Войти на сайт
29 Марта  2024 года

 

  • Ач бёрюге мекям джокъ.
  • Билим насыб берир, билим джолну керир.
  • Аш кетер да бет къалыр.
  • Джарлы эскисин джамаса, къууаныр.
  • Бек анасы джыламаз.
  • Джети тилни билген джети кишиди.
  • Аджашхан тёгерек айланыр.
  • Ойнай билмеген, оюн бузар.
  • Аз сёлешген, къайгъысыз турур.
  • Къонагъынгы артмагъын алма да, алгъышын ал.
  • Тойчу джашха къарама, къойчу джашха къара.
  • Асхат ашлыкъ сата, юйдегиси ачдан къата.
  • Хоншуну тауугъу къаз кёрюнюр, келини къыз кёрюнюр.
  • Ата – билек, ана – джюрек!
  • Кёрмегеннге кебек – танг, битмегеннге сакъал – танг.
  • Ашхы сёз таш тешер.
  • Тойгъа барсанг, тоюб бар, эски тонунгу къоюб бар.
  • Къаллай салам берсенг, аллай джууаб алырса.
  • Тик ёргени, тик энгишгеси да болады.
  • Ауузу бла къуш тута айланады.
  • Ёлюк кебинсиз къалмаз.
  • Ашда – бёрю, ишде – ёлю.
  • Къонакъны къачан кетерин сорма, къачан келлигин сор.
  • Мал тутхан – май джалар.
  • Ариу сёз – джаннга азыкъ, аман сёз – башха къазыкъ.
  • Эрни эр этерик да, къара джер этерик да, тиширыуду.
  • Айран тёгюлсе, джугъусу къалыр.
  • Айтханы чапыракъдан ётмеген.
  • Къонакъ аз олтурур, кёб сынар.
  • Кёб ант этген, кёб ётюрюк айтыр.
  • Ариу сёз аурууунгу алыр.
  • Тилчиден кери бол.
  • Кимни – тили, тиши онглу, кимни – къолу, иши онглу.
  • Аманны эки битли тону болур, бирин сеннге кийдирир, бирин кеси киер.
  • Тойну къарнашы – харс, джырны къарнашы – эжиу.
  • Бал – татлы, балдан да бала – татлы.
  • Гитче джилтин уллу элни джандырыр.
  • Эшекни не къадар тюйсенг да, ат болмаз.
  • Джетген къыз джерли эшекни танымаз.
  • Ойнаб айтсанг да, эслеб айт.
  • Джангыз торгъай джырламаз.
  • Уллу къазанда бишген эт, чий къалмаз.
  • Аууздан келген, къолдан келсе, ким да патчах болур эди.
  • Иги сёз – джаннга азыкъ, аман сёз башха – къазыкъ.
  • Ёксюзню тилеги къабыл болур.
  • Мен да «сен», дейме, сен да «кесим», дейсе.
  • Кюлме джашха – келир башха.
  • Эки къатын алгъан – эки ташны ортасына башын салгъан.
  • Мухар, кеси тойса да, кёзю тоймаз.
  • Тойгъанлыкъ къойгъа джарашады.

 

Страницы: 1
RSS
БИЛДИРИУ
 
Бютеу дунияда бизни халкъ бла байламлы ишледен къысха хапар айта турур ючюн ачама бу теманы.
 
http://www.kardeskalemler.com/mart2011/index.htm
Евразияны джазыучуларыны журналларыны бу номери къарачай-малкъар литературагъа аталгъанын алгъаракъда айтхан эдик. Ол уллу ишни этген эки къарачайлыдыла Тюркден - Уфук Таукъул бла Уфук Тузман. Сау болсунла, кёб джашасынла.
 
8-чи майда (ыйых кюн) сагъат 14.50-де (Тюрк заман бла) Уфук ТУЗМАН Тюркиеде телевидениеге чыгъарыкъды.

ТРТ-АВАЗ деген каналда ачыкъ эфирди.

Иннет: Къарачай-Малкъар адабиятны тюрк миллетле бла танышдырыуду.

Джырчы Сымайылны, Кязим хаджини, башха къарачай-малкъар джазыучуланы юслеринден Уфук ТУЗМАН тюрк тилде Якуп Делиөмероглу деген джаш бла ачыкъ ушакъ бардырлыкъды.

40 такъыйкъаны-минутну узунуна, миллет адабиятыбызны, "Минги Тау", "Къарнаш къаламла" журналланы юслеринден барлыкъды сёз.

