Навигация

Elbrusoid.org

Словарь

Ана къолу ачытмаз.
Джаш къарыу бла кючлю, къарт акъыл бла кючлю.
Аджалсыз ёлюм болмаз.
Ачлыкъда тары гырджын халыуадан татлы.
Къартха ушагъан джаш – акъыллы, джашха ушагъан къарт – тели.
Ушамагъан – джукъмаз.
Насыблыны баласы кюн кюнден да баш болур, насыбсызны баласы, кюн кюнден да джаш болур.
Ётюрюкню къуйругъу – бир тутум.
Орундукъ тюбюнде атылсам да, орта джиликме, де да айлан.
Арпа, будай – ащды, алтын, кюмюш а – ташды.
Тюкюрюк баш джармаз, налат кёз чыгъармаз!
Адеб базарда сатылмаз.
Баш болса, бёрк табылыр.
Къолу уллу – асыу, аягъы уллу – джарсыу.
Къобан да къуру да къобханлай турмайды, адам да къуру да патчахлай турмайды.
Терек ауса, отунчу – кёб.
Адамны адамлыгъы къыйынлыкъда айгъакъланады.
Хунаны тюбюн къазсанг, юсюнге ауар.
Уллу сёзде уят джокъ.
Бетинги сатма, малынгы сат.
Акъыллы эркиши атын махтар, акъылсыз эркиши къатынын махтар.
Тёзгеннге, джабылгъан эшик ачылыр.
Иги – алгъыш этер, аман – къаргъыш этер.
Къонагъынгы артмагъын алма да, алгъышын ал.
Адамны аманы адамны бети бла ойнар.
Сагъышы джокъ – джукъучу, акъылы джокъ – къаугъачы.
Тил – кесген бычакъ, сёз – атылгъан окъ.
Къонакъ кёб келюучю юйню, къазаны отдан тюшмез.
Ана – юйню кюн джарыгъы.
Эркишиге тары кебек танг кёрюнюр.
Нёгерсизни джолу узун.
Ачыу алгъа келсе, акъыл артха къалады.
Насыб бютеу халкъны юлюшюдю.
Ёлюр джаннга, ёкюл джокъ.
Этим кетсе да, сюегим къалыр.
Дуния малгъа сатылма, кесингден телиге къатылма.
Келгинчи, къонакъ уялыр, келгенден сора, къонакъбай уялыр.
Ётюрюкню башын керти кесер.
Ишлегенде эринме, ишде чолакъ кёрюнме.
Юйюнг бла джау болгъандан эсе, элинг бла джау бол.
Бозаны арты дауур болур.
Джылыгъа джылан илешир.
Джауумдан сора, кюн кюйдюрюр, ётюрюкден сора, айыб кюйдюрюр.
Ашаса, ашамаса да, бёрюню ауузу – къан.
Къонакъны къачан кетерин сорма, къачан келлигин сор.
Мал тутхан – май джалар.
Адамны бетине къарама, адетине къара.
Сютню башын джалагъан къутулур, тюбюн ичген тутулур.
Ауузу аманнга «иги», деме.
Эри аманны, къатыны – аман.