Войти на сайт
29 Марта  2024 года

 

  • Узун джолну барсанг, бюгюн келирсе, къысха джолну барсанг, тамбла келирсе.
  • Эр абынмай, эл танымаз.
  • Айранын берсенг, челегин да къызгъанма.
  • Ариуну – ауруу кёб.
  • Ким бла джюрюсенг, аны кёзю бла кёрюнюрсе.
  • Этек чакъмакълары баш джаргъан, сёлешген сёзлери таш джаргъан.
  • Магъанасыз сёз – тауушсуз сыбызгъы.
  • Тилсиз миллет джокъ болур.
  • Тойгъанлыкъ къойгъа джарашады.
  • Ёзденликни джайгъан – джокълукъ.
  • Халкъны джырын джырласанг, халкъ санга эжиу этер.
  • Чомартха Тейри да борчлуду.
  • Ишлегенде эринме, ишде чолакъ кёрюнме.
  • Ана къолу ачытмаз.
  • Тойгъан антын унутур.
  • Аурууну келиую тынч, кетиую – къыйын.
  • Игилик игилик бла сингдирилиучю затды.
  • Баланы адам этген анады.
  • Дууулдаса – бал чибин, къонса – къара чибин.
  • Ёзденликни кёбю ётюрюк.
  • Джарлы джети элни сёзюн этер.
  • Чомарт джарлы болмаз.
  • Джашынгы кесинг юретмесенг, джашау юретир.
  • Кёзден кетген, кёлден да кетеди.
  • Ач келгенни – тойдур, кеч келгенни – къондур.
  • Ачыкъ джюрекге джол – ачыкъ.
  • Джогъун бар этген, барын бал этген.
  • Къаллай салам берсенг, аллай джууаб алырса.
  • Таугъа чыгъаллыкъ эсенг, тюзде къалма.
  • Аш берме да, къаш бер.
  • Байлыкъ тауусулур, билим тауусулмаз.
  • Насыблы элин сюер, насыбсыз кесин сюер.
  • Аш иеси бла татлыды.
  • Айырылмаз джууугъунга, унутмаз сёзню айтма.
  • Аз айтсам, кёб ангылагъыз.
  • Окъуу – билимни ачхычы, окъуу – дунияны бачхычы.
  • Ариу сёз джыланны орнундан чыгъарыр.
  • Тенгинг джокъ эсе – изле, бар эсе – сакъла!
  • Билгенни къолу къарны джандырыр.
  • Тил бла келеди джыр да.
  • Ата Джуртча джер болмаз, туугъан элча эл болмаз.
  • Байны оноуу, джарлыгъа джарамаз.
  • Адам сёзюнден белгили.
  • Къазанчы аман болса, къазаны къайнамаз.
  • Окъуусуз билим – джокъ, билимсиз кюнюнг – джокъ.
  • Адеб джокъда, намыс джокъ.
  • Джырына кёре эжиую.
  • Бет бетге къараса, бет да джерге къарар.
  • Адамны аманы адамны бети бла ойнар.
  • Ариу – кёзге, акъыл – джюрекге.

 

Страницы: 1
RSS
БИЛДИРИУ
 
Бютеу дунияда бизни халкъ бла байламлы ишледен къысха хапар айта турур ючюн ачама бу теманы.
 
http://www.kardeskalemler.com/mart2011/index.htm
Евразияны джазыучуларыны журналларыны бу номери къарачай-малкъар литературагъа аталгъанын алгъаракъда айтхан эдик. Ол уллу ишни этген эки къарачайлыдыла Тюркден - Уфук Таукъул бла Уфук Тузман. Сау болсунла, кёб джашасынла.
 
8-чи майда (ыйых кюн) сагъат 14.50-де (Тюрк заман бла) Уфук ТУЗМАН Тюркиеде телевидениеге чыгъарыкъды.

ТРТ-АВАЗ деген каналда ачыкъ эфирди.

Иннет: Къарачай-Малкъар адабиятны тюрк миллетле бла танышдырыуду.

Джырчы Сымайылны, Кязим хаджини, башха къарачай-малкъар джазыучуланы юслеринден Уфук ТУЗМАН тюрк тилде Якуп Делиөмероглу деген джаш бла ачыкъ ушакъ бардырлыкъды.

