Расширенный поиск
11 Июля 2025 года
Логин: Регистрация
Пароль: Забыли пароль?
Навигация
Словарь
  • Аз сёлешген, къайгъысыз турур.
  • Аууздан келген, къолдан келсе, ким да патчах болур эди.
  • Айырылгъанланы айю ашар, бёлюннгенлени бёрю ашар.
  • Ишленмеклик адамлыкъды.
  • Ат басханны джер билед.
  • Иги джашны ышаны – аз сёлешиб, кёб тынгылар.
  • Мухар, кеси тойса да, кёзю тоймаз.
  • Ариу джол аджал келтирмез.
  • Игини сыйлагъан адетди.
  • Юйлю уругъа ит чабмаз.
  • Кёбню кёрген – кёб билир.
  • «Ма», - дегенни билмесенг, «бер», - дегенни билмезсе.
  • Ашына кёре табагъы, балына кёре къалагъы.
  • Къарт бла баш аша, джаш бла аякъ аша.
  • Аман адам этегингден тутса, кес да къач.
  • Ётюрюкню башын керти кесер.
  • Адамны джюреги нени кёрюрге сюйсе, кёзю да аны кёрюрге ёч болады.
  • Нарт сёз – тилни бети.
  • Иги сёз – джаннга азыкъ, аман сёз башха – къазыкъ.
  • Кюн кёрмеген, кюн кёрсе, кюндюз чыракъ джандырыр.
  • Алтыннга тот къонмаз.
  • Башы джабылгъан челекге, кир тюшмез.
  • Чомартха хар кюн да байрамды.
  • Сёз садакъдан кючлюдю.
  • Къумурсхала джыйылсала, пилни да джыгъадыла.
  • Таякъ этден ётер, тил сюекден ётер.
  • Къарт айтханны этмеген, къартаймаз.
  • Ач – эснер, ат – кишнер.
  • Элиб деген, элге болушур.
  • Орундукъ тюбюнде атылсам да, орта джиликме, де да айлан.
  • Билим – акъылны чырагъы.
  • Кёзю сокъурдан – къоркъма, кёлю сокъурдан – къоркъ.
  • Джарлы тюеге минсе да, ит къабар.
  • Келгинчи, къонакъ уялыр, келгенден сора, къонакъбай уялыр.
  • Къулакъдан эсе, кёзге ышан.
  • Аманны къуугъан, аманлыкъ табар.
  • Ач къарным, тынч къулагъым.
  • Ышармагъан – кюлмез, кюлмеген – къууанчны билмез.
  • Къонакъ аман болса, къонакъбай джунчур
  • Кюлме джашха – келир башха.
  • Алма терегинден кери кетмез.
  • Ауругъан – джашаудан умутчу.
  • Кёбден умут этиб, аздан къуру къалма.
  • Айранын берсенг, челегин да къызгъанма.
  • Тамбла алтындан бюгюн багъыр ашхы.
  • Тёрени джагъы джокъ.
  • Хар адамгъа кеси миннген тау кибик.
  • Эл ауузу – элек, анга ийнаннган – халек.
  • Ханнга да келеди хариблик.
  • Киштикге къанат битсе, чыпчыкъ къалмаз эди.

Видеогалерея

Новое

Последнее просмотренное

Популярное

Радио Барс Эль

Будь на правильной волне!

Перейти

Последние комментарии