз.
09.05.2011 18:04:36
Sabr
Сиз форумда салгъан "Сюре барыб" деген джырда да "таулу джашла" деб айтылады къарачайлылагъа. Керти халкъда джюрюген джырмыды экен ол? |
|
|
|
09.05.2011 18:31:47
Первый номер газеты на карачаевском языке "Таулу джашау", вышел в свет 19 декабря 1924 года. (...) За 80 лет газета несколько раз меняла свое название: "Таулу джашау", "Таулу джарлыла", "Къызыл Къарачай", "Ленинни байрагъы", "Къарачай". Ссылка
|
|
|
|
09.05.2011 19:17:33
Tayлy
Бек тюз жаздынг! |
|
|
|
09.05.2011 19:22:07
Ишексиз Таулу деб къарачайлылагъа да айтадыла... айта эдиле. Алай а, бюгюн халкъларыбызны англары айрылышыбдыла. Таулу сёзге разыма, андан да бек Алан сёзге.
|
|
|
|
Читают тему (гостей: 1)