- Келгинчи, къонакъ уялыр, келгенден сора, къонакъбай уялыр.
- Къарыусузгъа кюлме, онгсузгъа тийме.
- Халкъны джырын джырласанг, халкъ санга эжиу этер.
- Джангыз торгъай джырламаз.
- Аш кетер да бет къалыр.
- Адамны адамлыгъы къыйынлыкъда айгъакъланады.
- Кёз – сюйген джерде, къол – ауругъан джерде.
- Ишлегенден, къарагъан уста.
- Къартны сыйын кёрмеген, къартлыгъында сыйлы болмаз.
- Агъач халкъгъа алтынды, иссиликге салкъынды.
- Сабыр джетер муратха, сабырсыз къалыр уятха.
- Къонакъ хазыр болгъанлыкъгъа, къонакъбай хазыр тюлдю.
- Башынга джетмегенни сорма.
- Душманны тышы – акъ, ичи – къара.
- Билимли ёлмез, билимсиз кёрмез.
- Керилген да, ургъан кибикди.
- Тели турса – той бузар.
- Айтханы чапыракъдан ётмеген.
- Эрине къаргъыш этген къатын, эрнин къабар.
- Къолунгдан къуймакъ ашатсанг да, атаны борчундан къутулмазса.
- Эл элде бирер малынг болгъандан эсе, бирер тенгинг болсун.
- Кёзден кетген, кёлден да кетеди.
- Джол бла сёзню къыйыры джокъ.
- Биреуге аманлыкъны тилеме да, кесинге ашхылыкъны тиле.
- Игиге айтсанг – билир, аманнга айтсанг – кюлюр.
- Ойнай билмеген, уруб къачар.
- Эр сокъур болсун, къатын тилсиз болсун.
- Кюлме джашха – келир башха.
- Адам туугъан джеринде, ит тойгъан джеринде.
- Ханнга да келеди хариблик.
- Джукъу тёшек сайламайды.
- Арба аугъандан сора, джол кёргюзтюучю кёб болур.
- Аман эсирсе, юйюн ояр.
- Къарт болгъан джерде, берекет болур, сабий болгъан джерде, оюн болур.
- Байлыкъ тауусулур, билим тауусулмаз.
- Рысхы джалгъанды: келген да этер, кетген да этер.
- Иги джашны ышаны – аз сёлешиб, кёб тынгылар.
- Тас болгъан бычакъны сабы – алтын.
- Акъыл сабырлыкъ берир.
- Насыблыны баласы кюн кюнден да баш болур, насыбсызны баласы, кюн кюнден да джаш болур.
- Джырчы ёлсе, джыры къалыр.
- Нёгерсизни джолу узун.
- Дууулдаса – бал чибин, къонса – къара чибин.
- Бозанг болмагъан джерге, къалагъынгы сукъма.
- Тау башында, тау болмаз, джангыз терек, бау болмаз.
- Тюкюрюк баш джармаз, налат кёз чыгъармаз!
- Ишге юренсин къоллары, халкъ бла болсун джоллары.
- Харам къарнашдан, халал тенг ашхы.
- Гитче джилтин уллу элни джандырыр.
- Таякъ этден ётер, тил сюекден ётер.
БИЛДИРИУ
07.05.2011 03:34:26
Бютеу дунияда бизни халкъ бла байламлы ишледен къысха хапар айта турур ючюн ачама бу теманы.
|
|
|
|
07.05.2011 03:39:22
http://www.kardeskalemler.com/mart2011/index.htm
Евразияны джазыучуларыны журналларыны бу номери къарачай-малкъар литературагъа аталгъанын алгъаракъда айтхан эдик. Ол уллу ишни этген эки къарачайлыдыла Тюркден - Уфук Таукъул бла Уфук Тузман. Сау болсунла, кёб джашасынла. |
|
|
|
07.05.2011 04:07:36
8-чи майда (ыйых кюн) сагъат 14.50-де (Тюрк заман бла) Уфук ТУЗМАН Тюркиеде телевидениеге чыгъарыкъды.
