Навигация

Elbrusoid.org

Словарь

Къазанны башы ачыкъ болса, итге уят керекди.
Къоркъакъны кёзю экили кёрюр.
Булут кёкге джарашыу, уят бетге джарашыу.
Эркишини аманы тиширыуну джылатыр.
Тюз сёз баргъан сууну тыяр.
Джолунга кёре – джюрюшюнг, джагъанга кёре – юлюшюнг.
Иги болса, тамадама – махтау, аман болса, меннге – айыб.
Адам туугъан джеринде, ит тойгъан джеринде.
Ата Джуртуму башы болмасам да, босагъасында ташы болайым.
Ёксюзню тилеги къабыл болур.
Нарт сёз – тилни бети.
Гырджын – тепсини тамадасы.
Къолу уллу – асыу, аягъы уллу – джарсыу.
Ауурну тюбю бла, дженгилни башы бла джюрюген.
Айран ичген – къутулду, джугъусун джалагъан – тутулду.
Къуру гыбыт бек дыгъырдар.
Ёлмесенг да, къарт дамы болмазса?
Арбаз сайлама да, хоншу сайла.
Тил – кесген бычакъ, сёз – атылгъан окъ.
Окъуу – билимни ачхычы, окъуу – дунияны бачхычы.
Кёл – къызбай, къол – батыр.
Аманнга алтын чыдамаз.
Киштикге къанат битсе, чыпчыкъ къалмаз эди.
Душманны тышы – акъ, ичи – къара.
Адамны сабийин сюйген джюреги, бычакъча, джитиди.
Атынг аманнга чыкъгъандан эсе, джанынг тамагъынгдан чыкъсын.
Эм ашхы къайын ана мамукъ бла башынгы тешер.
Ашлыкъны арба юйге келтирир, чана базаргъа элтир.
Къуллукъчума, деб махтанма, къуллукъ – хаух джамчыды!
Ёлген эшек бёрюден къоркъмайды.
Чабакъ башындан чирийди.
Къызны минг тилер, бир алыр.
Кёпюр салгъан кеси ётер, уру къазгъан кеси кетер.
Эртде тургъан джылкъычыны эркек аты тай табар.
Ариу сёз аурууунгу алыр.
Ёзденликни кёбю ётюрюк.
Экиндини кеч къылсанг, чабыб джетер ашхам.
Къыз чыгъаргъан – къызыл къымжа.
Къарнынг бла ёч алма.
Айранны сюйген, ийнек тутар.
Насыблыны баласы кюн кюнден да баш болур, насыбсызны баласы, кюн кюнден да джаш болур.
Билими азны – ауузунда кирит.
Сабий болмагъан джерде, мёлек болмаз.
Зарда марда джокъ.
Кёлю джокъну – джолу джокъ.
Туз, гырджын аша, тюзлюк бла джаша.
Мал кёб болса, джууукъ кёб болур.
Эки къатын алгъан – эки ташны ортасына башын салгъан.
Кюн кёрмеген, кюн кёрсе, кюндюз чыракъ джандырыр.
Ат басханны джер билед.