- Бети бедерден, намыс сакълама.
- Уруну арты – къуру.
- Ашхы тенг джолгъа салыр, аман тенг джолдан тайдырыр.
- Джылар джаш, атасыны сакъалы бла ойнар.
- Телиге от эт десенг, юйюнге от салыр.
- Кёз – сюйген джерде, къол – ауругъан джерде.
- Ачлыкъда тары гырджын халыуадан татлы.
- Дуния мал дунияда къалады.
- Аманнга алтын чыдамаз.
- Аманны эки битли тону болур, бирин сеннге кийдирир, бирин кеси киер.
- Къонакъ болсанг, ийнакъ бол.
- Окъугъан озар, окъумагъан тозар.
- Ишлерге уял да, ашаргъа табма.
- Аз сёлешген, къайгъысыз турур.
- Ханы къызы буюгъа-буюгъа киштик болду.
- Билмейме деген – бир сёз
- Биреу ашаб къутулур, биреу джалаб тутулур.
- Джеринден айырылгъан – джети джылар, джуртундан айырылгъан – ёлгюнчю джылар.
- Джыйырма къойну юч джыйырма эбзе кюте эди.
- Ата Джуртча джер болмаз, туугъан элча эл болмаз.
- Хатерли къул болур.
- Таукелге нюр джауар.
- Акъыл къартда, джашда тюйюлдю – башдады.
- Аз айтсам, кёб ангылагъыз.
- Ачлыкъ отха секиртир.
- Джетген къыз джерли эшекни танымаз.
- Суу да къайтады чыкъгъан джерине.
- Ач къарынны, токъ билмез
- Ауругъаннга – кийик саулукъ, джетген къызгъа – чилле джаулукъ.
- Кенгеш болса, уруш болмаз.
- Агъач халкъгъа алтынды, иссиликге салкъынды.
- Чомартны къолу берекет.
- Эки къатын алгъанны къулагъы тынгнгаймаз.
- Ач – эснер, ат – кишнер.
- Акъыллы эркиши атын махтар, акъылсыз эркиши къатынын махтар.
- Мураты болгъанны джюрек тебюую башхады.
- Адеб базарда сатылмаз.
- Джангыз терек къынгыр ёсер.
- Эркиши – от, тиширыу – суу.
- Эки элинги тыйсанг, джети элде махталырса.
- Къартны сыйын кёрмеген, къартлыгъында сыйлы болмаз.
- Адамгъа аман кюн соруб келмейди.
- Аманны тукъумуна къарама, игини тукъумун сорма.
- Иги болса, тамадама – махтау, аман болса, меннге – айыб.
- Джюрекге ариу – кёзге да ариу.
- Орундукъ тюбюнде атылсам да, орта джиликме, де да айлан.
- Болджал ишни бёрю ашар.
- Кесине гебен этелмеген, биреуге черен эте эди.
- Келинни – келгинчи, бёркню кийгинчи кёр.
- Адам къаллай бир ишленмесе, аллай бир кесин уллу кёреди.
Эбзеланы Абу-Юсуф хаджиге къонакъгъа барабыз!
18.10.2011 15:32:55
Багъалы форумчула, октябрны 21-де биз Эбзеланы Абу-Юсуф хаджиге къонакъгъа барлыкъбыз.
