- Иги – алгъыш этер, аман – къаргъыш этер.
- Аз айтсам, кёб ангылагъыз.
- Арба аугъандан сора, джол кёргюзтюучю кёб болур.
- Къыз келсе, джумуш эте келеди, къатын келсе, ушакъ эте келеди.
- Хоншуну тауугъу къаз кёрюнюр, келини къыз кёрюнюр.
- Алма терегинден кери кетмез.
- Билими азны – ауузунда кирит.
- Агъач – джерни чырайы, кийим – эрни чырайы.
- Агъач халкъгъа алтынды, иссиликге салкъынды.
- Уллу атлама – абынырса, уллу къабма – къарылырса.
- Билмезни кёзю кёрмез, этмезни къулагъы эшитмез.
- Чомарт бергенин айтмаз.
- Ёлген эшек бёрюден къоркъмайды.
- Тилсиз миллет джокъ болур.
- Тил – кесген бычакъ, сёз – атылгъан окъ.
- Сормай – алма, чакъырылмай – барма.
- Айран тёгюлсе, джугъусу къалыр.
- Джарлыны эшигин махтагъан джабар.
- Адам бла мюлк юлешмеген эсенг, ол адамны билиб бошагъанма, деб кесинги алдама.
- Джарлыны тону джаз битер.
- Рысхы джалгъанды: келген да этер, кетген да этер.
- Аман эсирсе, юйюн ояр.
- От этилмеген джерден тютюн чыкъмайды.
- Эки къатын алгъан – эки ташны ортасына башын салгъан.
- Кёпюр салгъан кеси ётер, уру къазгъан кеси кетер.
- Джыланны къуйругъундан басарынг келсе, аны башы болгъанын унутма.
- Джан саулукъ бермей, сан саулукъ бермезсе.
- Сёлеш деб шай берген, тохта деб, сом берген.
- Байны оноуу, джарлыгъа джарамаз.
- Уруну арты – къуру.
- Ургъан суудан башынгы сакъла.
- Телиге от эт десенг, юйюнге от салыр.
- Адеб джокъда, намыс джокъ.
- Къартха ушагъан джаш – акъыллы, джашха ушагъан къарт – тели.
- Юй ишлеген балта эшикде къалыр.
- Джауумдан сора, кюн кюйдюрюр, ётюрюкден сора, айыб кюйдюрюр.
- Телини эшигин, махтау джабар.
- Эри аманны, къатыны – аман.
- Джюз элде джюз ёгюзюм болгъандан эсе, джюз джууугъум болсун.
- Урама да – ёледи, сатама да – келеди.
- Эркишиге тары кебек танг кёрюнюр.
- Тюзлюк шохлукъну бегитир.
- Тюзню ётмеги тюзде къалса да, тас болмаз.
- Эшекге миннген – биринчи айыб, андан джыгъылгъан – экинчи айыб.
- Юйюнгден чыкъдынг – кюнюнгден чыкъдынг.
- Айныгъанлы алты кюн, тогъайгъанлы тогъуз кюн.
- Уясында не кёрсе, учханында аны этер.
- Джырчы ёлсе, джыры къалыр.
- Аш кетер да бет къалыр.
- Сибиртки да сыйлы болду, кюрек да кюнлю болду.
ДЖУРТДА ДЖАНГЫЗ ТЕРЕК
06.01.2011 22:12:53
ШАТ
Алейкум салам ДЖазганларынгы барында джаратыб окъуйма Аллах къаламынгы джити етсин |
|
|
|
06.01.2011 22:43:36
tenebek Ас-салам!
http://as-alan.com/index/index.php?option=com_cont ent&view=article&id=281:2009-01-17-21-41-23&catid= 60:2008-07-26-18-30-37&Itemid=101 Былайгъа къарасанг - бютеу китабларымы кёрлюксе. Том 2 Сен айтхан китабдан эмда башхаладан къуралгъанды. Андан къараб, джаратхан назмуларынгы сала барыргъа боллукъса, кесинг сканерге уруб кюрешмей дегенлигимди. "Эльбрусоид" кесини электрон кютюпханесине- библиотекасына салама десе, джол ачыкъды. Кюреше барсакъ - хар не да таб болур. Эсен кёрюшейик. Билал |
|
|
|
Читают тему (гостей: 1)