Войти на сайт
28 Апреля 2024 года

 

  • Къарны аманнга къазан такъдырма, къолу аманнга от джакъдырма.
  • Мухар, кеси тойса да, кёзю тоймаз.
  • Иги бла джюрюсенг, джетерсе муратынга, аман бла джюрюсенг, къалырса уятха.
  • Иги болса, тамадама – махтау, аман болса, меннге – айыб.
  • Сормай – алма, чакъырылмай – барма.
  • Иги адамны бир сёзю эки болмаз.
  • Атлыны кёрсе, джаяуну буту талыр.
  • Иги джашны ышаны – аз сёлешиб, кёб тынгылар.
  • Къуллукъчума, деб махтанма, къуллукъ – хаух джамчыды!
  • Джашны джигитлиги сорулур, къызны джигерлиги сорулур.
  • Къатын къылыкъсыз, эр тынчлыкъсыз.
  • Тюзлюк тас болмайды.
  • Тил – кесген бычакъ, сёз – атылгъан окъ.
  • Ата – билек, ана – джюрек!
  • Тойну къарнашы – харс, джырны къарнашы – эжиу.
  • Къарыусузгъа кюлме, онгсузгъа тийме.
  • Джюрекден джюрекге джол барды.
  • Иги сёз – джаннга азыкъ, аман сёз башха – къазыкъ.
  • Джылкъыдан – ат чыгъар, тукъумдан – джаш чыгъар.
  • Тин – байлыгъынг, терен саулугъунг.
  • Башда акъыл болмаса, эки аякъгъа кюч джетер.
  • Аман къатын сабий табса, бий болур…
  • Байны оноуу, джарлыгъа джарамаз.
  • Акъыл аздырмаз, билим тоздурмаз.
  • Къумурсхала джыйылсала, пилни да джыгъадыла.
  • Башынга джетмегенни сорма.
  • Билимден уллу байлыкъ джокъду.
  • Окъуусуз билим – джокъ, билимсиз кюнюнг – джокъ.
  • Кюн кёрмеген, кюн кёрсе, кюндюз чыракъ джандырыр.
  • Сескекли кесин билдирир.
  • Джыйырма къойну юч джыйырма эбзе кюте эди.
  • Къазанны башы ачыкъ болса, итге уят керекди.
  • Тойгъан джерге джети къайт.
  • Бозанг болмагъан джерге, къалагъынгы сукъма.
  • Азыгъы аз, алгъа къабар, аты аман, алгъа чабар.
  • Хунаны тюбюн къазсанг, юсюнге ауар.
  • Намыс сатылыб алынмайды.
  • Ишге юренсин къоллары, халкъ бла болсун джоллары.
  • Тойгъа алгъа да барма, тойда артха да къалма.
  • Джарлыны эшигин махтагъан джабар.
  • Билим къая тешер.
  • Ачны эсинде – аш.
  • Аджашханны ызындагъы кёреди, джангылгъанны джанындагъы биледи.
  • Таукел тауну аудурур.
  • Ёлюр джаннга, ёкюл джокъ.
  • Кийиминг бла танылма, адамлыкъ бла таныл.
  • Ишлерге уял да, ашаргъа табма.
  • Акъыл неден да кючлюдю.
  • Кесинг сынамагъан затны, адамгъа буюрма.
  • Адамны бетине къарама, адетине къара.

 

Архив Форума » Бёлюмле :: Тематические разделы » Ана тилде :: Ana tilde
   RSS
Эбзеланы Абу-Юсуф хаджиге къонакъгъа барабыз!
 