ТРТ-АВАЗ деген каналда ачыкъ эфирди. Иннет: Къарачай-Малкъар адабиятны тюрк миллетле бла танышдырыуду. Джырчы Сымайылны, Кязим хаджини, башха къарачай-малкъар джазыучуланы юслеринден Уфук ТУЗМАН тюрк тилде Якуп Делиөмероглу деген джаш бла ачыкъ ушакъ бардырлыкъды. 40 такъыйкъаны-минутну узунуна, миллет адабиятыбызны, "Минги Тау", "Къарнаш къаламла" журналланы юслеринден барлыкъды сёз. Интернет бла къарайма десегиз, ма бу линкден солуу кюн (8-чи май) сагъат 14:50-де, гюрге кюн да (10-чу майда) сагъат 18:50 къарагъыз: http://www.trt.net.tr/Canli/canli.aspx?kanal=TRTAV AZ&slv=0 Уфук ТУЗМАННЫ ушагъын "Эльбрусоид" видеоларына да къошаргъа боллукъ болур. |
|
|
|
07.05.2011 04:21:53
Tinibek
Ас-салам! Уфук Тузманны сёлешгени джазылыб къалырча мадар бармыды? Артда излеген, рахат къарай турурча. |
|
|
|
07.05.2011 04:35:04
Салам, Sabr!
URL Бу видеоладан 1-2-3 деп 6 барды. Башка видеола да болур. Мунуча Аллах айтса, ендики програм да былай етилип, youtube я да калганлага салыныр. Аллахха аманат болугуз! |
|
|
|
08.05.2011 18:23:12
Facebook'та Уфук Тузман'ны месажы, http://www.facebook.com/home.php?sk=group_19921447 3445596¬if_t=group_activity
Уфук Тузман: "Аркадашлар дилеклериниз ичин сагьолун аз ёндже билги алдым. Якын акышы дегьиштигьи ичин "Пенджере" адлы програм 14:50 ерине, 15:55'е яйынланаджак алынмыштыр. Яйын акышы ичин http://www.trt.net.tr/trtavaz/akis.aspx линки тыклайыныз" абоут ан хоур аго · Лике · 1 персон Програмны алга айтылган сагьаттан бир сагьат сонра боллугьу билдирилгенди. Тюркия саат бла бугюн 15.55, Руся сааты бир саат алга артка болур Програмны саатын кёрюр ючюн: http://www.trt.net.tr/trtavaz/akis.aspx |
|
|
|
09.05.2011 00:02:08
Тинибек, салам!
Заманны къатышдырыб, къараялмай къалгъанма. Сен къарадынг эсе бир-эки сёз айт - Аллах айтса, таб болду болур. |
|
|
|
09.05.2011 00:29:38
Sabr
Эльбрусоид Ол хапар нечик иги хапарды. |
|
|
|
10.05.2011 00:27:38
8-чи майда Уфук ТУЗМАН Тюркиеде телевидение бла къарачай-малкъар халкъны культурасындан хапар айтханды. Ол бериуге къараргъа излеген тамбла, бирсикюн да къараргъа боллукъду:
http://www.trt.net.tr/Canli/canli.aspx?kanal=TRTAV AZ&slv=0 Программаны (Тюркню сагъаты бла) 10-чу май кюню 18:50-де 11-чи май кюню 03:35-де къайтарлыкъдыла. |
|
|
|
10.05.2011 02:45:32
Sabr
Бу ески видеода URL, Тюрклю тиширыу бла еркиши, Карачай джырны джырлайды. Билмеген Карачай-Малкарлы деп коярыкты. Тюненекиле алай иги джырлаялмадыла, Карачай джырланы джырласала да Карачайлы болмаганлары белгилиеди. Алгъыш биргеди |
||||
|
|
|||
Читают тему (гостей: 1)