- Къарнынг тойгъунчу аша да, белинг талгъынчы ишле.
- Чомартха хар кюн да байрамды.
- Бозанг болмагъан джерге, къалагъынгы сукъма.
- Кёб ант этген, кёб ётюрюк айтыр.
- Сабыр джетер муратха, сабырсыз къалыр уятха.
- Билмегенинги, билгеннге сор.
- Бек анасы джыламаз.
- Къазанны башы ачыкъ болса, итге уят керекди.
- Байны оноуу, джарлыгъа джарамаз.
- Арбаз сайлама да, хоншу сайла.
- Тойгъа алгъа да барма, тойда артха да къалма.
- Хар адамгъа кеси миннген тау кибик.
- Ашатыргъа иш – ашхы, ишлетирге аш – ашхы.
- Иши джокъну, сыйы джокъ.
- Асхат ашлыкъ сата, юйдегиси ачдан къата.
- Кёбню кёрген – кёб билир.
- Мал ёлсе, сюек къалыр, адам ёлсе, иши къалыр.
- Джюрекден джюрекге джол барды.
- Тёрде – темир таякълы, къаяда – чыпчыкъ аякълы.
- Телини эшигин, махтау джабар.
- Адамны сабийин сюйген джюреги, бычакъча, джитиди.
- Кийимни бичсенг, кенг бич, тар этген къыйын тюлдю.
- Бермеген къол, алмайды.
- Ойнаб айтсанг да, эслеб айт.
- Къралынгы – душмандан, башынгы от бла суудан сакъла.
- Малны кют, джерни тюрт.
- Ёзденликни джайгъан – джокълукъ.
- Байлыкъдан саулукъ ашхыды.
- Ашхы тенг джолгъа салыр, аман тенг джолдан тайдырыр.
- Джюрекге ариу – кёзге да ариу.
- Джолда аягъынга сакъ бол, ушакъда тилинге сакъ бол.
- Джаш къарыу бла кючлю, къарт акъыл бла кючлю.
- Ашда – бёрю, ишде – ёлю.
- Джогъун бар этген, барын бал этген.
- Джарлы джети элни сёзюн этер.
- Окъуу – билимни ачхычы, окъуу – дунияны бачхычы.
- Окъумагъан сокъурду, сокъур ташха абыныр!
- Берекет берсин деген джерде, берекет болур.
- Эрине къаргъыш этген къатын, эрнин къабар.
- Аджал соруб келмез, келсе, къайтыб кетмез.
- Акъыллы башны – тили къысха.
- Къумурсхала джыйылсала, пилни да джыгъадыла.
- Къобан да къуру да къобханлай турмайды, адам да къуру да патчахлай турмайды.
- Джашлыкъ этмеген, башлыкъ этмез.
- Кёзюнде тереги болгъан, чёбю болгъаннга кюле эди.
- Джюрек кёзден алгъа кёрюр.
- Рысхы – сют юсюнде кёмюк кибикди.
- Къарны аманнга къазан такъдырма, къолу аманнга от джакъдырма.
- Дууулдаса – бал чибин, къонса – къара чибин.
- Джарлы тюеге минсе да, ит къабар.
ДЖУРТДА ДЖАНГЫЗ ТЕРЕК
06.01.2011 22:12:53
ШАТ
Алейкум салам ДЖазганларынгы барында джаратыб окъуйма Аллах къаламынгы джити етсин |
|
|
|
06.01.2011 22:43:36
tenebek Ас-салам!
http://as-alan.com/index/index.php?option=com_cont ent&view=article&id=281:2009-01-17-21-41-23&catid= 60:2008-07-26-18-30-37&Itemid=101 Былайгъа къарасанг - бютеу китабларымы кёрлюксе. Том 2 Сен айтхан китабдан эмда башхаладан къуралгъанды. Андан къараб, джаратхан назмуларынгы сала барыргъа боллукъса, кесинг сканерге уруб кюрешмей дегенлигимди. "Эльбрусоид" кесини электрон кютюпханесине- библиотекасына салама десе, джол ачыкъды. Кюреше барсакъ - хар не да таб болур. Эсен кёрюшейик. Билал |
|
|
|
Читают тему (гостей: 1)