- Тамырсыз терекге таянма – джыгъылырса.
- Тай асырагъан, атха минер.
- Тенги кёбню джау алмаз, акъылы кёбню дау алмаз.
- Къарнынг къанлынга кийирир.
- Ариу сёз аурууунгу алыр.
- Артына баргъанны, къатына барма.
- Ариу сёзде ауруу джокъ.
- Адамны аты башхача, акъылы да башхады.
- Эшекге миннген – биринчи айыб, андан джыгъылгъан – экинчи айыб.
- Агъач – джерни чырайы, кийим – эрни чырайы.
- Къарт бла баш аша, джаш бла аякъ аша.
- Чомартны къолу берекет.
- От этилмеген джерден тютюн чыкъмайды.
- Босагъагъа джууукъ орун болса, ашыгъыб тёрге озма.
- Тойгъанлыкъ къойгъа джарашады.
- Бал – татлы, балдан да бала – татлы.
- Ана къойну – балагъа джандет.
- Уясында не кёрсе, учханында аны этер.
- Къыз тиширыу кеси юйюнде да къонакъды.
- Соргъан айыб тюлдю, билмеген айыбды.
- Гугук кесини атын айтыб къычыргъанча, мен, мен деб нек тураса?
- Тилсиз миллет джокъ болур.
- Къазанны башы ачыкъ болса, итге уят керекди.
- Джыйырма къойну юч джыйырма эбзе кюте эди.
- Атадан ёксюз – бир ёксюз, анадан ёксюз – эки ёксюз.
- «Ма», - дегенни билмесенг, «бер», - дегенни билмезсе.
- Къатын байлыкъны сюер, эр саулукъну сюер.
- Азыкъ аз болса, эртде орун сал.
- Джюрекден джюрекге джол барды.
- Къозулугъунда тоймагъан, къойлугъунда тоймаз.
- Сабыр джетер муратха, сабырсыз къалыр уятха.
- Тели турса – той бузар.
- Байлыкъ тауусулур, билим тауусулмаз.
- Этни бети бла шорпасы.
- Ата – баланы уясы.
- Окъуусуз билим – джокъ, билимсиз кюнюнг – джокъ.
- Тилде сюек болмаса да, сюек сындырыр.
- Къызын тута билмеген, тул этер, джашын тута билмеген, къул этер.
- Акъдан къара болмаз.
- Ата – билек, ана – джюрек!
- Терслик кетер, тюзлюк джетер.
- Кимни – тили, тиши онглу, кимни – къолу, иши онглу.
- Джангыз торгъай джырламаз.
- Тойгъа алгъа да барма, тойда артха да къалма.
- Аз сёлешген, къайгъысыз турур.
- Джылар джаш, атасыны сакъалы бла ойнар.
- Сютден ауузу кюйген, суугъа юфгюре эди.
- Къатын къылыкъсыз, эр тынчлыкъсыз.
- Иги сёз – джаннга азыкъ, аман сёз башха – къазыкъ.
- Баланы адам этген анады.
ДЖУРТДА ДЖАНГЫЗ ТЕРЕК
06.01.2011 22:12:53
ШАТ
Алейкум салам ДЖазганларынгы барында джаратыб окъуйма Аллах къаламынгы джити етсин |
|
|
|
06.01.2011 22:43:36
tenebek Ас-салам!
http://as-alan.com/index/index.php?option=com_cont ent&view=article&id=281:2009-01-17-21-41-23&catid= 60:2008-07-26-18-30-37&Itemid=101 Былайгъа къарасанг - бютеу китабларымы кёрлюксе. Том 2 Сен айтхан китабдан эмда башхаладан къуралгъанды. Андан къараб, джаратхан назмуларынгы сала барыргъа боллукъса, кесинг сканерге уруб кюрешмей дегенлигимди. "Эльбрусоид" кесини электрон кютюпханесине- библиотекасына салама десе, джол ачыкъды. Кюреше барсакъ - хар не да таб болур. Эсен кёрюшейик. Билал |
|
|
|
Читают тему (гостей: 1)