Эбзеланы Хусейни уланы Абу-Юсуф хаджи 1937 джыл Къарачайда Ючкекен элде туугъанды. Къарачай Орта Азиягъа кёчюрюлген заманда анга алты джыл болгъанды. Сабийликден огъуна диннге талпыб туруб, сора 16-17 джылына, Сыйлы Аллахны рахматы бла, Къуранны окъургъа аллы айланыб, анасы-атасы да, бек разы болуб, ийгендиле. Биринчи Байчораланы Баттал афендиден окъуб башлагъанды. Аны сюйген сохтасы болуб окъуй тургъанлай, устазы ауушады (Аллах рахмат этсин!) Андан сора Каппушланы Яхъя афендиге кёчеди. Къуранны андан окъуб бошайды. Магъанасын окъуб башларына, къарачайгъа ызына къайтыргъа эркинлик болады. Кавказгъа келгенден сора, устазы Джёгетейге адамларына кетиб, сора аны окъууу бёлюнюб, талай джылгъа созулады. 1989 джыл Абу-Юсуф хаджи джамагъатны тилеги бла, кеси джашагъан Конзавод элге, имам болады. Уллу Аллахны болушлугъу бла, 1995 джыл, сыйлы Меккяда хадж борчун да тындырыб келеди. Миллетине джаны ауруб, динибиз адетге бурулуб, дуниялыкъгъа кетиб, къатышыб тургъанын айтыб, алагъа тюз динни ангылатыргъа излейди. Районда да сохтала окъутуб, ауаз айтыб он джылны кюрешеди. Аны сохталарындан, тыш къраллада окъуб, уллу билим алгъанла да бардыла. Аладан бир къаууму бусагъатда элледе имамла болуб ишлейдиле. Абу-Юсуф хаджи къарачай-малкъар тилде дин китабла джазады. Къоюб олтурмай, юйюнде сохтала окъутханлай турады. Араб тилден къарачай тилге талай китаб да кёчюргенди. Миллетине джаны ауруй, халкъда адебсизликге, диннге заран берген адетлеге, адеб-намыс кетиб баргъанына къыйнала, аланы юсюнден назмула джазгъанлай турады. Аны эм уллу иши уа, Уллу Аллахны Сыйлы Къуранын къарачай-малкъар тилге кёчюргениди. Абу-Юсуф хаджини бу ишлерине уллу багъа бериб, 31 мартда 2011 джыл Теберди шахарда ?Крымшамхаловские чтения? деген джыйылыуда ?ПОЧЁТНЫЙ ДОКТОР КАРАЧАЕВСКОГО НАУЧНО-ИСЛЕДОВАТЕЛЬСКОГО ИНСТИТУТА? деген диплом берилгенди. Абу-Юсуф хаджиге соруулары болгъанла, былайда джазыгъыз! Абу Юсуфну кесини энчи сайты барды www.ebze.ru , ма былайда къараргъа боллукъсуз анга Бу назмулагъа бир тынгылагъыз, мадары болгъан http://www.ebze.ru/nazmula?op=view&key=aglyYXN1bGV iemVyDwsSB05hem11RGIYiLUtDA http://www.ebze.ru/nazmula?op=view&key=aglyYXN1bGV iemVyDwsSB05hem11RGIY1tguDA Бу назмугъа уа тынгыламай боллукъ тюлдю. Артыкъсыз да джаш адамлагъа http://www.ebze.ru/nazmula?op=view&key=aglyYXN1bGV iemVyDwsSB05hem11RGIY0estDA |
|
|
|
Ответы
06.11.2011 17:40:59
Ассаламу г'алейкум.
К'ошулама менда алг'ышлаг'а.Аллах к'абыл этсин к'урманыг'ызны Абу Юсуф хаджи.Аллах иманнан айырмасын. |
|
|
|
10.11.2011 14:34:55
|
|
|
|
14.11.2011 02:28:55
Эбзе улу
Аллах разы болсун Аллах болушсун.Узаймайын Аллах айтса кесигизге бир тюберме разы болсаг'ыз. |
|
|
|
01.12.2011 03:59:11
Аллах къабыл этсин къуллукъларыгъызны!!!
|
|
|
|
05.12.2011 15:44:38
Аллах разы болсун! Барыбызны къуллукъларыбызны да ол къабыл этиб, къууандыргъан къулларына нёгер этсин, тюз джолундан да тайдырмасын!
|
|
|
|
09.04.2012 00:44:08
Джамагъат,
Эбзеланы Абу-Юсуф хаджини энчи сайтына да кире туругъуз: "Биография. Къуран. Назмула. Китабла. Яхья. Билим" бу бёлюмледе кёб джангы иги затха тюберге боллукъсуз. |
|
|
|
23.07.2012 00:35:28
Эбзеланы Абу-Юсуф хаджини аманатын тындыра салама бу эсгертиуню былайгъа. Ол кеси сайтха кирирча, регситрациядан ёталмайды. Эшта, сыйлы дин ахлубузгъа бу джаны бла болушургъа керек болур.
