- Таякъ этден ётер, тил сюекден ётер.
- Къартха ушагъан джаш – акъыллы, джашха ушагъан къарт – тели.
- Ариу сёз джыланны орнундан чыгъарыр.
- Ашлыкъны арба юйге келтирир, чана базаргъа элтир.
- Ашына кёре табагъы, балына кёре къалагъы.
- Бети бедерден, намыс сакълама.
- Билим насыб берир, билим джолну керир.
- Сютден ауузу кюйген, суугъа юфгюре эди.
- Гыдай эчки суугъа къараб, мюйюзле кёрмесе, джашма алкъын, дегенди.
- Рысхы – насыбха къор.
- Кенгеш болса, уруш болмаз.
- Къонакъ кёб келюучю юйню, къазаны отдан тюшмез.
- Аман адам этегингден тутса, кес да къач.
- Къазанны башы ачыкъ болса, итге уят керекди.
- Тюзлюк шохлукъну бегитир.
- Юйлю уругъа ит чабмаз.
- Накъырда – кертини келечиси.
- Чомартны къолу берекет.
- Онгсузну – джакъла, тенгликни – сакъла.
- Тенги кёбню джау алмаз, акъылы кёбню дау алмаз.
- Ашын ашагъанынгы, башын да сыйла.
- Бал чибинни ургъаны – ачы, балы – татлы.
- Айранны сюйген, ийнек тутар.
- Ач къалгъандан, кеч къалгъан къолай.
- Сабий кёргенин унутмаз.
- Харам къарнашдан, халал тенг ашхы.
- Рысхысына кёре, джаш ёсер, къышлыгъына кёре, мал ёсер.
- Къатын къылыкъсыз, эр тынчлыкъсыз.
- Билеги кючлю, бирни джыгъар, билими кючлю, мингни джыгъар.
- Этни да ашады, бетни да ашады.
- Атлыны ашхысы, ат тизгининден билинир
- Уллу атлама – абынырса, уллу къабма – къарылырса.
- Адамны адамлыгъы къыйынлыкъда айгъакъланады.
- Ашхы адам – халкъ байлыгъы, ашхы джер – джашау байлыгъы.
- Мадар болса, къадар болур.
- Зар адам ашынгы ашар, кесинги сатар.
- Ётген ёмюр – акъгъан суу.
- Тойгъандан сора, ашны сёкме.
- Айран тёгюлсе, джугъусу къалыр.
- Акъыл аздырмаз, билим тоздурмаз.
- Чыкълы кюнде чыкъмагъан, чыкъса къуру кирмеген.
- Джолда аягъынга сакъ бол, ушакъда тилинге сакъ бол.
- Ёлген эшек бёрюден къоркъмайды.
- Ана – юйню кюн джарыгъы.
- Айырылмаз джууугъунга, унутмаз сёзню айтма.
- Аджал соруб келмез, келсе, къайтыб кетмез.
- Билген билмегенни юретген адетди.
- Аман адам элни бир-бирине джау этер.
- Чомартха хар кюн да байрамды.
- Эл ауузу – элия.
ДЖУРТДА ДЖАНГЫЗ ТЕРЕК
06.01.2011 22:12:53
ШАТ
Алейкум салам ДЖазганларынгы барында джаратыб окъуйма Аллах къаламынгы джити етсин |
|
|
|
06.01.2011 22:43:36
tenebek Ас-салам!
http://as-alan.com/index/index.php?option=com_cont ent&view=article&id=281:2009-01-17-21-41-23&catid= 60:2008-07-26-18-30-37&Itemid=101 Былайгъа къарасанг - бютеу китабларымы кёрлюксе. Том 2 Сен айтхан китабдан эмда башхаладан къуралгъанды. Андан къараб, джаратхан назмуларынгы сала барыргъа боллукъса, кесинг сканерге уруб кюрешмей дегенлигимди. "Эльбрусоид" кесини электрон кютюпханесине- библиотекасына салама десе, джол ачыкъды. Кюреше барсакъ - хар не да таб болур. Эсен кёрюшейик. Билал |
|
|
|
Читают тему (гостей: 1)