- Ата Джуртуму башы болмасам да, босагъасында ташы болайым.
- Джерни букъусу кёкге къонмаз.
- Джети тилни билген джети кишиди.
- Рысхы джалгъанды: келген да этер, кетген да этер.
- Келлик заман – къартлыкъ келтирир, кетген заман – джашлыкъ ёлтюрюр.
- Билими азны – ауузунда кирит.
- Кюн кёрмеген, кюн кёрсе, кюндюз чыракъ джандырыр.
- Ышармагъан – кюлмез, кюлмеген – къууанчны билмез.
- Сагъышы джокъ – джукъучу, акъылы джокъ – къаугъачы.
- Акъыллы эркиши атын махтар, акъылсыз эркиши къатынын махтар.
- Чакъырылмай келген къонакъ сыйланмай кетер.
- Тойгъандан сора, ашны сёкме.
- Нёгерсизни джолу узун.
- Джаханимни кёрмей, джандетге кёл салмазса.
- Къызны минг тилер, бир алыр.
- Джигер – джаннга къыйынлыкъ.
- Ёзденликни джайгъан – джокълукъ.
- Тил джюрекге джол ишлейди.
- Чомарт бергенин айтмаз.
- Аллахдан тилесенг, кёб тиле.
- Хантына кёре тузу, юйюне кёре къызы.
- Сакъалы текени да бар, мыйыгъы киштикни да бар.
- Кёзю сокъурдан – къоркъма, кёлю сокъурдан – къоркъ.
- Уруну арты – къуру.
- Джаш къарыу бла кючлю, къарт акъыл бла кючлю.
- Азыкълы ат арымаз, къатыны аман джарымаз.
- Адамны артындан къара сабан сюрме.
- Кёпюр салгъан кеси ётер, уру къазгъан кеси кетер.
- От этилмеген джерден тютюн чыкъмайды.
- Чабар ат – джетген къыз.
- Тамчы таш тешер.
- Уллу сёлешме да, уллу къаб.
- Къарнынг тойгъунчу аша да, белинг талгъынчы ишле.
- Терслик кетер, тюзлюк джетер.
- Суу кетер, таш къалыр.
- Этек чакъмакълары баш джаргъан, сёлешген сёзлери таш джаргъан.
- Эски джаугъа ышанма.
- Айтхан – тынч, этген – къыйын.
- Аурууну келиую тынч, кетиую – къыйын.
- Кёз – сюйген джерде, къол – ауругъан джерде.
- Дуния мал дунияда къалады.
- Ашарыкъда сайлагъаннга – чий гырджын.
- Ёнгкюч къууана барыр, джылай келир.
- Керек ташны ауурлугъу джокъ.
- Юре билмеген ит, къонакъ келтирир.
- Адам къаллай бир ишленмесе, аллай бир кесин уллу кёреди.
- Ёлюк кебинсиз къалмаз.
- Хазыр ашха – терен къашыкъ.
- Байма, деб да, къууанма, джарлыма, деб да, джылама.
- Орундукъ тюбюнде атылсам да, орта джиликме, де да айлан.
ДЖУРТДА ДЖАНГЫЗ ТЕРЕК
06.01.2011 22:12:53
ШАТ
Алейкум салам ДЖазганларынгы барында джаратыб окъуйма Аллах къаламынгы джити етсин |
|
|
|
06.01.2011 22:43:36
tenebek Ас-салам!
http://as-alan.com/index/index.php?option=com_cont ent&view=article&id=281:2009-01-17-21-41-23&catid= 60:2008-07-26-18-30-37&Itemid=101 Былайгъа къарасанг - бютеу китабларымы кёрлюксе. Том 2 Сен айтхан китабдан эмда башхаладан къуралгъанды. Андан къараб, джаратхан назмуларынгы сала барыргъа боллукъса, кесинг сканерге уруб кюрешмей дегенлигимди. "Эльбрусоид" кесини электрон кютюпханесине- библиотекасына салама десе, джол ачыкъды. Кюреше барсакъ - хар не да таб болур. Эсен кёрюшейик. Билал |
|
|
|
Читают тему (гостей: 1)