- Тилчи бир сагъатха айлыкъ хата этер.
- Акъыллы – эл иеси, тели – эл баласы.
- Къарнынг бла ёч алма.
- Босагъа таш юйге кирмей эди, тыбыр таш эшикге чыкъмай эди.
- Юреннген ауруу къалмаз.
- Адам бла мюлк юлешмеген эсенг, ол адамны билиб бошагъанма, деб кесинги алдама.
- Башда акъыл болмаса, эки аякъгъа кюч джетер.
- Юйлю уругъа ит чабмаз.
- Айранын берсенг, челегин да къызгъанма.
- Чомарт джарлы болмаз.
- Киштикге къанат битсе, чыпчыкъ къалмаз эди.
- Эм уллу байлыкъ – джан саулукъ.
- Дууулдаса – бал чибин, къонса – къара чибин.
- Айранны сюйген, ийнек тутар.
- Иги сеники эсе да, сюйген кесимикин этеме.
- Акъыл неден да кючлюдю.
- Айраннга суу къош, телиге джол бош.
- Нафысынгы айтханын этме, намысынгы айтханын эт.
- Таукел тауну аудурур.
- Аджашхан тёгерек айланыр.
- Джарлыны эшигин махтагъан джабар.
- Уясында не кёрсе, учханында аны этер.
- Дуния малгъа сатылма, кесингден телиге къатылма.
- Ачылгъан эт джабылыр, кёрген кёз унутмаз.
- Байлыкъ тауусулур, билим тауусулмаз.
- Бир абыннган – минг сюрюнюр.
- Биреуню эскиси биреуге джангы болмайды.
- Иги бла джюрюсенг, джетерсе муратынга, аман бла джюрюсенг, къалырса уятха.
- Къобан да къуру да къобханлай турмайды, адам да къуру да патчахлай турмайды.
- Керилген да, ургъан кибикди.
- Сабийликде юретмесенг, уллу болса – тюзелмез.
- Къууут – джелге, берне – бошха.
- Эринчекни эр алмаз, эр алса да, кёл салмаз, кёл салса да, кёб бармаз!
- Юре билмеген ит, къонакъ келтирир.
- Билгенни къолу къарны джандырыр.
- Айыбны суу бла джууалмазса.
- Мал кёб болса, джууукъ кёб болур.
- Арбаз къынгырды да, ийнек сауалмайма.
- Сибиртки да сыйлы болду, кюрек да кюнлю болду.
- Тойгъандан сора, ашны сёкме.
- Юйюнгден чыкъдынг – кюнюнгден чыкъдынг.
- Аллахдан тилесенг, кёб тиле.
- Аллахха ийнаннган кишини, Аллах онгдурур ишин.
- Аманны тукъумуна къарама, игини тукъумун сорма.
- Тил джюрекге джол ишлейди.
- Къызбайны юйюне дери сюрсенг, батыр болур.
- Ёлюк кебинсиз къалмаз.
- Сормай – алма, чакъырылмай – барма.
- Билимсиз иш бармаз.
- Къая джолда джортма, ачыкъ сёзден къоркъма.
Эбзеланы Абу-Юсуф хаджиге къонакъгъа барабыз!
18.10.2011 15:32:55
Багъалы форумчула, октябрны 21-де биз Эбзеланы Абу-Юсуф хаджиге къонакъгъа барлыкъбыз.