#1
Джаратама0
18.10.2011 15:32:55
Багъалы форумчула, октябрны 21-де биз Эбзеланы Абу-Юсуф хаджиге къонакъгъа барлыкъбыз.
Эбзеланы Хусейни уланы Абу-Юсуф хаджи 1937 джыл Къарачайда Ючкекен элде туугъанды. Къарачай Орта Азиягъа кёчюрюлген заманда анга алты джыл болгъанды. Сабийликден огъуна диннге талпыб туруб, сора 16-17 джылына, Сыйлы Аллахны рахматы бла, Къуранны окъургъа аллы айланыб, анасы-атасы да, бек разы болуб, ийгендиле. Биринчи Байчораланы Баттал афендиден окъуб башлагъанды. Аны сюйген сохтасы болуб окъуй тургъанлай, устазы ауушады (Аллах рахмат этсин!) Андан сора Каппушланы Яхъя афендиге кёчеди. Къуранны андан окъуб бошайды. Магъанасын окъуб башларына, къарачайгъа ызына къайтыргъа эркинлик болады. Кавказгъа келгенден сора, устазы Джёгетейге адамларына кетиб, сора аны окъууу бёлюнюб, талай джылгъа созулады. 1989 джыл Абу-Юсуф хаджи джамагъатны тилеги бла, кеси джашагъан Конзавод элге, имам болады. Уллу Аллахны болушлугъу бла, 1995 джыл, сыйлы Меккяда хадж борчун да тындырыб келеди. Миллетине джаны ауруб, динибиз адетге бурулуб, дуниялыкъгъа кетиб, къатышыб тургъанын айтыб, алагъа тюз динни ангылатыргъа излейди. Районда да сохтала окъутуб, ауаз айтыб он джылны кюрешеди. Аны сохталарындан, тыш къраллада окъуб, уллу билим алгъанла да бардыла. Аладан бир къаууму бусагъатда элледе имамла болуб ишлейдиле.

Абу-Юсуф хаджи къарачай-малкъар тилде дин китабла джазады. Къоюб олтурмай, юйюнде сохтала окъутханлай турады. Араб тилден къарачай тилге талай китаб да кёчюргенди. Миллетине джаны ауруй, халкъда адебсизликге, диннге заран берген адетлеге, адеб-намыс кетиб баргъанына къыйнала, аланы юсюнден назмула джазгъанлай турады. Аны эм уллу иши уа, Уллу Аллахны Сыйлы Къуранын къарачай-малкъар тилге кёчюргениди. Абу-Юсуф хаджини бу ишлерине уллу багъа бериб, 31 мартда 2011 джыл Теберди шахарда ?Крымшамхаловские чтения? деген джыйылыуда ?ПОЧЁТНЫЙ ДОКТОР КАРАЧАЕВСКОГО НАУЧНО-ИСЛЕДОВАТЕЛЬСКОГО ИНСТИТУТА? деген диплом берилгенди.
Абу-Юсуф хаджиге соруулары болгъанла, былайда джазыгъыз!
Абу Юсуфну кесини энчи сайты барды www.ebze.ru , ма былайда къараргъа боллукъсуз анга
Бу назмулагъа бир тынгылагъыз, мадары болгъан
http://www.ebze.ru/nazmula?op=view&key=aglyYXN1bGV iemVyDwsSB05hem11RGIYiLUtDA

http://www.ebze.ru/nazmula?op=view&key=aglyYXN1bGV iemVyDwsSB05hem11RGIY1tguDA

Бу назмугъа уа тынгыламай боллукъ тюлдю. Артыкъсыз да джаш адамлагъа
http://www.ebze.ru/nazmula?op=view&key=aglyYXN1bGV iemVyDwsSB05hem11RGIY0estDA
 
 
Страницы: Пред. 1 2 3 4 5 6 След.
Ответы
 
#51
Джаратама0
04.11.2011 01:43:26
Эбзе улу
Сез джок'ду сиз айтхан барыда кертиди.Алая толу школ программабла дерс бералмаг'анлык'г'а дерслени тышында алг'ын кружокла деб бар эди,ол халда ок'утурчады.Кесибиз сайлаг'ан китаблабла к'рал запрет салмаг'ан эсе ол китаблаг'а.Даг'ыда хазыр китабла болсала башына муфтиятха к'алг'аннгада барлык' эдик селеширик эдик.Бюгюнлюкде Аллахха шукурла сезлери етген к'олларындан кельген диннге бек джан аурутхан джашларыбыз бардыла.Бир саг'ыш этигиз энтада бу затха.Миллетни саулай уяталмазбыз алая к'олубуздан кельгенича кюреширикбиз.
 
