- Гитче джилтин уллу элни джандырыр.
- Туз, гырджын аша, тюзлюк бла джаша.
- Керек ташны ауурлугъу джокъ.
- Кютгени беш эчки, сызгъыргъаны уа, джерни джарады.
- Окъугъан – асыу, окъумагъан – джарсыу.
- Тойгъа алгъа да барма, тойда артха да къалма.
- Тюкюрюк баш джармаз, налат кёз чыгъармаз!
- Тил – кесген бычакъ, сёз – атылгъан окъ.
- Терек ауса, отунчу – кёб.
- Хунаны тюбюн къазсанг, юсюнге ауар.
- Чомартха хар кюн да байрамды.
- Ариу сёз аурууунгу алыр.
- Башланнган иш битер, къымылдагъан тиш тюшер.
- Джаханимни кёрмей, джандетге кёл салмазса.
- Намыс болмагъан джерде, насыб болмаз.
- Къарнынг бла ёч алма.
- Джаным-тиним – окъуу, билим.
- Аман эсирсе, юйюн ояр.
- Уллу атлама – абынырса, уллу къабма – къарылырса.
- Сибиртки да сыйлы болду, кюрек да кюнлю болду.
- Кёл ашады да, кеси ашады.
- Джарлы джети элни сёзюн этер.
- Аман адам элни бир-бирине джау этер.
- Эл тойса, тоймагъан, эл къойса, къоймагъан.
- Адам бла мюлк юлешмеген эсенг, ол адамны билиб бошагъанма, деб кесинги алдама.
- Чыбыкълыкъда бюгюлмеген, къазыкълыкъда бюгюлмей эди.
- Сыфатында болмагъаны, суратында болмаз.
- Мухар, кеси тойса да, кёзю тоймаз.
- Биреуге аманлыкъны тилеме да, кесинге ашхылыкъны тиле.
- Иги сёз – джаннга азыкъ, аман сёз башха – къазыкъ.
- Тойгъан джерден туугъан джер игиди.
- Кечеси – аяз, кюню – къыш, джарлы къаргъагъа бир аш тюш!
- Сютню башын джалагъан къутулур, тюбюн ичген тутулур.
- Кёбге таш атма.
- Джыланны къуйругъундан басарынг келсе, аны башы болгъанын унутма.
- Кёкдеги болмаса, джердегин кёрмейди.
- Къыз тиширыу кеси юйюнде да къонакъды.
- Эллинг бла джау болсанг да, юйюнг бла джау болма.
- Бозаны арты дауур болур.
- Илму – джашауну джолу.
- Ойнай билмеген, оюн бузар.
- Тешик этген тынчды, аны джамагъан къыйынды.
- Ишни ахырын ойламай, аллын башлама.
- Ишлерге уял да, ашаргъа табма.
- Урунуу – насыбны анасы.
- Аууз сакълагъан – джан сакълар.
- Айтханы чапыракъдан ётмеген.
- Джырына кёре эжиую.
- Ачны эсинде – аш.
- Уллу къазанда бишген эт, чий къалмаз.
ДЖУРТДА ДЖАНГЫЗ ТЕРЕК
06.01.2011 22:12:53
ШАТ
Алейкум салам ДЖазганларынгы барында джаратыб окъуйма Аллах къаламынгы джити етсин |
|
|
|
06.01.2011 22:43:36
tenebek Ас-салам!
http://as-alan.com/index/index.php?option=com_cont ent&view=article&id=281:2009-01-17-21-41-23&catid= 60:2008-07-26-18-30-37&Itemid=101 Былайгъа къарасанг - бютеу китабларымы кёрлюксе. Том 2 Сен айтхан китабдан эмда башхаладан къуралгъанды. Андан къараб, джаратхан назмуларынгы сала барыргъа боллукъса, кесинг сканерге уруб кюрешмей дегенлигимди. "Эльбрусоид" кесини электрон кютюпханесине- библиотекасына салама десе, джол ачыкъды. Кюреше барсакъ - хар не да таб болур. Эсен кёрюшейик. Билал |
|
|
|
Читают тему (гостей: 1)