- Абынмазлыкъ аякъ джокъ, джангылмазлыкъ джаякъ джокъ.
- Тулпарлыкъ, билекден тюл – джюрекден.
- Иесиз малны бёрю ашар.
- Мал тутхан – май джалар.
- Ишлерге уял да, ашаргъа табма.
- Джахил болса анасы, не билликди баласы?
- Аш хазыр болса, иш харам болур.
- Билеги кючлю, бирни джыгъар, билими кючлю, мингни джыгъар.
- Гырджын – тепсини тамадасы.
- Джетген къыз джерли эшекни танымаз.
- Аман адам этегингден тутса, кес да къач.
- Чабар ат – джетген къыз.
- Тешик этген тынчды, аны джамагъан къыйынды.
- Аз сёлешген, къайгъысыз турур.
- Аш кетер да бет къалыр.
- Ач, тоймам, дейди, тойгъан, ач болмам, дейди.
- Къонакъны къачан кетерин сорма, къачан келлигин сор.
- Башы джабылгъан челекге, кир тюшмез.
- Ана къойну – балагъа джандет.
- Ариу сёз джыланны орнундан чыгъарыр.
- Ауругъан – джашаудан умутчу.
- Акъыл бла адеб эгизледиле.
- Сёлеш деб шай берген, тохта деб, сом берген.
- Эркишини аманы тиширыуну джылатыр.
- Ишге юренсин къоллары, халкъ бла болсун джоллары.
- Ишни ахырын ойламай, аллын башлама.
- Иши джокъну, сыйы джокъ.
- Болджал ишни бёрю ашар.
- Чомартха хар кюн да байрамды.
- Къарны аманнга къазан такъдырма, къолу аманнга от джакъдырма.
- Ач да бол, токъ да бол – намысынга бек бол.
- Дуния аламаты сен эсенг да, игиме деб айтма.
- Аллахха ийнаннган кишини, Аллах онгдурур ишин.
- Тил бла келеди джыр да.
- Миллетни бойну – базыкъ, аны бла кюрешген – джазыкъ.
- Сангырау къулакъ эл бузар.
- Тура эдим джата, къайдан чыкъды хата?
- Кёб джат да, бек чаб.
- Кютгени беш эчки, сызгъыргъаны уа, джерни джарады.
- Арыгъан къош чамчы болур.
- Чакъырылмай келген къонакъ сыйланмай кетер.
- Адамны джюреги нени кёрюрге сюйсе, кёзю да аны кёрюрге ёч болады.
- Ашхылыкъ джерде джатмайды, аманлыкъ суугъа батмайды.
- Этни да ашады, бетни да ашады.
- Узун джолну барсанг, бюгюн келирсе, къысха джолну барсанг, тамбла келирсе.
- Къолу уллу – асыу, аягъы уллу – джарсыу.
- Иги адам абынса да, джангылмаз.
- Минг тенг да азды, бир джау да кёбдю.
- Къуру гыбыт бек дыгъырдар.
- Айырылгъанланы айю ашар, бёлюннгенлени бёрю ашар.
ТАУЛУ|АЛАН - миллет атыбыз.
09.05.2011 18:04:36
Sabr
Сиз форумда салгъан "Сюре барыб" деген джырда да "таулу джашла" деб айтылады къарачайлылагъа. Керти халкъда джюрюген джырмыды экен ол? |
|
|
|
09.05.2011 18:31:47
Первый номер газеты на карачаевском языке "Таулу джашау", вышел в свет 19 декабря 1924 года. (...) За 80 лет газета несколько раз меняла свое название: "Таулу джашау", "Таулу джарлыла", "Къызыл Къарачай", "Ленинни байрагъы", "Къарачай". Ссылка
|
|
|
|
09.05.2011 19:17:33
Tayлy
Бек тюз жаздынг! |
|
|
|
09.05.2011 19:22:07
Ишексиз Таулу деб къарачайлылагъа да айтадыла... айта эдиле. Алай а, бюгюн халкъларыбызны англары айрылышыбдыла. Таулу сёзге разыма, андан да бек Алан сёзге.
|
|
|
|
Читают тему (гостей: 1)