 
 
#52
Джаратама0
04.11.2011 15:39:37
ИЙМАННЫ ШАРТЛАРЫ.

Джаратхан Уллу Аллахыны аллына сюелир акъылы болгъан муслиман адам, ол алайда бети уялмаз ючюн, джашауунда не халгъа тюшседа, кесин Ол буюргъанча тюз тутаргъа керекди. Аны разы этер джанындан болургъа, дыгъалас этерге керекди. Ол адамны бу дунияда тюрлю-тюрлю халлагъа салыб сынайды. Къоркъуу бериб да сынайды. Къайгъыгъа, бушуугъа салыб да сынайды. Бай этиб ашхылыкъла бериб да сынайда. Джашауун аламат-мамыр этиб да сынайды. Сейир заланы кёргюзюб да сынайды. Гюналагъа кийириб да сынайды, терс ишлерине сокъураныб, Менден кечмеклик тилеб, тауба эте билликмиди деб. Къоркъуугъа салыб да, ачлыкъ бериб да, ауруу, ёлюм бериб да сынайды. Тарлыкъгъа салыб да сынайды. Тюрлю-тюрлю буйрукъла бериб да сынайды. Буйругъуна бойсунуу бла да , инджиуге тёзюу бла да сынайды. Ма бу сынамла бары да Бир Аллахдандыла. Андан буйрукъсуз джукъ да болмайды. Ол затлагъа муслиман адам кесин хазырлаб турургъа керекди. Бары да Уллу Аллахны буйругъу болгъанын ангылаб, Анга бойсунуб, не кёрсе да, Андан айыб алмаз джанындан кюрешиб турургъа керекди. Ма бу затла барыда ийманны ичине киредиле. Осебебден муслиман адам ийманына къоркъуб, алагъа сакъ турургъа керекди. Джашау деген сынам болгъанын ангылаб, кесини сыйын тюшюрмей, махтау джолда джашауун ётдюрюрге керекди.

Энди Бир Аллахха ийнанган адам кесин тюз тутар ючюн, былайда аны юсюнден бир талай затны джазайыкъ:

1

اَللهُمَّ إِنِّي أَعْدَدْتُ لِكُلِّ هَوْلٍ لاَ إِلَهَ إِلاَّ الله

Эй, Аллахым, хар тюрлю къоркъууда ? ляя иЛяяха иЛлахны хазырладым ? Бирден башха къуллукъ этерге тыйыншлы Аллах деб, джукъ джокъду, дегенни.

2
وَ لِكُلِّ هَمّ وَ عَمّ مَا شَاءَ الله

Хар бир къайгъыгъа, бушуугъа да ? маа шаАллахны хазырладым ? Аллах ушатханча болады, дегенни.

3
وَ لِكُلِّ نِعْمَةٍ اَلْحَمْدُ لِلَّه

Хар бир ашхылыкъгъа да ? алхамду лилЛяяхны хазырладым ? махтаула бары да Аллаххады, дегенни.

4
وَ لِكُلِّ رَحَاءٍ وَ شِدَّةٍ الشُّكْرُ لِلَّه

Хар мамырлыкъгъа, къыйынлыкъгъа да ? аш шукру лилЛяяхны хазырладым ? бютеу бюсюреу, сыпас Аллаххады, дегенни.

5
وَ لِكُلِّ أُعْجُوبَةٍ سُبْحَانَ الله

Хар бир сейир затха ? субхаанАллахны хазырладым ? хар айыбдан Аллах тазады, дегенни.

6
وَ لِكُلّ ذَنْبٍ أَسْتَغْفِرُ الله

Хар гюнахха да ? астагъфируЛлахны хазырладым ? Аллахдан кечмеклик тилейме, дегенни.

