| 1 Декабря | 2020 года |
Навигация
- Эл элде бирер малынг болгъандан эсе, бирер тенгинг болсун.
- Кёзю сокъурдан – къоркъма, кёлю сокъурдан – къоркъ.
- Эркиши – от, тиширыу – суу.
- Миллетни бойну – базыкъ, аны бла кюрешген – джазыкъ.
- Къатын къылыкъсыз, эр тынчлыкъсыз.
- Ашына кёре табагъы, балына кёре къалагъы.
- Азыкълы ат арымаз, къатыны аман джарымаз.
- Сютден ауузу кюйген, суугъа юфгюре эди.
- Джюрекден джюрекге джол барды.
- Ёлген аслан – сау чычхан.
- Къыз тиширыу кеси юйюнде да къонакъды.
- Ач – эснер, ат – кишнер.
- Кёлю джокъну – джолу джокъ.
- Нёгер болсанг, тенг бол, тенг болмасанг, кенг бол.
- Джарлы эскисин джамаса, къууаныр.
- Харам къарнашдан, халал тенг ашхы.
- Бир абыннган – минг сюрюнюр.
- Ёлюр джаннга, ёкюл джокъ.
- Болджал ишни бёрю ашар.
- Байлыкъ болгъан джерде, тынчлыкъ джокъду.
- Къартха ушагъан джаш – акъыллы, джашха ушагъан къарт – тели.
- Айтхан сёзюне табылгъан.
- Адеб базарда сатылмаз.
- Ёпкелегенни ашы татлы болады.
- Эринчекни эр алмаз, эр алса да, кёл салмаз, кёл салса да, кёб бармаз!
- Кёпюр салгъан кеси ётер, уру къазгъан кеси кетер.
- Баланы адам этген анады.
- Ётюрюк хапар аякъ тюбю бла джюрюйдю.
- Бермеген къол, алмайды.
- Ана кёлю – балада, бала кёлю – талада.
- Байлыкъ келсе, акъыл кетер.
- Аманны тукъумуна къарама, игини тукъумун сорма.
- Сагъышы джокъ – джукъучу, акъылы джокъ – къаугъачы.
- Джангыз терек къынгыр ёсер.
- Суу да къайтады чыкъгъан джерине.
- Айранны сюйген, ийнек тутар.
- Ашын ашагъанынгы, башын да сыйла.
- Тил – миллетни джаны.
- Билмегенинги, билгеннге сор.
- Сабийликде юретмесенг, уллу болса – тюзелмез.
- Къарнынг къанлынга кийирир.
- Джолунга кёре – джюрюшюнг, джагъанга кёре – юлюшюнг.
- Таугъа чыгъаллыкъ эсенг, тюзде къалма.
- Ашхы – джыяр, аман – джояр.
- Экеу тутушса, биреу джыгъылыр.
- Ачны эсинде – аш.
- Къошда джокъгъа – юлюш джокъ.
- Къонакъ болсанг, ийнакъ бол.
- Ичимден чыкъды хата, къайры барайым сата?
- Ашхы тенг джолгъа салыр, аман тенг джолдан тайдырыр.