ТЮЗЮНЕ КЪАЙЫТАЙЫКЪ! 4 суура 103 аят. فَأَقِيمُواْ الصَّلاَةَ إِنَّ الصَّلاَةَ كَانَتْ عَلَى الْمُؤْمِنِينَ كِتَابًا مَّوْقُوتًا Сиз намаз къылыгъыз! Ишексиз, намаз а, муъминлеге белгили заманлары бла джазылды (хар суткада беш уакъты намаз фарыз болуб бегиди). "Воистину, намаз предписан верующим в определенное время" (Кулиев). Бу аятдан ачыкъ болду, намазны къылыргъа борч болгъан кибик, заманларын да билиб, аланы кёзюуюнде этиу. Тюз къатыбыда КБР-де да тюзюне кёчгендиле. Бизде ол эски расписаниягъа джабышыб турургъа нек керекди? Терсине азан къычыртыб, намазларын кеч къылдырыб, ауузну кеч ачдырыб, да ол уллу гюнах тюлмюдю къадар халкъны гюнахын алыб тургъан? Интернетде да обсерваторияла намазланы расписанияларын бек тюз бериб турадыла. Ала билмейми джазадыла интернетге? Бу джахилликни къачан къоярыкъбыз? КЧР болмаса, алай терсине тутуб тургъан джокъду. Ажымсыз болургъа излеген интернетни ачсын да, обсерватория джазгъан тюз расписаниягъа къарасын! Бу бош зат тюлдю да, Уллу Аллах Кеси сора нек айтады да "заманы бла" деб?! Бизде терс расписание джайылгъанды да намазланы кечирек къыладыла. Намазланы заманларын билиу шартды-борчду. Азанны заманында къычырыр керекли, терс къычырыб, кеч намаз къылдырыб, оразада кеч аууз ачдырыб, кече да, джатары келген, ауругъан адамлагъа аны сакълатыб туруу, неге келишеди. Ол уллу гюнахды. Тюзюне къайытыргъа чакъырама! РДУМ хар элге намазланы заманларын джарашдыргъанды. Биз КЧР-ни аралыгъын алыб, анда Черкесскге берилген намазланы расписаниясын беребиз. Ол, бизни дин китаблада шерият айтхан бла ариу келишеди. Аны кёрюр ючюн, мышка бла сагъатны юсюнден басыгъыз!
Изменено: |
|
|
|
23.07.2012 00:39:27
Sabr пишет:
Сора, Абюсюб хаджиге регситрация этерге болушуб, ол бери кириб, бир-бирде бизге ауаз бере турса, аман болмаз. Анга этген болурмек дейме, Карачаевск офисден селешиб. Этилмегенесе - не билдирсин почта адресин - паролну къалай билдирикбиз!? Не да джаш туудукъларына айтсын, ала болушаллыкъдыла регистрация этерге, джаш адамгъа къыйын тююлдю. |
|
|
|
23.07.2012 00:58:49
Sabr,
Анга не сез, бек аламат боллугъеди. Менда къарарма, сора сизда почтасын манга билдирсегиз - джогъесе базада, кесим къураб, ашырырем анга логинни.
...
|
|
|
|
23.07.2012 01:28:07
KALAYSA Pictures, бек сау бол.
Байламлы болгъанлай, Абюсюб хаджини е-майлын ашырырма. |
|
|
|
23.07.2012 17:07:36
KALAYSA Pictures,
Эбзеланы Абюсюб хаджини электрон адреси: faridaeb18@yandex.ru |
|
|
|
23.07.2012 17:48:46
Sabr,
Этдик. Паролюн филиалда къызладан ашырдым.
...
|
|
|
|
23.07.2012 17:56:34
Говорят, физически человек обновляется каждые семь лет. А духовно не обновляется ли человек еще чаще? Сколько человек умирает в одном человеке, прежде чем сам он умрет?
|
||||
|
|
|||
Читают тему (гостей: 1)