- Кёз – сюйген джерде, къол – ауругъан джерде.
- Адебни адебсизден юрен.
- Болджал ишни бёрю ашар.
- Аман эсирсе, юйюн ояр.
- Онгсузну – джакъла, тенгликни – сакъла.
- Адам боллукъ, атламындан белгили болур.
- Тойгъан антын унутур.
- Джырчы джырчыгъа – къарнаш.
- Тас болгъан бычакъны сабы – алтын.
- Джауумдан сора, кюн кюйдюрюр, ётюрюкден сора, айыб кюйдюрюр.
- Ариуну – ауруу кёб.
- Харам къарнашдан, халал тенг ашхы.
- Адеб базарда сатылмаз.
- Хатерли къул болур.
- Адам бла мюлк юлешмеген эсенг, ол адамны билиб бошагъанма, деб кесинги алдама.
- Къолу уллу – асыу, аягъы уллу – джарсыу.
- Билмейме деген – бир сёз
- Ариу джол аджал келтирмез.
- Биреуге аманлыкъны тилеме да, кесинге ашхылыкъны тиле.
- Зар адам ашынгы ашар, кесинги сатар.
- Татлы тилде – сёз ариу, чемер къолда – иш ариу.
- От кюйдюрген, сау болса да, тот кюйдюрген, сау болмаз.
- Джылар джаш, атасыны сакъалы бла ойнар.
- Эшекге миннген – биринчи айыб, андан джыгъылгъан – экинчи айыб.
- Шапа кёб болса, аш татымсыз болур.
- Джюз элде джюз ёгюзюм болгъандан эсе, джюз джууугъум болсун.
- Аманны къуугъан, аманлыкъ табар.
- Айранны сюйген, ийнек тутар.
- Айтхан – тынч, этген – къыйын.
- Олтуруб кёрюнмей эди да, ёрге туруб кёрюне эди.
- Ёнгкюч къууана барыр, джылай келир.
- Аууздан келген, къолдан келсе, ким да патчах болур эди.
- Итли къонакъ джарашмаз.
- Ишлегенде эринме, ишде чолакъ кёрюнме.
- Эл ауузу – элия.
- Гитче джилтин уллу элни джандырыр.
- Адамны адамлыгъы къыйынлыкъда айгъакъланады.
- Ойнай билмеген, уруб къачар.
- Чоюнну башы ачыкъ болса, итге уят керекди.
- Накъырда – кертини келечиси.
- Къыз тиширыу кеси юйюнде да къонакъды.
- Адамны аты башхача, акъылы да башхады.
- Илму – джашауну джолу.
- Окъ къызбайны джокълайды.
- Аман къатын сабий табса, бий болур…
- Ата Джуртуму башы болмасам да, босагъасында ташы болайым.
- Аллахха ийнаннган кишини, Аллах онгдурур ишин.
- Ишлегенден, къарагъан уста.
- Эринчекге кюн узун.
- Джыйырма къойну юч джыйырма эбзе кюте эди.
Эбзеланы Абу-Юсуф хаджиге къонакъгъа барабыз!
18.10.2011 15:32:55
Багъалы форумчула, октябрны 21-де биз Эбзеланы Абу-Юсуф хаджиге къонакъгъа барлыкъбыз.
