- Ётюрюк хапар аякъ тюбю бла джюрюйдю.
- Джети тилни билген джети кишиди.
- Чакъырылмагъан джерге барма, чакъырылгъан джерден къалма.
- Тюкюрюк баш джармаз, налат кёз чыгъармаз!
- Джарлыны эшигин махтагъан джабар.
- Сёз садакъдан кючлюдю.
- Аджаллыгъа окъсуз шкок атылыр.
- Кёлсюзден сёзсюз тууар.
- Биреуге аманлыкъны тилеме да, кесинге ашхылыкъны тиле.
- Ёгюзню мюйюзлери ауурлукъ этмейдиле.
- Билгенни къолу къарны джандырыр.
- Сормай – алма, чакъырылмай – барма.
- Биреуню эскиси биреуге джангы болмайды.
- Рысхысына кёре, джаш ёсер, къышлыгъына кёре, мал ёсер.
- Чыбыкълыкъда бюгюлмеген, къазыкълыкъда бюгюлмей эди.
- Нарт сёз – тилни бети.
- Итли къонакъ джарашмаз.
- Къолу уллу – асыу, аягъы уллу – джарсыу.
- Керилген да, ургъан кибикди.
- Билим насыб берир, билим джолну керир.
- Башда акъыл болмаса, эки аякъгъа кюч джетер.
- Ач келгенни – тойдур, кеч келгенни – къондур.
- Джангызны оту джарыкъ джанмаз!
- Бозанг болмагъан джерге, къалагъынгы сукъма.
- Атынг аманнга чыкъгъандан эсе, джанынг тамагъынгдан чыкъсын.
- Игини сыйлагъан адетди.
- Эл бла кёргенинг эрелей.
- Ач да бол, токъ да бол – намысынга бек бол.
- Мухарны эси – ашарыкъда.
- Кёзюнде тереги болгъан, чёбю болгъаннга кюле эди.
- Тилчи бир сагъатха айлыкъ хата этер.
- Тин – байлыгъынг, терен саулугъунг.
- Ашлыкъны арба юйге келтирир, чана базаргъа элтир.
- Байлыкъ болгъан джерде, тынчлыкъ джокъду.
- Акъыл неден да кючлюдю.
- Хар ишни да аллы къыйынды.
- Байлыкъ тауусулур, билим тауусулмаз.
- Келгинчи, къонакъ уялыр, келгенден сора, къонакъбай уялыр.
- Къошда джокъгъа – юлюш джокъ.
- Ачлыкъда тары гырджын халыуадан татлы.
- Намысы джокъну – дуниясы джокъ.
- Хар зат кесини орнуна иги.
- Ауузу аманнга «иги», деме.
- Иши джокъну, сыйы джокъ.
- Ашхы атаны – джашы ашхы, ашхы ананы – къызы ашхы.
- Тойчу джашха къарама, къойчу джашха къара.
- Къарт бла баш аша, джаш бла аякъ аша.
- Хазыр ашха – терен къашыкъ.
- Кёб ашасанг, татыуу чыкъмаз, кёб сёлешсенг, магъанасы чыкъмаз.
- Минг тенг да азды, бир джау да кёбдю.
Parse error: syntax error in /var/www/fastuser/data/www/elbrusoid.org/bitrix/templates/v2/components/bitrix/forum/elbrusoid/bitrix/forum.user.post/.default/template.php on line 72