- Киштикге къанат битсе, чыпчыкъ къалмаз эди.
- Адамны сабийин сюйген джюреги, бычакъча, джитиди.
- Ариу сёз – джаннга азыкъ, аман сёз – башха къазыкъ.
- Айтхан сёзюне табылгъан.
- Джюрек кёзден алгъа кёрюр.
- Тулпарлыкъ, билекден тюл – джюрекден.
- Къолу уллу – асыу, аягъы уллу – джарсыу.
- Ашлыкъны арба юйге келтирир, чана базаргъа элтир.
- Аманнга алтын чыдамаз.
- Ёксюзню тилеги къабыл болур.
- Хантына кёре тузу, юйюне кёре къызы.
- Джарлы джети элни сёзюн этер.
- Гыдай эчки суугъа къараб, мюйюзле кёрмесе, джашма алкъын, дегенди.
- Джети тилни билген джети кишиди.
- Билим къая тешер.
- Суугъа – чабакъ, къаягъа – ыргъакъ.
- Малны кют, джерни тюрт.
- Къыйынлы джети элни къайгъысын этер.
- Хар адамгъа кеси миннген тау кибик.
- Кёб ашасанг, татыуу чыкъмаз, кёб сёлешсенг, магъанасы чыкъмаз.
- Кёрмегеннге кебек – танг, битмегеннге сакъал – танг.
- Ёнгкюч къууана барыр, джылай келир.
- Татлы сёз – балдан татлы.
- Тойгъанлыкъ къойгъа джарашады.
- Сабий кёргенин унутмаз.
- Къызбайны юйюне дери сюрсенг, батыр болур.
- Ачлыкъ отха секиртир.
- Башынга джетмегенни сорма.
- Ёпкелегенни ашы татлы болады.
- Узун джолну барсанг, бюгюн келирсе, къысха джолну барсанг, тамбла келирсе.
- Сёз къанатсыз учар.
- Джангыз терек къынгыр ёсер.
- Джахил болса анасы, не билликди баласы?
- Иги сёз – джаннга азыкъ, аман сёз башха – къазыкъ.
- Суу кетер, таш къалыр.
- Аджалсыз ёлюм болмаз.
- Къатын байлыкъны сюер, эр саулукъну сюер.
- Эркиши – от, тиширыу – суу.
- Келинни – келгинчи, бёркню кийгинчи кёр.
- Джарашыу сюйген – джалынчакъ.
- Ашхы – джыяр, аман – джояр.
- Джырчы ёлсе, джыры къалыр.
- Сакъламагъан затынга джолукъсанг, не бек къууанаса, не бек ачыйса.
- Тилчи бир сагъатха айлыкъ хата этер.
- Чакъырылгъанны аты, чакъырылмагъанны багъасы болур.
- Биреуге аманлыкъ этиб, кесинге игилик табмазса.
- Этни да ашады, бетни да ашады.
- Къонакъ кёб келюучю юйню, къазаны отдан тюшмез.
- Ётюрюкню башын керти кесер.
- Ойнаб айтсанг да, эслеб айт.
ДЖУРТДА ДЖАНГЫЗ ТЕРЕК
06.01.2011 22:12:53
ШАТ
Алейкум салам ДЖазганларынгы барында джаратыб окъуйма Аллах къаламынгы джити етсин |
|
|
|
06.01.2011 22:43:36
tenebek Ас-салам!
http://as-alan.com/index/index.php?option=com_cont ent&view=article&id=281:2009-01-17-21-41-23&catid= 60:2008-07-26-18-30-37&Itemid=101 Былайгъа къарасанг - бютеу китабларымы кёрлюксе. Том 2 Сен айтхан китабдан эмда башхаладан къуралгъанды. Андан къараб, джаратхан назмуларынгы сала барыргъа боллукъса, кесинг сканерге уруб кюрешмей дегенлигимди. "Эльбрусоид" кесини электрон кютюпханесине- библиотекасына салама десе, джол ачыкъды. Кюреше барсакъ - хар не да таб болур. Эсен кёрюшейик. Билал |
|
|
|
Читают тему (гостей: 1)