Интернет бла къарайма десегиз, ма бу линкден солуу кюн (8-чи май) сагъат 14:50-де, гюрге кюн да (10-чу майда) сагъат 18:50 къарагъыз:
http://www.trt.net.tr/Canli/canli.aspx?kanal=TRTAV AZ&slv=0

Уфук ТУЗМАННЫ ушагъын "Эльбрусоид" видеоларына да къошаргъа боллукъ болур.
 
Програмда, Карачай Малкарны белгили поет, джырчыларыны айткан сагьатта, унутулганла болмазла Аллах айтса Уфук Тузман джараган карнашыбызды, даха алга да телевизёнлада Карачай-Малкар'ны юсюнден програмла еткенди! Видеолары youtube'да болур. Аллах онг берсин. Амин.
 
Tinibek
Ас-салам!

Уфук Тузманны сёлешгени джазылыб къалырча мадар бармыды? Артда излеген, рахат къарай турурча.
 
Салам, Sabr!
URL

Бу видеоладан 1-2-3 деп 6 барды. Башка видеола да болур. Мунуча Аллах айтса, ендики програм да былай етилип, youtube я да калганлага салыныр.

Аллахха аманат болугуз!
 
Facebook'та Уфук Тузман'ны месажы, http://www.facebook.com/home.php?sk=group_19921447 3445596&notif_t=group_activity

Уфук Тузман: "Аркадашлар дилеклериниз ичин сагьолун аз ёндже билги алдым. Якын акышы дегьиштигьи ичин "Пенджере" адлы програм 14:50 ерине, 15:55'е яйынланаджак алынмыштыр. Яйын акышы ичин http://www.trt.net.tr/trtavaz/akis.aspx линки тыклайыныз"
абоут ан хоур аго · Лике · 1 персон


Програмны алга айтылган сагьаттан бир сагьат сонра боллугьу билдирилгенди. Тюркия саат бла бугюн 15.55, Руся сааты бир саат алга артка болур Програмны саатын кёрюр ючюн: http://www.trt.net.tr/trtavaz/akis.aspx
 
Тинибек, салам!
Заманны къатышдырыб, къараялмай къалгъанма.
Сен къарадынг эсе бир-эки сёз айт - Аллах айтса, таб болду болур.
 
Sabr
Эльбрусоид

Ол хапар нечик иги хапарды.
 
8-чи майда Уфук ТУЗМАН Тюркиеде телевидение бла къарачай-малкъар халкъны культурасындан хапар айтханды. Ол бериуге къараргъа излеген тамбла, бирсикюн да къараргъа боллукъду:
http://www.trt.net.tr/Canli/canli.aspx?kanal=TRTAV AZ&slv=0
Программаны (Тюркню сагъаты бла)
10-чу май кюню 18:50-де
11-чи май кюню 03:35-де къайтарлыкъдыла.
 
Ас Салам, Sabr!

Телевизён ТРТ Аваз'ны табалмаганымда, ТРТ'ни online сайт'ындан карадым. ДЖартысын кёрдюм болурма. Уфук, Карачай-Малкар еркиши, тиширыу кийимлени танытты. Тюрклюле Минги Тау'ну джырладыла, бир де башка бир Карачай джырны да. Уфук, Кайсын Кулиев'ни юсюнде кёп турду. Ленин сауганы ала турганлайына, ызына Малкар'га кайтканында миллетини кёч еткенин кёргенинде, берген саугаларын да юйюню ешигьине асып Орта Азия'га "мен миллетимле джашамасам поет болалмам" деп кеткен хапарын айтты. Абдуллах Бегий'ни, Норвеч'те джашаган Билал Лайпан'ны, ДЖенгиз Айтматов'ну сагьынды. Кайсын Кулиев'ден сонракы несил белгили Карачай-Малкар джазыучу, поетлени барын да Орта Ася'да кёчкюнчюлюкде тууганларын айтты. Видеосу интернетге тюшер деп умут етеме.
Есенликле!
 
Tinibek

Да тюрклюлеге къарачай джырланы джырлаталды эсе - ол да къайдан къайры баргъан затды!

Тюзюн айтсам, Къарачай-Малкъар тюрк-муслиман кавказ халкъны Тюрк дуниягъа танытыу - бек магъаналы, бек керекли ишди.

Сау болугъуз, кёб джашагъыз Тюркде талу халкъыбызны сагъышын этгенле барыгъыз да.
 
Sabr

Бу ески видеода URL, Тюрклю тиширыу бла еркиши, Карачай джырны джырлайды. Билмеген Карачай-Малкарлы деп коярыкты:). Тюненекиле алай иги джырлаялмадыла, Карачай джырланы джырласала да Карачайлы болмаганлары белгилиеди.
Алгъыш биргеди
Страницы: 1
Читают тему (гостей: 1)

 

Написать нам