7
وَ لِكُلِّ مُصِيبَةٍ إِنَّا لِلَّهِ وَ إِنَّا إِلَيْهِ رَاجِعُون

Хар бир бушуугъа да ? иннаа лилЛяяхи уа иннаа илейхи рааджигъуунну хазырладым ? ишексиз биз Аллахныкъылабыз, къайытырыбыз да Аны аллынады, дегенни.

8
وَ لِكُلِّ ضَيقٍ حَسْبِيَ الله

Хар бир тарлыкъгъа да ? хасбияЛлахны хазырладым ? Аллах тамамлыкъ этеди, Ол менге джетишеди, дегенни

9
وَ لِكُلِّ قَضَاءٍ وَ قَدَرٍ تَوَكَّلْتُ إِلي الله

Аны буйругъуна, планына да ? тауаккалту иляЛлахны хазырладым ? Аллахха таяныб, таукеллик этиб тохтадым, дегенни.

10
وَ لِكُلِّ طَاعَةٍ وَ مَعْصِيَةٍ لاَ حَوْلَ وَ لاَ قُوَّةَ إِلاَّ بِالله

Хар бир Анга бойсунуугъа, неда ассы болуугъа ? ляя хауля уа ляя къууата илляя билЛяяхны хазырладым ? не кюч, не къарыу джокъду, къуру Аллахдан болмаса, дегенни.
 
 
 
#53
Джаратама0
06.11.2011 16:51:09
Ассаламу г'алейкум, Абу Юсуф хаджи.
Къурманыгъыз къабыл болсун, бютеу этген тилеклеригизни Аллах къабыл этсин.
Бу форумда эм тамада Сиз болурсуз - Аллах келир къурманнга да къууанч бла джетдирсин. Динибизни ангылатыуда, джайыуда мындан ары да биягъынлай къаты кюреширча Аллах кюч берсин Сизге.
Къара да таныгъан, къара да джайгъан онглу адамларыбыздансыз.
Сиз умут этгенча этсин халкъыбызны Аллах.
 
 
 
#54
Джаратама0
06.11.2011 17:40:59
Ассаламу г'алейкум.
К'ошулама менда алг'ышлаг'а.Аллах к'абыл этсин к'урманыг'ызны Абу Юсуф хаджи.Аллах иманнан айырмасын.
 
 
 
#55
Джаратама0
10.11.2011 14:33:42
Алейкум ассалам! Сизникин да Аллах къабыл этсин! Кечигиб джазгъаныма айыб этмегиз, таблыкъ алай болгъанды.
Кечирек болса да, меннге къонакъгъа келиб айланнган эльбрусоидчиланы да, къалгъанланы да, Къурман Байрам бла алгъышлайма! Къачан да къабыл этерик Аллахды.
 
 
 
#56
Джаратама0
10.11.2011 14:34:55
http://dl.dropbox.com/u/24099987/Akil%20sezle.pdf
 
 
 
#57
Джаратама0
10.11.2011 17:11:50
Алейкум ассалам! Сизникин да Аллах къабыл этсин! Кечигиб джазгъаныма айыб этмегиз, таблыкъ алай болгъанды. Кечирек болса да, меннге къонакъгъа келиб айланнган эльбрусоидчиланы да, къалгъанланы да, Къурман Байрам бла алгъышлайма! Къачан да къабыл этерик Аллахды.
Эбзе улу
Биргелей, Аллах разы болсун! Мени кесими да бу джыл Къурманда бир кёб ишим бар эди да чырт киши къайгъылы болалмадым, былай сууукъ къар баш келгени бир кесек джунчутхан эди.
 
