- Къарнынг къанлынга кийирир.
- Босагъа таш юйге кирмей эди, тыбыр таш эшикге чыкъмай эди.
- Къонакъ аман болса, къонакъбай джунчур
- Тюзлюк тас болмайды.
- Ауругъан – джашаудан умутчу.
- Таш ата билмеген, башына урур.
- Тёгюлген тюгел джыйылмайды.
- Аууз сакълагъан – джан сакълар.
- Джарлы тюеге минсе да, ит къабар.
- Этни бети бла шорпасы.
- Чалманны аллы къалай башланса, арты да алай барады.
- Тойгъанлыкъ къойгъа джарашады.
- Окъугъанны бети джарыкъ.
- Тилсиз миллет джокъ болур.
- Башланнган иш битер, къымылдагъан тиш тюшер.
- Сабийни джумушха джибер да, ызындан бар.
- Къралынгы – душмандан, башынгы от бла суудан сакъла.
- Тау башында, тау болмаз, джангыз терек, бау болмаз.
- Ёлюр джаннга, ёкюл джокъ.
- Къызны минг тилер, бир алыр.
- Джаш къарыу бла кючлю, къарт акъыл бла кючлю.
- Къыз чыгъаргъан – къызыл къымжа.
- Тёзгеннге, джабылгъан эшик ачылыр.
- Тюзню ётмеги тюзде къалса да, тас болмаз.
- Аманны тукъумуна къарама, игини тукъумун сорма.
- Ана кёлю – балада, бала кёлю – талада.
- Ёзденликни джайгъан – джокълукъ.
- Душманны тышы – акъ, ичи – къара.
- Ариу сёз аурууунгу алыр.
- Ишин билген, аны сыйын чыгъарады.
- Болджал ишни бёрю ашар.
- Къарны аманнга къазан такъдырма, къолу аманнга от джакъдырма.
- Бети къызарыучу адамны, джюреги харам болмаз.
- Аман киши кеси юйюнде – къонакъ.
- Аякъларынгы джууургъанынга кёре узат.
- Джашны джигитлиги сорулур, къызны джигерлиги сорулур.
- Сабийликде юретмесенг, уллу болса – тюзелмез.
- Ким бла джюрюсенг, аны кёзю бла кёрюнюрсе.
- Абынмазлыкъ аякъ джокъ, джангылмазлыкъ джаякъ джокъ.
- Чыбыкълыкъда бюгюлмеген, къазыкълыкъда бюгюлмей эди.
- Хансыз джомакъ болмаз.
- Ёмюрлюк шохлукъну джел элтмез.
- Тынгылагъан тынгы бузар.
- Дуния малгъа сатылма, кесингден телиге къатылма.
- Адеб джокъда, намыс джокъ.
- Керилген да, ургъан кибикди.
- Сёлеш деб шай берген, тохта деб, сом берген.
- Башда акъыл болмаса, эки аякъгъа кюч джетер.
- Сютню башын джалагъан къутулур, тюбюн ичген тутулур.
- Билим – акъылны чырагъы.
ДЖУРТДА ДЖАНГЫЗ ТЕРЕК
06.01.2011 22:12:53
ШАТ
Алейкум салам ДЖазганларынгы барында джаратыб окъуйма Аллах къаламынгы джити етсин |
|
|
|
06.01.2011 22:43:36
tenebek Ас-салам!
http://as-alan.com/index/index.php?option=com_cont ent&view=article&id=281:2009-01-17-21-41-23&catid= 60:2008-07-26-18-30-37&Itemid=101 Былайгъа къарасанг - бютеу китабларымы кёрлюксе. Том 2 Сен айтхан китабдан эмда башхаладан къуралгъанды. Андан къараб, джаратхан назмуларынгы сала барыргъа боллукъса, кесинг сканерге уруб кюрешмей дегенлигимди. "Эльбрусоид" кесини электрон кютюпханесине- библиотекасына салама десе, джол ачыкъды. Кюреше барсакъ - хар не да таб болур. Эсен кёрюшейик. Билал |
|
|
|
Читают тему (гостей: 1)