Эбзеланы Хусейни уланы Абу-Юсуф хаджи 1937 джыл Къарачайда Ючкекен элде туугъанды. Къарачай Орта Азиягъа кёчюрюлген заманда анга алты джыл болгъанды. Сабийликден огъуна диннге талпыб туруб, сора 16-17 джылына, Сыйлы Аллахны рахматы бла, Къуранны окъургъа аллы айланыб, анасы-атасы да, бек разы болуб, ийгендиле. Биринчи Байчораланы Баттал афендиден окъуб башлагъанды. Аны сюйген сохтасы болуб окъуй тургъанлай, устазы ауушады (Аллах рахмат этсин!) Андан сора Каппушланы Яхъя афендиге кёчеди. Къуранны андан окъуб бошайды. Магъанасын окъуб башларына, къарачайгъа ызына къайтыргъа эркинлик болады. Кавказгъа келгенден сора, устазы Джёгетейге адамларына кетиб, сора аны окъууу бёлюнюб, талай джылгъа созулады. 1989 джыл Абу-Юсуф хаджи джамагъатны тилеги бла, кеси джашагъан Конзавод элге, имам болады. Уллу Аллахны болушлугъу бла, 1995 джыл, сыйлы Меккяда хадж борчун да тындырыб келеди. Миллетине джаны ауруб, динибиз адетге бурулуб, дуниялыкъгъа кетиб, къатышыб тургъанын айтыб, алагъа тюз динни ангылатыргъа излейди. Районда да сохтала окъутуб, ауаз айтыб он джылны кюрешеди. Аны сохталарындан, тыш къраллада окъуб, уллу билим алгъанла да бардыла. Аладан бир къаууму бусагъатда элледе имамла болуб ишлейдиле. Абу-Юсуф хаджи къарачай-малкъар тилде дин китабла джазады. Къоюб олтурмай, юйюнде сохтала окъутханлай турады. Араб тилден къарачай тилге талай китаб да кёчюргенди. Миллетине джаны ауруй, халкъда адебсизликге, диннге заран берген адетлеге, адеб-намыс кетиб баргъанына къыйнала, аланы юсюнден назмула джазгъанлай турады. Аны эм уллу иши уа, Уллу Аллахны Сыйлы Къуранын къарачай-малкъар тилге кёчюргениди. Абу-Юсуф хаджини бу ишлерине уллу багъа бериб, 31 мартда 2011 джыл Теберди шахарда ?Крымшамхаловские чтения? деген джыйылыуда ?ПОЧЁТНЫЙ ДОКТОР КАРАЧАЕВСКОГО НАУЧНО-ИСЛЕДОВАТЕЛЬСКОГО ИНСТИТУТА? деген диплом берилгенди. Абу-Юсуф хаджиге соруулары болгъанла, былайда джазыгъыз! Абу Юсуфну кесини энчи сайты барды www.ebze.ru , ма былайда къараргъа боллукъсуз анга Бу назмулагъа бир тынгылагъыз, мадары болгъан http://www.ebze.ru/nazmula?op=view&key=aglyYXN1bGV iemVyDwsSB05hem11RGIYiLUtDA http://www.ebze.ru/nazmula?op=view&key=aglyYXN1bGV iemVyDwsSB05hem11RGIY1tguDA Бу назмугъа уа тынгыламай боллукъ тюлдю. Артыкъсыз да джаш адамлагъа http://www.ebze.ru/nazmula?op=view&key=aglyYXN1bGV iemVyDwsSB05hem11RGIY0estDA |
|
|
|
Ответы
06.11.2011 17:40:59
Ассаламу г'алейкум.
К'ошулама менда алг'ышлаг'а.Аллах к'абыл этсин к'урманыг'ызны Абу Юсуф хаджи.Аллах иманнан айырмасын. |
|
|
|
10.11.2011 14:34:55
|
|
|
|
14.11.2011 02:28:55
Эбзе улу
Аллах разы болсун Аллах болушсун.Узаймайын Аллах айтса кесигизге бир тюберме разы болсаг'ыз. |
|
|
|
01.12.2011 03:59:11
Аллах къабыл этсин къуллукъларыгъызны!!!
|
|
|
|
05.12.2011 15:44:38
Аллах разы болсун! Барыбызны къуллукъларыбызны да ол къабыл этиб, къууандыргъан къулларына нёгер этсин, тюз джолундан да тайдырмасын!
|
|
|
|
09.04.2012 00:44:08
Джамагъат,
Эбзеланы Абу-Юсуф хаджини энчи сайтына да кире туругъуз: "Биография. Къуран. Назмула. Китабла. Яхья. Билим" бу бёлюмледе кёб джангы иги затха тюберге боллукъсуз. |
|
|
|
23.07.2012 00:35:28
Эбзеланы Абу-Юсуф хаджини аманатын тындыра салама бу эсгертиуню былайгъа. Ол кеси сайтха кирирча, регситрациядан ёталмайды. Эшта, сыйлы дин ахлубузгъа бу джаны бла болушургъа керек болур.