 
 
#58
Джаратама0
12.11.2011 14:06:46
Багъалалы танымагъан муслиман къарнашым Казбек, мен сени ол школда сабийле окъурлай китабла болсала деген сёзюнгю сансыз этиб къооймагъанма. Аны къайгъысындама Аллах буюрса. Аллах разы болсун ол ишге къайгъыргъанынга. Мен да эртдеден бери да дыгаласма ол затха. Кесибизде школда, менден Къуран окъугъан къызла, окъуб келиб устазла болуб тургъанла бардыла. Алагъа китабчыкъла бериб да кёргенме, сабийлеге аз-аз бир айта туругъуз деб. Эталмайла алай. Баш джанындан къоркъалла. алай болса да аны къайгъысын кёрюрге керекди, башчыла бла, кимле бла боллукъ эсе да, таблыгъын излеб.
 
 
 
#59
Джаратама0
14.11.2011 02:28:55
Эбзе улу
Аллах разы болсун Аллах болушсун.Узаймайын Аллах айтса кесигизге бир тюберме разы болсаг'ыз.
 
 
 
#60
Джаратама0
20.11.2011 10:36:17
ТЮЗ ИЙМАН.

Адамны ийманы толу болур ючюн, къуру Аллахха ийнанама деген бла ийман болуб къалмайды. Джаратхан а барды деген сёзню, кёб миллетле айтадыла, аны бла иш тыныб къалмайды. Ол ишеклик келтирмей, чайкъалмай, ма бу затлагъа толу ийнаныргъа керекди-борчду:
1. Дунияланы джаратхан, джашауну къурагъан Бир Аллах болгъанына.
2. Биз кёрмесек да, Аны мёлеклери хакъ болгъанына.
3. Заман заманы бла, Джер юсюнде халкъына, тюз, тынч джашау этер ючюн, джорукъ китабла джибергенине.
4. Кеси джаратхан халкъына, ала тынч джашау этер ючюн, тюз джолну кёргюзюрге файгъамбарла, келечиле джибергенине.
5. Бу дунияны, бир кюн бир ахыры боллугъуна, аны бошаллыгъына.
6. Бизге келген: игилик, аманлыкъ болса да, Бир Аллахны буйругъу бла келгенине.
7. Адам, дунияда этген ишлерине джууаб берир ючюн, ёлгенден сора тирилиб, Аллахыны аллына барлыгъына.
 
 
 
#61
Джаратама0
01.12.2011 03:55:54
Эбзе улу
Абюсюб мубарек, салам алейкум.

Бир сорууум барды, айыб этмегиз. Хаджиликге барыргъа мадар болмагъан сагъатда, кёбле Меккягъа, Мединагъа термиле ёлюб кетгендиле.
Ёлгенле ючюн хадж къылыргъа мадар джокъмуду?
 
 
 
#62
Джаратама0
01.12.2011 03:59:11
Аллах къабыл этсин къуллукъларыгъызны!!!
 
 
 
#63
Джаратама0
05.12.2011 15:43:00
Меккягъа, Мединагъа барыргъа термиле ёлюб кетгенле, Уллу Аллахны аллында ниетлерин табарыкъдыла. Термилген эселе. Алай болса да, динсиз кърал оюлуб, чекле ачылыб, кябагъа барыргъа да джол эркин болгъунчу дери, хадж къылыу борч тюл эди. Нек десенг, къолундан келмегенни Уллу Аллах кишини бойнуна салмайды. Къуранда ачыкъ джазылыбды: "Аллах бир джаннга да къолундан келмегенни бойнуна салмайды" (2 суура, 286 аят). Хаджи къылыуну юсюнден да 3 суурада 97 аятда былай айтады: "барыргъа джолгъа къолундан келгеннге" деб. Озаманда ауушуб кетгенлеге ол фарыз болмагъанды.
Аллах бойнубуздан борчлугъун алыб тургъан затны борч этиб айланыргъа керек тюлдю.
Кърал чачылгъынчы ёлгенлеге атаб, хадж къылгъанла бардыла, ол да керек тюлдю. Андан эсе, ары джояр затын садакъагъа бериб къойса, ол ашхыды.
 
