- Борчунг бар эсе, хурджунунга ойлаб узал.
- Тюзню ётмеги тюзде къалса да, тас болмаз.
- Мухардан ач ычхынмаз.
- Телини эшигин, махтау джабар.
- Адам къыйынлыгъын кёлтюрюр, зауукълугъун кёлтюрмез.
- Джаралыны джастыгъында сау ёлюр.
- Кюн – узун, ёмюр – къысха.
- Орундукъ тюбюнде атылсам да, орта джиликме, де да айлан.
- Кесине гебен этелмеген, биреуге черен эте эди.
- Билимли ёлмез, билимсиз кёрмез.
- Къыйынлы джети элни къайгъысын этер.
- Юй ишлеген балта эшикде къалыр.
- Аз айтсам, кёб ангылагъыз.
- Бюгюн дуния кибик, тамбла ахыратды.
- Ётюрюк хапар аякъ тюбю бла джюрюйдю.
- Баргъанынга кёре болур келгенинг.
- Этим кетсе да, сюегим къалыр.
- Таукел тауну аудурур.
- Хатерли къул болур.
- Таукелге нюр джауар.
- Окъугъанны бети джарыкъ.
- Игилик игилик бла сингдирилиучю затды.
- Джарлыны тону джаз битер.
- Тамчы таш тешер.
- Джигер – джаннга къыйынлыкъ.
- Аджашхан тёгерек айланыр.
- Гугурук къычырмаса да, тангны атары къалмаз.
- Кёб къычыргъандан – къоркъма, тынч олтургъандан – къоркъ.
- Айтхан сёзюне табылгъан.
- Къулакъдан эсе, кёзге ышан.
- Баш болса, бёрк табылыр.
- Нёгер болсанг, тенг бол, тенг болмасанг, кенг бол.
- Шапа кёб болса, аш татымсыз болур.
- Чабар ат – джетген къыз.
- Агъач – джерни чырайы, кийим – эрни чырайы.
- Башланнган иш битер, къымылдагъан тиш тюшер.
- Кюл тюбюндеги от кёрюнмейди.
- Хоншуну тауугъу къаз кёрюнюр, келини къыз кёрюнюр.
- Тойну къарнашы – харс, джырны къарнашы – эжиу.
- Кёзню ачылгъаны – иги, ауузну джабылгъаны – иги.
- Илму – джашауну джолу.
- Къуру гыбыт бек дыгъырдар.
- Къайгъы тюбю – тенгиз.
- Ашда – бёрю, ишде – ёлю.
- Ёлюр джаннга, ёкюл джокъ.
- Ат басханны джер билед.
- Эрине къаргъыш этген къатын, эрнин къабар.
- Кёбню кёрген – кёб билир.
- Рысхы – сют юсюнде кёмюк кибикди.
- Мал тутхан – май джалар.
ДЖУРТДА ДЖАНГЫЗ ТЕРЕК
06.01.2011 22:12:53
ШАТ
Алейкум салам ДЖазганларынгы барында джаратыб окъуйма Аллах къаламынгы джити етсин |
|
|
|
06.01.2011 22:43:36
tenebek Ас-салам!
http://as-alan.com/index/index.php?option=com_cont ent&view=article&id=281:2009-01-17-21-41-23&catid= 60:2008-07-26-18-30-37&Itemid=101 Былайгъа къарасанг - бютеу китабларымы кёрлюксе. Том 2 Сен айтхан китабдан эмда башхаладан къуралгъанды. Андан къараб, джаратхан назмуларынгы сала барыргъа боллукъса, кесинг сканерге уруб кюрешмей дегенлигимди. "Эльбрусоид" кесини электрон кютюпханесине- библиотекасына салама десе, джол ачыкъды. Кюреше барсакъ - хар не да таб болур. Эсен кёрюшейик. Билал |
|
|
|
Читают тему (гостей: 2)