Расширенный поиск
4 Мая 2024 года
Логин: Регистрация
Пароль: Забыли пароль?
Навигация
Словарь
  • «Ёгюз, джаргъа джууукъ барма, меннге джюк боллукъса», - дегенди эшек.
  • Биреуню къыйынлыгъы бла кесинге джол ишлеме.
  • Джахил болса анасы, не билликди баласы?
  • Тиширыусуз юй – отсуз от джагъа.
  • Аманнга игилик этсенг, юйюнге сау бармазса.
  • Тик ёргени, тик энгишгеси да болады.
  • Мухардан ач ычхынмаз.
  • Къайгъы тюбю – тенгиз.
  • Нёгерсизни джолу узун.
  • «Ма», - дегенни билмесенг, «бер», - дегенни билмезсе.
  • Таугъа чыгъаллыкъ эсенг, тюзде къалма.
  • Ойнай билмеген, оюн бузар.
  • Адеб этмеген, адеб кёрмез.
  • Ашына кёре табагъы, балына кёре къалагъы.
  • Иесиз малны бёрю ашар.
  • Аман эсирсе, юйюн ояр.
  • Ашхы атаны – джашы ашхы, ашхы ананы – къызы ашхы.
  • Ата Джуртча джер болмаз, туугъан элча эл болмаз.
  • Насыб бютеу халкъны юлюшюдю.
  • Юйюнг бла джау болгъандан эсе, элинг бла джау бол.
  • Элде адам къалмаса, ит тахтагъа минер.
  • Нафысынгы айтханын этме, намысынгы айтханын эт.
  • Ёксюзню къалачы уллу кёрюнюр.
  • Аман адамны тепсинге олтуртсанг, къызынгы тилер.
  • Шекер бла туз – бир болмаз, ушамагъан – юй болмаз.
  • Адамгъа аман кюн соруб келмейди.
  • Чыкълы кюнде чыкъмагъан, чыкъса къуру кирмеген.
  • Къатын байлыкъны сюер, эр саулукъну сюер.
  • Бозанг болмагъан джерге, къалагъынгы сукъма.
  • Ёмюрлюк шохлукъну джел элтмез.
  • Келинин тута билмеген, къул этер, къызын тута билмеген, тул этер.
  • Ач келгенни – тойдур, кеч келгенни – къондур.
  • Къазанны башы ачыкъ болса, итге уят керекди.
  • Мени джылытмагъан кюн, меннге тиймесин!
  • Кёзю сокъурдан – къоркъма, кёлю сокъурдан – къоркъ.
  • Иги болса, тамадама – махтау, аман болса, меннге – айыб.
  • Джырчы джырчыгъа – къарнаш.
  • Тойгъа алгъа да барма, тойда артха да къалма.
  • Тёрдеги кюлсе, эшикдеги ышарыр.
  • Тюзлюк шохлукъну бегитир.
  • Тынгылагъан тынгы бузар.
  • Сангырау къулакъ эл бузар.
  • Эр абынмай, эл танымаз.
  • Ёзденликни джайгъан – джокълукъ.
  • Ашда уялгъан – мухар, ишде уялгъан – хомух.
  • Аш иеси бла татлыды.
  • Рысхы – сют юсюнде кёмюк кибикди.
  • Арба аугъандан сора, джол кёргюзтюучю кёб болур.
  • Эшекге миннген – биринчи айыб, андан джыгъылгъан – экинчи айыб.
  • Тюзлюк тас болмайды.

Статьи

Статьи: культура, история, современность

Случайные Лучшие Рекомендуемые

Новые статьи

следующие 5 предыдущие 5

Популярные

за неделю за месяц

Последние комментарии