- Эрни эр этерик да, къара джер этерик да, тиширыуду.
- Ашын ашагъанынгы, башын да сыйла.
- Сакъ юйюне сау барыр.
- Хазыр ашха – терен къашыкъ.
- Ётюрюкчюню шагъаты – къатында.
- Арпа, будай – ащды, алтын, кюмюш а – ташды.
- Ашхы сёз таш тешер.
- Шайтан алдады, тюзлюк къаргъады.
- Ач да бол, токъ да бол – намысынга бек бол.
- Ёзденликни джайгъан – джокълукъ.
- Къайгъы тюбю – тенгиз.
- Аман адамны тепсинге олтуртсанг, къызынгы тилер.
- Кёлю джокъну – джолу джокъ.
- Тюкюрюк баш джармаз, налат кёз чыгъармаз!
- Айран ичген – къутулду, джугъусун джалагъан – тутулду.
- Джарлы тюеге минсе да, ит къабар.
- Къатын байлыкъны сюер, эр саулукъну сюер.
- Тюзлюк шохлукъну бегитир.
- Сютден ауузу кюйген, суугъа юфгюре эди.
- Бёрю да ач къалмасын, эчки да ашалмасын.
- Окъугъан озар, окъумагъан тозар.
- Артына баргъанны, къатына барма.
- Бал – татлы, балдан да бала – татлы.
- Татлы тилде – сёз ариу, чемер къолда – иш ариу.
- Кёбге таш атма.
- Джаз бир кюнню джатсанг, къыш талай кюнню абынырса.
- Кюл тюбюндеги от кёрюнмейди.
- Намысы болмагъанны, сыйы болмаз.
- Таукел къуру къалмаз.
- Олтуруб кёрюнмей эди да, ёрге туруб кёрюне эди.
- Адеби болмагъан къыз – тузсуз хант.
- Бал ашаргъа сюе эсенг, чибин ургъаннга тёз.
- Кимни – тили, тиши онглу, кимни – къолу, иши онглу.
- Сагъыш – къартлыкъгъа сюйюмчю.
- Керек ташны ауурлугъу джокъ.
- Тели турса – той бузар.
- Аджал соруб келмез, келсе, къайтыб кетмез.
- Кюн кёрмеген, кюн кёрсе, кюндюз чыракъ джандырыр.
- Хата – гитчеден.
- Ханы къызы буюгъа-буюгъа киштик болду.
- Джашда акъыл джокъ, къартда къарыу джокъ.
- Акъыл неден да кючлюдю.
- Насыб бютеу халкъны юлюшюдю.
- Ёлюр джаннга, ёкюл джокъ.
- Кёб джашагъан – кёб билир.
- Биреуге кёлтюрген таягъынг, кесинги башынга урур.
- Байдан умут эте, джарлыдан ёгюз багъасы къорады.
- Аманнга да, игиге да оноусуз къатышма.
- Ач бёрюге мекям джокъ.
- Илму – джашауну джолу.
Профиль
|
Девушка Гор
 Эльбрусоид
Cообщений: 1318
Баллов: 1054
Регистрация: 12.12.2011
Последний визит: 14.03.2022 00:20:05
|
|
||||||||
|
|
|
||||||||