Навигация

Elbrusoid.org

Словарь

Чабакъгъа акъыл, табагъа тюшсе келеди.
Кюлме джашха – келир башха.
Сибиртки да сыйлы болду, кюрек да кюнлю болду.
Биреуге кёлтюрген таягъынг, кесинги башынга урур.
Къайгъыны сюйген, къайгъы табар.
Тюзлюк шохлукъну бегитир.
Ат да турмайды бир териде.
Ашхы адам – халкъ байлыгъы, ашхы джер – джашау байлыгъы.
Эркишиге тары кебек танг кёрюнюр.
Алгъанда – джууукъ, бергенде – джау.
Ач къарынны, токъ билмез
Уллу сёлешме да, уллу къаб.
Ауругъанны сау билмез, ач къарынны токъ билмез.
Кесине оноу эте билмеген, халкъына да эте билмез.
Намыс сатылыб алынмайды.
Къарт бла баш аша, джаш бла аякъ аша.
Иги адам абынса да, джангылмаз.
Ётюрюкчюню шагъаты – къатында.
Баш болса, бёрк табылыр.
Намысы болмагъанны, сыйы болмаз.
Джол бла сёзню къыйыры джокъ.
Уясында не кёрсе, учханында аны этер.
Халкъны джырын джырласанг, халкъ санга эжиу этер.
Итли къонакъ джарашмаз.
Чомарт джарлы болмаз.
Къолунгдан къуймакъ ашатсанг да, атаны борчундан къутулмазса.
Билимли ёлмез, билимсиз кёрмез.
Келинни – келгинчи, бёркню кийгинчи кёр.
Огъурлуну сёзю – суу, огъурсузну сёзю – уу.
Атынг аманнга чыкъгъандан эсе, джанынг тамагъынгдан чыкъсын.
Мураты болгъанны джюрек тебюую башхады.
Малны кют, джерни тюрт.
Ышармагъан – кюлмез, кюлмеген – къууанчны билмез.
Ата Джуртун танымагъан, атасын да танымаз.
Эри аманны, къатыны – аман.
Тамырсыз терекге таянма – джыгъылырса.
Иесиз малны бёрю ашар.
Агъач халкъгъа алтынды, иссиликге салкъынды.
Джашлыкъ этмеген, башлыкъ этмез.
Насыблыны баласы кюн кюнден да баш болур, насыбсызны баласы, кюн кюнден да джаш болур.
Байдан умут эте, джарлыдан ёгюз багъасы къорады.
Эл элде бирер малынг болгъандан эсе, бирер тенгинг болсун.
Уруну арты – къуру.
Ашхылыкъ джерде джатмайды, аманлыкъ суугъа батмайды.
Ишни аллы бла къууанма да, арты бла къууан.
Бек ашыкъгъан меннге джетсин, дегенди аракъы.
Сабий кёргенин унутмаз.
Душманны тышы – акъ, ичи – къара.
Махтаннган къыз, тойда джукълар.
Айраннга суу къош, телиге джол бош.