- Чакъырылмагъан джерге барма, чакъырылгъан джерден къалма.
- Суугъа – таянма, джаугъа – ийнанма.
- Кесинге джетмегенни, кёб сёлешме.
- Джылар джаш, атасыны сакъалы бла ойнар.
- Иги бла джюрюсенг, джетерсе муратынга, аман бла джюрюсенг, къалырса уятха.
- Къарнынг къанлынга кийирир.
- Кёрмегеннге кебек – танг, битмегеннге сакъал – танг.
- Азыкъ аз болса, эртде орун сал.
- Къаллай салам берсенг, аллай джууаб алырса.
- Ёксюзню тилеги къабыл болур.
- Ёмюрлюк шохлукъну джел элтмез.
- Къарт болгъан джерде, берекет болур, сабий болгъан джерде, оюн болур.
- Халкъгъа джарагъан, джарлы къалмаз.
- Ач уят къоймаз.
- Джумушакъ сёз къаты таякъны сындырыр.
- Уясында не кёрсе, учханында аны этер.
- Тай асырагъан, атха минер.
- Татлы тилде – сёз ариу, чемер къолда – иш ариу.
- Къобан да къуру да къобханлай турмайды, адам да къуру да патчахлай турмайды.
- Зар адам ашынгы ашар, кесинги сатар.
- Эри аманны, къатыны – аман.
- Садакъачыны джаны – къапчыгъында.
- Тойгъан антын унутур.
- Рысхы джалгъанды: келген да этер, кетген да этер.
- Окъ къызбайны джокълайды.
- Джангыз терек къынгыр ёсер.
- Дууулдаса – бал чибин, къонса – къара чибин.
- Адамны джюреги нени кёрюрге сюйсе, кёзю да аны кёрюрге ёч болады.
- Алтыда кюлмеген, алтмышда кюлмез.
- Кёзден кетген, кёлден да кетеди.
- Сууда джау джокъ, кёб сёзде магъана джокъ.
- Кёл ашады да, кеси ашады.
- Аджаллыгъа окъсуз шкок атылыр.
- Таш ата билмеген, башына урур.
- Айранны сюйген, ийнек тутар.
- Ойнай билмеген, оюн бузар.
- Аз сёлеш, кёб ишле.
- Къартха ушагъан джаш – акъыллы, джашха ушагъан къарт – тели.
- Къоркъакъны кёзю экили кёрюр.
- Адамны адамлыгъы къыйынлыкъда айгъакъланады.
- Ач – эснер, ат – кишнер.
- Чомарт къолда мал къалмаз.
- Тойгъан джерден туугъан джер игиди.
- Айтылгъан буйрукъ, сёгюлмез
- Зарда марда джокъ.
- Кюн кёрмеген, кюн кёрсе, кюндюз чыракъ джандырыр.
- Игилик игилик бла сингдирилиучю затды.
- Терек ауса, отунчу – кёб.
- Ач бёрюге мекям джокъ.
- Ёнгкюч къууана барыр, джылай келир.
ДЖУРТДА ДЖАНГЫЗ ТЕРЕК
06.01.2011 22:12:53
ШАТ
Алейкум салам ДЖазганларынгы барында джаратыб окъуйма Аллах къаламынгы джити етсин |
|
|
|
06.01.2011 22:43:36
tenebek Ас-салам!
http://as-alan.com/index/index.php?option=com_cont ent&view=article&id=281:2009-01-17-21-41-23&catid= 60:2008-07-26-18-30-37&Itemid=101 Былайгъа къарасанг - бютеу китабларымы кёрлюксе. Том 2 Сен айтхан китабдан эмда башхаладан къуралгъанды. Андан къараб, джаратхан назмуларынгы сала барыргъа боллукъса, кесинг сканерге уруб кюрешмей дегенлигимди. "Эльбрусоид" кесини электрон кютюпханесине- библиотекасына салама десе, джол ачыкъды. Кюреше барсакъ - хар не да таб болур. Эсен кёрюшейик. Билал |
|
|
|
Читают тему (гостей: 1)