- Нарт сёз къарт болмаз.
- Билмезни кёзю кёрмез, этмезни къулагъы эшитмез.
- Булут кёкге джарашыу, уят бетге джарашыу.
- Аманнга игилик этсенг, юйюнге сау бармазса.
- Кёпюр салгъан кеси ётер, уру къазгъан кеси кетер.
- Ауругъаннга – кийик саулукъ, джетген къызгъа – чилле джаулукъ.
- Билмейме деген – бир сёз
- Ачлыкъ отха секиртир.
- Чомартны къолун джокълукъ байлар.
- Кесине оноу эте билмеген, халкъына да эте билмез.
- Аманны тукъумуна къарама, игини тукъумун сорма.
- Ата – билек, ана – джюрек!
- Къарт болгъан джерде, берекет болур, сабий болгъан джерде, оюн болур.
- Джыланны къуйругъундан басарынг келсе, аны башы болгъанын унутма.
- Кёзню ачылгъаны – иги, ауузну джабылгъаны – иги.
- Сютден ауузу кюйген, суугъа юфгюре эди.
- Ашхы тенг джолгъа салыр, аман тенг джолдан тайдырыр.
- Урама да – ёледи, сатама да – келеди.
- Хоншуну тауугъу къаз кёрюнюр, келини къыз кёрюнюр.
- Татлы сёз – балдан татлы.
- Тынгылагъан тынгы бузар.
- Ашарыкъда сайлагъаннга – чий гырджын.
- Бир абыннган – минг сюрюнюр.
- Къайтырыкъ эшигинги, къаты уруб чыкъма.
- Эки итни арасына сюек атма, эки адамны арасында сёз чыгъарма.
- Ишге юренсин къоллары, халкъ бла болсун джоллары.
- Уруну арты – къуру.
- Айырылмаз джууугъунга, унутмаз сёзню айтма.
- Огъурлуну сёзю – суу, огъурсузну сёзю – уу.
- Магъанасыз сёз – тауушсуз сыбызгъы.
- Гугурук къычырмаса да, тангны атары къалмаз.
- Нарт сёз – тилни бети.
- Ариу сёзде ауруу джокъ.
- Аурууну келиую тынч, кетиую – къыйын.
- Байлыкъ тауусулур, билим тауусулмаз.
- Аш хазыр болса, иш харам болур.
- Чёбню кёлтюрсенг, тюбюнден сёз чыгъар.
- Джети тилни билген джети кишиди.
- Адам бла мюлк юлешмеген эсенг, ол адамны билиб бошагъанма, деб кесинги алдама.
- Къатыны харакетли болса, эри къымсыз болур.
- Къозулугъунда тоймагъан, къойлугъунда тоймаз.
- Къыйынлы джети элге оноу этер.
- Хар адамгъа кеси миннген тау кибик.
- Джангыз торгъай джырламаз.
- Илму – джашауну джолу.
- Къарын къуру болса, джюрек уру болур.
- Чомарт бергенин айтмаз.
- Ана къойну – балагъа джандет.
- Ачыу алгъа келсе, акъыл артха къалады.
- Мени джылытмагъан кюн, меннге тиймесин!
ДЖУРТДА ДЖАНГЫЗ ТЕРЕК
06.01.2011 22:12:53
ШАТ
Алейкум салам ДЖазганларынгы барында джаратыб окъуйма Аллах къаламынгы джити етсин |
|
|
|
06.01.2011 22:43:36
tenebek Ас-салам!
http://as-alan.com/index/index.php?option=com_cont ent&view=article&id=281:2009-01-17-21-41-23&catid= 60:2008-07-26-18-30-37&Itemid=101 Былайгъа къарасанг - бютеу китабларымы кёрлюксе. Том 2 Сен айтхан китабдан эмда башхаладан къуралгъанды. Андан къараб, джаратхан назмуларынгы сала барыргъа боллукъса, кесинг сканерге уруб кюрешмей дегенлигимди. "Эльбрусоид" кесини электрон кютюпханесине- библиотекасына салама десе, джол ачыкъды. Кюреше барсакъ - хар не да таб болур. Эсен кёрюшейик. Билал |
|
|
|
Читают тему (гостей: 1)