Эбзеланы Хусейни уланы Абу-Юсуф хаджи 1937 джыл Къарачайда Ючкекен элде туугъанды. Къарачай Орта Азиягъа кёчюрюлген заманда анга алты джыл болгъанды. Сабийликден огъуна диннге талпыб туруб, сора 16-17 джылына, Сыйлы Аллахны рахматы бла, Къуранны окъургъа аллы айланыб, анасы-атасы да, бек разы болуб, ийгендиле. Биринчи Байчораланы Баттал афендиден окъуб башлагъанды. Аны сюйген сохтасы болуб окъуй тургъанлай, устазы ауушады (Аллах рахмат этсин!) Андан сора Каппушланы Яхъя афендиге кёчеди. Къуранны андан окъуб бошайды. Магъанасын окъуб башларына, къарачайгъа ызына къайтыргъа эркинлик болады. Кавказгъа келгенден сора, устазы Джёгетейге адамларына кетиб, сора аны окъууу бёлюнюб, талай джылгъа созулады. 1989 джыл Абу-Юсуф хаджи джамагъатны тилеги бла, кеси джашагъан Конзавод элге, имам болады. Уллу Аллахны болушлугъу бла, 1995 джыл, сыйлы Меккяда хадж борчун да тындырыб келеди. Миллетине джаны ауруб, динибиз адетге бурулуб, дуниялыкъгъа кетиб, къатышыб тургъанын айтыб, алагъа тюз динни ангылатыргъа излейди. Районда да сохтала окъутуб, ауаз айтыб он джылны кюрешеди. Аны сохталарындан, тыш къраллада окъуб, уллу билим алгъанла да бардыла. Аладан бир къаууму бусагъатда элледе имамла болуб ишлейдиле. Абу-Юсуф хаджи къарачай-малкъар тилде дин китабла джазады. Къоюб олтурмай, юйюнде сохтала окъутханлай турады. Араб тилден къарачай тилге талай китаб да кёчюргенди. Миллетине джаны ауруй, халкъда адебсизликге, диннге заран берген адетлеге, адеб-намыс кетиб баргъанына къыйнала, аланы юсюнден назмула джазгъанлай турады. Аны эм уллу иши уа, Уллу Аллахны Сыйлы Къуранын къарачай-малкъар тилге кёчюргениди. Абу-Юсуф хаджини бу ишлерине уллу багъа бериб, 31 мартда 2011 джыл Теберди шахарда ?Крымшамхаловские чтения? деген джыйылыуда ?ПОЧЁТНЫЙ ДОКТОР КАРАЧАЕВСКОГО НАУЧНО-ИСЛЕДОВАТЕЛЬСКОГО ИНСТИТУТА? деген диплом берилгенди. Абу-Юсуф хаджиге соруулары болгъанла, былайда джазыгъыз! Абу Юсуфну кесини энчи сайты барды www.ebze.ru , ма былайда къараргъа боллукъсуз анга Бу назмулагъа бир тынгылагъыз, мадары болгъан http://www.ebze.ru/nazmula?op=view&key=aglyYXN1bGV iemVyDwsSB05hem11RGIYiLUtDA http://www.ebze.ru/nazmula?op=view&key=aglyYXN1bGV iemVyDwsSB05hem11RGIY1tguDA Бу назмугъа уа тынгыламай боллукъ тюлдю. Артыкъсыз да джаш адамлагъа http://www.ebze.ru/nazmula?op=view&key=aglyYXN1bGV iemVyDwsSB05hem11RGIY0estDA |
|
|
|
Ответы
06.11.2011 17:40:59
Ассаламу г'алейкум.
К'ошулама менда алг'ышлаг'а.Аллах к'абыл этсин к'урманыг'ызны Абу Юсуф хаджи.Аллах иманнан айырмасын. |
|
|
|
10.11.2011 14:34:55
|
|
|
|
14.11.2011 02:28:55
Эбзе улу
Аллах разы болсун Аллах болушсун.Узаймайын Аллах айтса кесигизге бир тюберме разы болсаг'ыз. |
|
|
|
01.12.2011 03:59:11
Аллах къабыл этсин къуллукъларыгъызны!!!
|
|
|
|
05.12.2011 15:44:38
Аллах разы болсун! Барыбызны къуллукъларыбызны да ол къабыл этиб, къууандыргъан къулларына нёгер этсин, тюз джолундан да тайдырмасын!
|
|
|
|
09.04.2012 00:44:08
Джамагъат,
Эбзеланы Абу-Юсуф хаджини энчи сайтына да кире туругъуз: "Биография. Къуран. Назмула. Китабла. Яхья. Билим" бу бёлюмледе кёб джангы иги затха тюберге боллукъсуз. |
|
|
|
23.07.2012 00:35:28
Эбзеланы Абу-Юсуф хаджини аманатын тындыра салама бу эсгертиуню былайгъа. Ол кеси сайтха кирирча, регситрациядан ёталмайды. Эшта, сыйлы дин ахлубузгъа бу джаны бла болушургъа керек болур.