 
 
#64
Джаратама0
05.12.2011 15:44:38
Аллах разы болсун! Барыбызны къуллукъларыбызны да ол къабыл этиб, къууандыргъан къулларына нёгер этсин, тюз джолундан да тайдырмасын!
 
 
 
#65
Джаратама0
30.01.2012 21:30:45
Ассаламу гъаляйкум уа рахматуЛлах Абу Юсуф хаджи.
Аллах сизден разы болсун багъалы дин къарнашыбыз. Бек уллу иш этесиз, Аллах суаб базманыгъызгъа салсын.
Кесим Карачаивскийчиме, эртеден бери таныйбыз сизни и барыбызда уллу сый беребиз. Алгъаракъ бизгеда келеигиз.
Кеб болмай интернетте, кантактта назмуларыгъызны эшиткенме, машаАллах...Аллах разы болсун...Тамбий улу джырлайды. Апендиле джюреклеринден тутхан болурла аланы эшиткенеселе :) Тышыруулада (ол бернени сюйгенле) мурулдай болурла :)
Аллах насыб бериб бюгюнден ары да сиз бизни къуандырыб, бизда сизден кеб джангы эм да керекли зат юренеик.
Аллах эм сюйген къулларындан этсин сизни.
Аллах разы болсун Казбек къарнашыбызгъа, аны сезлеринден сора не къошаргъада билмейме. "Бизден не болушлук' бар эседа кюреширикбиз.Аллах болушсун хар ашхы ишигиздеда." иншаАллах.
Я встречал много людей, у которых не было одежды.Я встречал много одежд, внутри которых не было людей.
 
 
 
#66
Джаратама0
01.02.2012 00:27:52
Девушка Гор
Бек уллу сау болугъуз. Керти керекли темады.
Ачыкъ джюректен бек къуандыкъ Абу Юсуф хаджини кергенибизге. Керти тансыкълаб тураедик.
Мадар баресе повторный встреча бир эттиригиз...бизда соруула соруб...
Я встречал много людей, у которых не было одежды.Я встречал много одежд, внутри которых не было людей.
 
 
 
#67
Джаратама0
09.04.2012 00:44:08
Джамагъат,
Эбзеланы Абу-Юсуф хаджини энчи сайтына да кире туругъуз: http://www.ebze.ru/
"Биография. Къуран. Назмула. Китабла. Яхья. Билим" бу бёлюмледе кёб джангы иги затха тюберге боллукъсуз.
 
 
 
#68
Джаратама0
23.07.2012 00:35:28
Эбзеланы Абу-Юсуф хаджини аманатын тындыра салама бу эсгертиуню былайгъа. Ол кеси сайтха кирирча, регситрациядан ёталмайды. Эшта, сыйлы дин ахлубузгъа бу джаны бла болушургъа керек болур.

ТЮЗЮНЕ КЪАЙЫТАЙЫКЪ!

4 суура 103 аят.

فَأَقِيمُواْ الصَّلاَةَ إِنَّ الصَّلاَةَ كَانَتْ عَلَى الْمُؤْمِنِينَ كِتَابًا مَّوْقُوتًا

Сиз намаз къылыгъыз! Ишексиз, намаз а, муъминлеге белгили заманлары бла джазылды (хар суткада беш уакъты намаз фарыз болуб бегиди).

"Воистину, намаз предписан верующим в определенное время" (Кулиев).

Бу аятдан ачыкъ болду, намазны къылыргъа борч болгъан кибик, заманларын да билиб, аланы кёзюуюнде этиу.

Тюз къатыбыда КБР-де да тюзюне кёчгендиле. Бизде ол эски расписаниягъа джабышыб турургъа нек керекди? Терсине азан къычыртыб, намазларын кеч къылдырыб, ауузну кеч ачдырыб, да ол уллу гюнах тюлмюдю къадар халкъны гюнахын алыб тургъан? Интернетде да обсерваторияла намазланы расписанияларын бек тюз бериб турадыла. Ала билмейми джазадыла интернетге? Бу джахилликни къачан къоярыкъбыз? КЧР болмаса, алай терсине тутуб тургъан джокъду. Ажымсыз болургъа излеген интернетни ачсын да, обсерватория джазгъан тюз расписаниягъа къарасын!

