Навигация

Elbrusoid.org

Словарь

Агъач халкъгъа алтынды, иссиликге салкъынды.
Адеб этмеген, адеб кёрмез.
Тюз сёз баргъан сууну тыяр.
Кёбден умут этиб, аздан къуру къалма.
Бет бетге къараса, бет да джерге къарар.
Айранны сюйген, ийнек тутар.
Ариу сёз – джаннга азыкъ, аман сёз – башха къазыкъ.
Джаным-тиним – окъуу, билим.
Къуру гыбыт бек дыгъырдар.
Мухар, кеси тойса да, кёзю тоймаз.
Биреуге аманлыкъ этиб, кесинге игилик табмазса.
Адамны адамлыгъы къыйынлыкъда айгъакъланады.
Мен да «сен», дейме, сен да «кесим», дейсе.
Джангызны оту джарыкъ джанмаз!
Кесинге джетмегенни, кёб сёлешме.
Сабий болмагъан джерде, мёлек болмаз.
Адеби болмагъан къыз – тузсуз хант.
Сибиртки да сыйлы болду, кюрек да кюнлю болду.
Рысхысына кёре, джаш ёсер, къышлыгъына кёре, мал ёсер.
Аякъларынгы джууургъанынга кёре узат.
Джаз бир кюнню джатсанг, къыш талай кюнню абынырса.
Акъыл аздырмаз, билим тоздурмаз.
Керти сёзге тёре джокъ.
Aдам боллукъ, сыфатындан белгили.
Киштикге къанат битсе, чыпчыкъ къалмаз эди.
Тойгъан джерден туугъан джер игиди.
Аман адам этегингден тутса, кес да къач.
Сабий кёргенин унутмаз.
Насыблыны баласы кюн кюнден да баш болур, насыбсызны баласы, кюн кюнден да джаш болур.
Кюн кёрмеген, кюн кёрсе, кюндюз чыракъ джандырыр.
Намыс сатылыб алынмайды.
Эркишини аманы тиширыуну джылатыр.
Кюлме джашха – келир башха.
Чомартны къолу берекет.
Суу ичген шауданынга тюкюрме.
Чомарт джарлы болмаз.
Бал ашаргъа сюе эсенг, чибин ургъаннга тёз.
Адам сёзге тынгыла, акъыл сёзню ангыла.
Эл ауузу – элек, анга ийнаннган – халек.
Кёб къычыргъандан – къоркъма, тынч олтургъандан – къоркъ.
Сютден ауузу кюйген, суугъа юфгюре эди.
Адам къаллай бир ишленмесе, аллай бир кесин уллу кёреди.
Ариу – кёзге, акъыл – джюрекге.
Кечеси – аяз, кюню – къыш, джарлы къаргъагъа бир аш тюш!
Къарнынг къанлынга кийирир.
Хоншуну тауугъу къаз кёрюнюр, келини къыз кёрюнюр.
Телиге от эт десенг, юйюнге от салыр.
Иги сёз – джаннга азыкъ, аман сёз башха – къазыкъ.
Къонагъынгы артмагъын алма да, алгъышын ал.
Байны оноуу, джарлыгъа джарамаз.