ТЮЗЮНЕ КЪАЙЫТАЙЫКЪ! 4 суура 103 аят. فَأَقِيمُواْ الصَّلاَةَ إِنَّ الصَّلاَةَ كَانَتْ عَلَى الْمُؤْمِنِينَ كِتَابًا مَّوْقُوتًا Сиз намаз къылыгъыз! Ишексиз, намаз а, муъминлеге белгили заманлары бла джазылды (хар суткада беш уакъты намаз фарыз болуб бегиди). "Воистину, намаз предписан верующим в определенное время" (Кулиев). Бу аятдан ачыкъ болду, намазны къылыргъа борч болгъан кибик, заманларын да билиб, аланы кёзюуюнде этиу. Тюз къатыбыда КБР-де да тюзюне кёчгендиле. Бизде ол эски расписаниягъа джабышыб турургъа нек керекди? Терсине азан къычыртыб, намазларын кеч къылдырыб, ауузну кеч ачдырыб, да ол уллу гюнах тюлмюдю къадар халкъны гюнахын алыб тургъан? Интернетде да обсерваторияла намазланы расписанияларын бек тюз бериб турадыла. Ала билмейми джазадыла интернетге? Бу джахилликни къачан къоярыкъбыз? КЧР болмаса, алай терсине тутуб тургъан джокъду. Ажымсыз болургъа излеген интернетни ачсын да, обсерватория джазгъан тюз расписаниягъа къарасын! Бу бош зат тюлдю да, Уллу Аллах Кеси сора нек айтады да "заманы бла" деб?! Бизде терс расписание джайылгъанды да намазланы кечирек къыладыла. Намазланы заманларын билиу шартды-борчду. Азанны заманында къычырыр керекли, терс къычырыб, кеч намаз къылдырыб, оразада кеч аууз ачдырыб, кече да, джатары келген, ауругъан адамлагъа аны сакълатыб туруу, неге келишеди. Ол уллу гюнахды. Тюзюне къайытыргъа чакъырама! РДУМ хар элге намазланы заманларын джарашдыргъанды. Биз КЧР-ни аралыгъын алыб, анда Черкесскге берилген намазланы расписаниясын беребиз. Ол, бизни дин китаблада шерият айтхан бла ариу келишеди. Аны кёрюр ючюн, мышка бла сагъатны юсюнден басыгъыз!
Изменено: |
|
|
|
23.07.2012 00:39:27
Sabr пишет:
Сора, Абюсюб хаджиге регситрация этерге болушуб, ол бери кириб, бир-бирде бизге ауаз бере турса, аман болмаз. Анга этген болурмек дейме, Карачаевск офисден селешиб. Этилмегенесе - не билдирсин почта адресин - паролну къалай билдирикбиз!? Не да джаш туудукъларына айтсын, ала болушаллыкъдыла регистрация этерге, джаш адамгъа къыйын тююлдю. |
|
|
|
23.07.2012 00:58:49
Sabr,
Анга не сез, бек аламат боллугъеди. Менда къарарма, сора сизда почтасын манга билдирсегиз - джогъесе базада, кесим къураб, ашырырем анга логинни.
...
|
|
|
|
23.07.2012 01:28:07
KALAYSA Pictures, бек сау бол.
Байламлы болгъанлай, Абюсюб хаджини е-майлын ашырырма. |
|
|
|
23.07.2012 17:07:36
KALAYSA Pictures,
Эбзеланы Абюсюб хаджини электрон адреси: faridaeb18@yandex.ru |
|
|
|
23.07.2012 17:48:46
Sabr,
Этдик. Паролюн филиалда къызладан ашырдым.
...
|
|
|
|
23.07.2012 17:56:34
Говорят, физически человек обновляется каждые семь лет. А духовно не обновляется ли человек еще чаще? Сколько человек умирает в одном человеке, прежде чем сам он умрет?
|
||||
|
|
|||
Читают тему (гостей: 1)