Эльбрусоид :: Форум

Эшекге миннген – биринчи айыб, андан джыгъылгъан – экинчи айыб.
Сакъламагъан затынга джолукъсанг, не бек къууанаса, не бек ачыйса.
Киштикге къанат битсе, чыпчыкъ къалмаз эди.
Бир абыннган – минг сюрюнюр.
Къарын къуру болса, джюрек уру болур.
Байма, деб да, къууанма, джарлыма, деб да, джылама.
Джыгъылгъанны сырты джерден тоймаз.
Аман къатын сабий табса, бий болур…
Къаллай салам берсенг, аллай джууаб алырса.
Атлыны ашхысы, ат тизгининден билинир
Акъыллы башны – тили къысха.
Тулпарлыкъ, билекден тюл – джюрекден.
Рысхы джалгъанды: келген да этер, кетген да этер.
Тешигини къатында, чычхан да батыр болур.
Адам сёзюнден белгили.
Мураты болгъанны джюрек тебюую башхады.
Сакъ юйюне сау барыр.
Айранны сюйген, ийнек тутар.
Аман киши кеси юйюнде – къонакъ.
Тюзню ётмеги тюзде къалса да, тас болмаз.
Билимли ёлмез, билимсиз кёрмез.
Чомартны къолун джокълукъ байлар.
Ауузу аманнга «иги», деме.
Эки къатын алгъанны къулагъы тынгнгаймаз.
Джырына кёре эжиую.
Акъылсызны джууукъгъа алма, акъыллыны кенгнге салма.
Ач къарынны, токъ билмез
Адамны аты башхача, акъылы да башхады.
Башы ишлегенни, ауузу да ишлер.
Аш кетер да бет къалыр.
Къартха ушагъан джаш – акъыллы, джашха ушагъан къарт – тели.
Халкъны юйю – туугъан джери.
Малны кют, джерни тюрт.
Хантына кёре тузу, юйюне кёре къызы.
Къарнынг тойгъунчу аша да, белинг талгъынчы ишле.
Джашынгы кесинг юретмесенг, джашау юретир.
Ачлыкъ отха секиртир.
Ашыкъгъанны этеги бутуна чырмалыр.
Айран ичген – къутулду, джугъусун джалагъан – тутулду.
Сагъышы джокъ – джукъучу, акъылы джокъ – къаугъачы.
Экиндини кеч къылсанг, чабыб джетер ашхам.
Хазыр ашха – терен къашыкъ.
Кёб ашасанг, татыуу чыкъмаз, кёб сёлешсенг, магъанасы чыкъмаз.
Телиге акъыл салгъандан эсе, ёлгеннге джан салырса.
Накъырданы арты керти болур.
Къазанда болса, чолпугъа чыгъар.
Тойгъандан сора, ашны сёкме.
Термилгенинги табмазса, кюлгенинге тюберсе.
Къайгъыны сюйген, къайгъы табар.
Шайтан алдады, тюзлюк къаргъады.

Логин:
Пароль:
	Запомнить меня на этом компьютере

Забыли свой пароль?
Регистрация