Бу бош зат тюлдю да, Уллу Аллах Кеси сора нек айтады да "заманы бла" деб?!

http://www.ebze.ru/bilim?op=all&key=*
Намазланы заманлары (КЧР-НИ АРАЛЫГЪЫ Черкесск шахаргъа)
Бизде терс расписание джайылгъанды да намазланы кечирек къыладыла. Намазланы заманларын билиу шартды-борчду. Азанны заманында къычырыр керекли, терс къычырыб, кеч намаз къылдырыб, оразада кеч аууз ачдырыб, кече да, джатары келген, ауругъан адамлагъа аны сакълатыб туруу, неге келишеди. Ол уллу гюнахды. Тюзюне къайытыргъа чакъырама! РДУМ хар элге намазланы заманларын джарашдыргъанды. Биз КЧР-ни аралыгъын алыб, анда Черкесскге берилген намазланы расписаниясын беребиз. Ол, бизни дин китаблада шерият айтхан бла ариу келишеди. Аны кёрюр ючюн, мышка бла сагъатны юсюнден басыгъыз!
Изменено: Sabr - 23.07.2012 00:45:06
 
 
 
#69
Джаратама0
23.07.2012 00:39:27
Sabr пишет:
Сора, Абюсюб хаджиге регситрация этерге болушуб, ол бери кириб, бир-бирде бизге ауаз бере турса, аман болмаз.

KALAYSA Pictures (Админ):
Анга этген болурмек дейме, Карачаевск офисден селешиб. Этилмегенесе - не билдирсин почта адресин - паролну къалай билдирикбиз!? Не да джаш туудукъларына айтсын, ала болушаллыкъдыла регистрация этерге, джаш адамгъа къыйын тююлдю.
 
 
 
#70
Джаратама0
23.07.2012 00:58:49
Sabr,
Анга не сез, бек аламат боллугъеди. Менда къарарма, сора сизда почтасын манга билдирсегиз - джогъесе базада, кесим къураб, ашырырем анга логинни.
...
 
 
 
#71
Джаратама0
23.07.2012 01:28:07
KALAYSA Pictures, бек сау бол.
Байламлы болгъанлай, Абюсюб хаджини е-майлын ашырырма.
 
 
 
#72
Джаратама0
23.07.2012 14:16:52
Цитата
Анга этген болурмек дейме, Карачаевск офисден селешиб.
Мен да алай деб турама:финкинг: джангылмай эсем. Бусагъат кесине звонить этейим
Говорят, физически человек обновляется каждые семь лет. А духовно не обновляется ли человек еще чаще? Сколько человек умирает в одном человеке, прежде чем сам он умрет?
 
 
 
#73
Джаратама0
23.07.2012 17:07:36
KALAYSA Pictures,

Эбзеланы Абюсюб хаджини электрон адреси:
faridaeb18@yandex.ru
 
 
 
#74
Джаратама0
23.07.2012 17:48:46
Sabr,
Этдик. Паролюн филиалда къызладан ашырдым.
...
 
 
 
#75
Джаратама0
23.07.2012 17:56:34
Цитата
KALAYSA Pictures пишет:
Паролюн филиалда къызладан ашырдым.
Бусагъат кирирге керекди Абу-Юсуф форумгъа:)
Говорят, физически человек обновляется каждые семь лет. А духовно не обновляется ли человек еще чаще? Сколько человек умирает в одном человеке, прежде чем сам он умрет?
 
 
 
Страницы: Пред. 1 2 3 4 5 6 След.
Читают тему (гостей: 1)

 

Написать нам

Фонд «Содействие развитию карачаево-балкарской молодежи «Эльбрусоид»

© 2003-2024 Elbrusoid.org  |  Все права защищены Законами Гор.