ТЮЗЮНЕ КЪАЙЫТАЙЫКЪ! 4 суура 103 аят. فَأَقِيمُواْ الصَّلاَةَ إِنَّ الصَّلاَةَ كَانَتْ عَلَى الْمُؤْمِنِينَ كِتَابًا مَّوْقُوتًا Сиз намаз къылыгъыз! Ишексиз, намаз а, муъминлеге белгили заманлары бла джазылды (хар суткада беш уакъты намаз фарыз болуб бегиди). "Воистину, намаз предписан верующим в определенное время" (Кулиев). Бу аятдан ачыкъ болду, намазны къылыргъа борч болгъан кибик, заманларын да билиб, аланы кёзюуюнде этиу. Тюз къатыбыда КБР-де да тюзюне кёчгендиле. Бизде ол эски расписаниягъа джабышыб турургъа нек керекди? Терсине азан къычыртыб, намазларын кеч къылдырыб, ауузну кеч ачдырыб, да ол уллу гюнах тюлмюдю къадар халкъны гюнахын алыб тургъан? Интернетде да обсерваторияла намазланы расписанияларын бек тюз бериб турадыла. Ала билмейми джазадыла интернетге? Бу джахилликни къачан къоярыкъбыз? КЧР болмаса, алай терсине тутуб тургъан джокъду. Ажымсыз болургъа излеген интернетни ачсын да, обсерватория джазгъан тюз расписаниягъа къарасын! Бу бош зат тюлдю да, Уллу Аллах Кеси сора нек айтады да "заманы бла" деб?! Бизде терс расписание джайылгъанды да намазланы кечирек къыладыла. Намазланы заманларын билиу шартды-борчду. Азанны заманында къычырыр керекли, терс къычырыб, кеч намаз къылдырыб, оразада кеч аууз ачдырыб, кече да, джатары келген, ауругъан адамлагъа аны сакълатыб туруу, неге келишеди. Ол уллу гюнахды. Тюзюне къайытыргъа чакъырама! РДУМ хар элге намазланы заманларын джарашдыргъанды. Биз КЧР-ни аралыгъын алыб, анда Черкесскге берилген намазланы расписаниясын беребиз. Ол, бизни дин китаблада шерият айтхан бла ариу келишеди. Аны кёрюр ючюн, мышка бла сагъатны юсюнден басыгъыз!
Изменено: |
|
|
|
23.07.2012 00:39:27
Sabr пишет:
Сора, Абюсюб хаджиге регситрация этерге болушуб, ол бери кириб, бир-бирде бизге ауаз бере турса, аман болмаз. Анга этген болурмек дейме, Карачаевск офисден селешиб. Этилмегенесе - не билдирсин почта адресин - паролну къалай билдирикбиз!? Не да джаш туудукъларына айтсын, ала болушаллыкъдыла регистрация этерге, джаш адамгъа къыйын тююлдю. |
|
|
|
23.07.2012 00:58:49
Sabr,
Анга не сез, бек аламат боллугъеди. Менда къарарма, сора сизда почтасын манга билдирсегиз - джогъесе базада, кесим къураб, ашырырем анга логинни.
...
|
|
|
|
23.07.2012 01:28:07
KALAYSA Pictures, бек сау бол.
Байламлы болгъанлай, Абюсюб хаджини е-майлын ашырырма. |
|
|
|
23.07.2012 17:07:36
KALAYSA Pictures,
Эбзеланы Абюсюб хаджини электрон адреси: faridaeb18@yandex.ru |
|
|
|
23.07.2012 17:48:46
Sabr,
Этдик. Паролюн филиалда къызладан ашырдым.
...
|
|
|
|
23.07.2012 17:56:34
Говорят, физически человек обновляется каждые семь лет. А духовно не обновляется ли человек еще чаще? Сколько человек умирает в одном человеке, прежде чем сам он умрет?
|
||||
|
|
|||
Читают тему (гостей: 1)