| 11 Декабря | 2018 года |
Навигация
- Джырчы джырчыгъа – къарнаш.
- Бети – къучакълар, джюреги – бычакълар.
- Кюн кёрмеген, кюн кёрсе, кюндюз чыракъ джандырыр.
- Эр абынмай, эл танымаз.
- Джауумдан сора, кюн кюйдюрюр, ётюрюкден сора, айыб кюйдюрюр.
- Къаллай салам берсенг, аллай джууаб алырса.
- Мал ёлсе, сюек къалыр, адам ёлсе, иши къалыр.
- Эртде тургъан джылкъычыны эркек аты тай табар.
- Шекер бла туз – бир болмаз, ушамагъан – юй болмаз.
- Кюлме джашха – келир башха.
- Джашлыкъ этмеген, башлыкъ этмез.
- Ачылгъан эт джабылыр, кёрген кёз унутмаз.
- Кёб ашасанг, татыуу чыкъмаз, кёб сёлешсенг, магъанасы чыкъмаз.
- Ойнай билмеген, уруб къачар.
- Ёгюзню мюйюзюнден тутадыла, адамны сёзюнден тутадыла.
- Кёл ашады да, кеси ашады.
- Аманнга алтын чыдамаз.
- Аурууну келиую тынч, кетиую – къыйын.
- Джангызны оту джарыкъ джанмаз!
- Арыгъан къош чамчы болур.
- Ханы къызы буюгъа-буюгъа киштик болду.
- Джарашыу сюйген – джалынчакъ.
- Къызны минг тилер, бир алыр.
- Зарда марда джокъ.
- Байлыкъ тауусулур, билим тауусулмаз.
- Джангыз терек къынгыр ёсер.
- Эринчекни эр алмаз, эр алса да, кёл салмаз, кёл салса да, кёб бармаз!
- Сормай – алма, чакъырылмай – барма.
- Босагъа таш юйге кирмей эди, тыбыр таш эшикге чыкъмай эди.
- Джюрек кёзден алгъа кёрюр.
- Эм ашхы къайын ана мамукъ бла башынгы тешер.
- Джолунга кёре – джюрюшюнг, джагъанга кёре – юлюшюнг.
- Ариу джол аджал келтирмез.
- Хата – гитчеден.
- Тынгылагъан тынгы бузар.
- Адам туугъан джеринде, ит тойгъан джеринде.
- Акъыл неден да кючлюдю.
- Ичимден чыкъды хата, къайры барайым сата?
- Бетинги сатма, малынгы сат.
- Адамны бетине къарама, адетине къара.
- Джыгъылгъанны сырты джерден тоймаз.
- Насыблыны баласы кюн кюнден да баш болур, насыбсызны баласы, кюн кюнден да джаш болур.
- Ишни аллы бла къууанма да, арты бла къууан.
- Суу кетер, таш къалыр.
- Сангырау къулакъ эл бузар.
- Орундукъ тюбюнде атылсам да, орта джиликме, де да айлан.
- Адам къыйынлыгъын кёлтюрюр, зауукълугъун кёлтюрмез.
- Аман адам элни бир-бирине джау этер.
- Аман киши кеси юйюнде – къонакъ.
- Окъугъанны бети джарыкъ.
