- Атлыны ашхысы, ат тизгининден билинир
- Халкъгъа джарагъан, джарлы къалмаз.
- Ашхы болсанг, атынг чыгъар, аман болсанг, джанынг чыгъар.
- Тик ёргени, тик энгишгеси да болады.
- Ата – баланы уясы.
- Джюрекге ариу – кёзге да ариу.
- Тас болгъан бычакъны сабы – алтын.
- Тынгылагъан тынгы бузар.
- Ашына кёре табагъы, балына кёре къалагъы.
- Тойгъандан сора, ашны сёкме.
- Кюл тюбюндеги от кёрюнмейди.
- Нарт сёз къарт болмаз.
- Къуру гыбыт бек дыгъырдар.
- Байдан умут эте, джарлыдан ёгюз багъасы къорады.
- Айран ичген – къутулду, джугъусун джалагъан – тутулду.
- Алим болгъандан эсе, адам болгъан къыйынды.
- Джумушакъ сёз къаты таякъны сындырыр.
- Мухар, кеси тойса да, кёзю тоймаз.
- Алма терегинден кери кетмез.
- Ариу сёз – джаннга азыкъ, аман сёз – башха къазыкъ.
- Окъумагъан сокъурду, сокъур ташха абыныр!
- Ашхы тенг джолгъа салыр, аман тенг джолдан тайдырыр.
- Къарнынг ауруса, ауузунгу тый
- Ариуну – ауруу кёб.
- Иги адамны бир сёзю эки болмаз.
- Акъылсызны джууукъгъа алма, акъыллыны кенгнге салма.
- Рысхы – сют юсюнде кёмюк кибикди.
- Чомартха Тейри да борчлуду.
- Тенги кёбню джау алмаз, акъылы кёбню дау алмаз.
- Биреу ашаб къутулур, биреу джалаб тутулур.
- Тойгъа алгъа да барма, тойда артха да къалма.
- Ариу сёз – къылычдан джити.
- Эли джокъну – кёлю джокъ.
- Садакъачыны джаны – къапчыгъында.
- Эки элинги тыйсанг, джети элде махталырса.
- Адам къаллай бир ишленмесе, аллай бир кесин уллу кёреди.
- Эрни эр этерик да, къара джер этерик да, тиширыуду.
- Ач къарынны, токъ билмез
- Ашлыкъ – бюртюкден, джюн – тюкден.
- Ач да бол, токъ да бол – намысынга бек бол.
- Эл ауузу – элек, анга ийнаннган – халек.
- Джылкъыдан – ат чыгъар, тукъумдан – джаш чыгъар.
- Къоркъакъны кёзю экили кёрюр.
- Билими азны – ауузунда кирит.
- Чомарт бергенин айтмаз.
- Бети къызарыучу адамны, джюреги харам болмаз.
- Магъанасыз сёз – тауушсуз сыбызгъы.
- Биреуню къыйынлыгъы бла кесинге джол ишлеме.
- Тай асырагъан, атха минер.
- Биреуню эскиси биреуге джангы болмайды.
ДЖУРТДА ДЖАНГЫЗ ТЕРЕК
06.01.2011 22:12:53
ШАТ
Алейкум салам ДЖазганларынгы барында джаратыб окъуйма Аллах къаламынгы джити етсин |
|
|
|
06.01.2011 22:43:36
tenebek Ас-салам!
http://as-alan.com/index/index.php?option=com_cont ent&view=article&id=281:2009-01-17-21-41-23&catid= 60:2008-07-26-18-30-37&Itemid=101 Былайгъа къарасанг - бютеу китабларымы кёрлюксе. Том 2 Сен айтхан китабдан эмда башхаладан къуралгъанды. Андан къараб, джаратхан назмуларынгы сала барыргъа боллукъса, кесинг сканерге уруб кюрешмей дегенлигимди. "Эльбрусоид" кесини электрон кютюпханесине- библиотекасына салама десе, джол ачыкъды. Кюреше барсакъ - хар не да таб болур. Эсен кёрюшейик. Билал |
|
|
|
Читают тему (гостей: 1)