- Телиге акъыл салгъандан эсе, ёлгеннге джан салырса.
- Ишни аллы бла къууанма да, арты бла къууан.
- Келгинчи, къонакъ уялыр, келгенден сора, къонакъбай уялыр.
- Эки къатын алгъанны къулагъы тынгнгаймаз.
- Кюн – узун, ёмюр – къысха.
- Болджал ишни бёрю ашар.
- Байдан умут эте, джарлыдан ёгюз багъасы къорады.
- Ауругъаннга – кийик саулукъ, джетген къызгъа – чилле джаулукъ.
- Кимни – тили, тиши онглу, кимни – къолу, иши онглу.
- Айранын берсенг, челегин да къызгъанма.
- Юйюнг бла джау болгъандан эсе, элинг бла джау бол.
- Эки ойлашыб, бир сёлешген.
- Ашхы адам – халкъ байлыгъы, ашхы джер – джашау байлыгъы.
- Къарнынг тойгъунчу аша да, белинг талгъынчы ишле.
- Орундукъ тюбюнде атылсам да, орта джиликме, де да айлан.
- Экеу тутушса, биреу джыгъылыр.
- Ишленмеген джаш – джюгенсиз ат, ишленмеген къыз – тузсуз хант.
- Къууут – джелге, берне – бошха.
- Алтыннга тот къонмаз.
- Къайгъы тюбю – тенгиз.
- Эте билген, этген этеди, эте билмеген, юретген этеди!
- Эл бла кёргенинг эрелей.
- Акъыл сабырлыкъ берир.
- Суу ичген шауданынга тюкюрме.
- Ат басханны джер билед.
- Акъыл аздырмаз, билим тоздурмаз.
- Бир абыннган – минг сюрюнюр.
- Адам къаллай бир ишленмесе, аллай бир кесин уллу кёреди.
- Келинин тута билмеген, къул этер, къызын тута билмеген, тул этер.
- Билмегенинги, билгеннге сор.
- Ёгюзню мюйюзюнден тутадыла, адамны сёзюнден тутадыла.
- Сагъышы джокъ – джукъучу, акъылы джокъ – къаугъачы.
- Таш бла ургъанны, аш бла ур.
- Иесиз малны бёрю ашар.
- Къарыусузгъа кюлме, онгсузгъа тийме.
- Уллу атлама – абынырса, уллу къабма – къарылырса.
- Терслик кетер, тюзлюк джетер.
- Аджалсыз ёлюм болмаз.
- Хантына кёре тузу, юйюне кёре къызы.
- Кийимни бир кюнню аясанг, минг кюннге джарар.
- Татлы сёз – балдан татлы.
- Чомарт джарлы болмаз.
- Рысхы – насыбха къор.
- Аууз сакълагъан – джан сакълар.
- Ат да турмайды бир териде.
- Ёмюрлюк шохлукъну джел элтмез.
- Ойнаб айтсанг да, эслеб айт.
- Тёрени джагъы джокъ.
- Эки элинги тыйсанг, джети элде махталырса.
- Тёзген – тёш ашар!
ДЖУРТДА ДЖАНГЫЗ ТЕРЕК
06.01.2011 22:12:53
ШАТ
Алейкум салам ДЖазганларынгы барында джаратыб окъуйма Аллах къаламынгы джити етсин |
|
|
|
06.01.2011 22:43:36
tenebek Ас-салам!
http://as-alan.com/index/index.php?option=com_cont ent&view=article&id=281:2009-01-17-21-41-23&catid= 60:2008-07-26-18-30-37&Itemid=101 Былайгъа къарасанг - бютеу китабларымы кёрлюксе. Том 2 Сен айтхан китабдан эмда башхаладан къуралгъанды. Андан къараб, джаратхан назмуларынгы сала барыргъа боллукъса, кесинг сканерге уруб кюрешмей дегенлигимди. "Эльбрусоид" кесини электрон кютюпханесине- библиотекасына салама десе, джол ачыкъды. Кюреше барсакъ - хар не да таб болур. Эсен кёрюшейик. Билал |
|
|
|
Читают тему (гостей: 1)