Навигация

Elbrusoid.org

Словарь

Гитче джилтин уллу элни джандырыр.
Орну джокъну – сыйы джокъ.
Кюл тюбюндеги от кёрюнмейди.
Тыш элде солтан болгъандан эсе, кесинги элде олтан болгъан игиди!
Таукел къуру къалмаз.
Билеги кючлю, бирни джыгъар, билими кючлю, мингни джыгъар.
Бети къызарыучу адамны, джюреги харам болмаз.
Ханы къызы буюгъа-буюгъа киштик болду.
Адам бла мюлк юлешмеген эсенг, ол адамны билиб бошагъанма, деб кесинги алдама.
Акъыл сабырлыкъ берир.
Насыблыны баласы кюн кюнден да баш болур, насыбсызны баласы, кюн кюнден да джаш болур.
Бозаны арты дауур болур.
Ариу сёз – къылычдан джити.
Нафысынгы айтханын этме, намысынгы айтханын эт.
Сёз – кюмюш, джыр – алтын.
Къонакъ болсанг, ийнакъ бол.
Тойчу джашха къарама, къойчу джашха къара.
Тау башында, тау болмаз, джангыз терек, бау болмаз.
Мал тутхан – май джалар.
Рысхы – сют юсюнде кёмюк кибикди.
Байма, деб да, къууанма, джарлыма, деб да, джылама.
Ишленмеклик адамлыкъды.
Аманны тукъумуна къарама, игини тукъумун сорма.
Дуния мал дунияда къалады.
Акъыллы башны – тили къысха.
Суугъа – таянма, джаугъа – ийнанма.
Урама да – ёледи, сатама да – келеди.
Къыйынлы джети элни къайгъысын этер.
Чомарт къолда мал къалмаз.
Эртде тургъан бла эртде юйленнген сокъуранмаз.
Эрни эр этерик да, къара джер этерик да, тиширыуду.
Эки итни арасына сюек атма, эки адамны арасында сёз чыгъарма.
Телиге от эт десенг, юйюнге от салыр.
Джарлы эскисин джамаса, къууаныр.
Нёгер болсанг, тенг бол, тенг болмасанг, кенг бол.
Итли къонакъ джарашмаз.
Ёксюзню тилеги къабыл болур.
Ачылгъан эт джабылыр, кёрген кёз унутмаз.
Тилсиз миллет джокъ болур.
Ханнга да келеди хариблик.
Джангызны оту джарыкъ джанмаз!
Ата – билек, ана – джюрек!
Джарашыу сюйген – джалынчакъ.
Джетген къыз джерли эшекни танымаз.
Къанны къан бла джуума, аманны аман бла къуума.
Ариу джол аджал келтирмез.
Аманны эки битли тону болур, бирин сеннге кийдирир, бирин кеси киер.
Адеби болмагъан къыз – тузсуз хант.
Онгсузну – джакъла, тенгликни – сакъла.
Къан бла кирген, джан бла чыгъар.