Навигация

Elbrusoid.org

Словарь

Башы джабылгъан челекге, кир тюшмез.
Эринчекни эр алмаз, эр алса да, кёл салмаз, кёл салса да, кёб бармаз!
Акъыл аздырмаз, билим тоздурмаз.
Къайтырыкъ эшигинги, къаты уруб чыкъма.
Кюл тюбюндеги от кёрюнмейди.
Джарашыу сюйген – джалынчакъ.
Ишлегенден, къарагъан уста.
Кимни – тили, тиши онглу, кимни – къолу, иши онглу.
Мухар, кеси тойса да, кёзю тоймаз.
Сагъышы джокъ – джукъучу, акъылы джокъ – къаугъачы.
Джашны джигитлиги сорулур, къызны джигерлиги сорулур.
Ач къарным, тынч къулагъым.
Адам къаллай бир ишленмесе, аллай бир кесин уллу кёреди.
Гыдай эчки суугъа къараб, мюйюзле кёрмесе, джашма алкъын, дегенди.
Къар – келтирди, суу – элтди.
Чомарт джарлы болмаз.
Ашда – бёрю, ишде – ёлю.
Ариу сёз джыланны орнундан чыгъарыр.
Уясында не кёрсе, учханында аны этер.
Итли къонакъ джарашмаз.
Айтылгъан сёз ызына къайтмаз.
Аш иеси бла татлыды.
Тойгъан антын унутур.
Билими азны – ауузунда кирит.
Акъыл сабырлыкъ берир.
Тамырсыз терекге таянма – джыгъылырса.
Сакъ юйюне сау барыр.
Насыблыны баласы кюн кюнден да баш болур, насыбсызны баласы, кюн кюнден да джаш болур.
Тёрде – темир таякълы, къаяда – чыпчыкъ аякълы.
Иши джокъну, сыйы джокъ.
Кёбге таш атма.
Аман адамны тепсинге олтуртсанг, къызынгы тилер.
Агъач – джерни чырайы, кийим – эрни чырайы.
Чакъырылмагъан къонакъ тёрге атламаз.
Мадар болса, къадар болур.
Соргъан айыб тюлдю, билмеген айыбды.
Экеу тутушса, биреу джыгъылыр.
Акъыл бла адеб эгизледиле.
Джырына кёре эжиую.
Уллу къашыкъ эрин джыртар.
Къыз чыгъаргъан – къызыл къымжа.
Босагъа таш юйге кирмей эди, тыбыр таш эшикге чыкъмай эди.
Ишге юренсин къоллары, халкъ бла болсун джоллары.
Ханнга да келеди хариблик.
Къулакъдан эсе, кёзге ышан.
Эр сокъур болсун, къатын тилсиз болсун.
Нёгер болсанг, тенг бол, тенг болмасанг, кенг бол.
Окъуусуз билим – джокъ, билимсиз кюнюнг – джокъ.
Таугъа чыгъаллыкъ эсенг, тюзде къалма.
Тилсиз миллет джокъ болур.