40 такъыйкъаны-минутну узунуна, миллет адабиятыбызны, "Минги Тау", "Къарнаш къаламла" журналланы юслеринден барлыкъды сёз.

Интернет бла къарайма десегиз, ма бу линкден солуу кюн (8-чи май) сагъат 14:50-де, гюрге кюн да (10-чу майда) сагъат 18:50 къарагъыз:
http://www.trt.net.tr/Canli/canli.aspx?kanal=TRTAV AZ&slv=0

Уфук ТУЗМАННЫ ушагъын "Эльбрусоид" видеоларына да къошаргъа боллукъ болур.
 
Програмда, Карачай Малкарны белгили поет, джырчыларыны айткан сагьатта, унутулганла болмазла Аллах айтса Уфук Тузман джараган карнашыбызды, даха алга да телевизёнлада Карачай-Малкар'ны юсюнден програмла еткенди! Видеолары youtube'да болур. Аллах онг берсин. Амин.
 
Tinibek
Ас-салам!

Уфук Тузманны сёлешгени джазылыб къалырча мадар бармыды? Артда излеген, рахат къарай турурча.
 
Салам, Sabr!
URL

Бу видеоладан 1-2-3 деп 6 барды. Башка видеола да болур. Мунуча Аллах айтса, ендики програм да былай етилип, youtube я да калганлага салыныр.

Аллахха аманат болугуз!
 
Facebook'та Уфук Тузман'ны месажы, http://www.facebook.com/home.php?sk=group_19921447 3445596&notif_t=group_activity

Уфук Тузман: "Аркадашлар дилеклериниз ичин сагьолун аз ёндже билги алдым. Якын акышы дегьиштигьи ичин "Пенджере" адлы програм 14:50 ерине, 15:55'е яйынланаджак алынмыштыр. Яйын акышы ичин http://www.trt.net.tr/trtavaz/akis.aspx линки тыклайыныз"
абоут ан хоур аго · Лике · 1 персон


Програмны алга айтылган сагьаттан бир сагьат сонра боллугьу билдирилгенди. Тюркия саат бла бугюн 15.55, Руся сааты бир саат алга артка болур Програмны саатын кёрюр ючюн: http://www.trt.net.tr/trtavaz/akis.aspx
 
Тинибек, салам!
Заманны къатышдырыб, къараялмай къалгъанма.
Сен къарадынг эсе бир-эки сёз айт - Аллах айтса, таб болду болур.
 
Sabr
Эльбрусоид

Ол хапар нечик иги хапарды.
 
8-чи майда Уфук ТУЗМАН Тюркиеде телевидение бла къарачай-малкъар халкъны культурасындан хапар айтханды. Ол бериуге къараргъа излеген тамбла, бирсикюн да къараргъа боллукъду:
http://www.trt.net.tr/Canli/canli.aspx?kanal=TRTAV AZ&slv=0
Программаны (Тюркню сагъаты бла)
10-чу май кюню 18:50-де
11-чи май кюню 03:35-де къайтарлыкъдыла.
 
Ас Салам, Sabr!

Телевизён ТРТ Аваз'ны табалмаганымда, ТРТ'ни online сайт'ындан карадым. ДЖартысын кёрдюм болурма. Уфук, Карачай-Малкар еркиши, тиширыу кийимлени танытты. Тюрклюле Минги Тау'ну джырладыла, бир де башка бир Карачай джырны да. Уфук, Кайсын Кулиев'ни юсюнде кёп турду. Ленин сауганы ала турганлайына, ызына Малкар'га кайтканында миллетини кёч еткенин кёргенинде, берген саугаларын да юйюню ешигьине асып Орта Азия'га "мен миллетимле джашамасам поет болалмам" деп кеткен хапарын айтты. Абдуллах Бегий'ни, Норвеч'те джашаган Билал Лайпан'ны, ДЖенгиз Айтматов'ну сагьынды. Кайсын Кулиев'ден сонракы несил белгили Карачай-Малкар джазыучу, поетлени барын да Орта Ася'да кёчкюнчюлюкде тууганларын айтты. Видеосу интернетге тюшер деп умут етеме.
Есенликле!
 
Tinibek

Да тюрклюлеге къарачай джырланы джырлаталды эсе - ол да къайдан къайры баргъан затды!

Тюзюн айтсам, Къарачай-Малкъар тюрк-муслиман кавказ халкъны Тюрк дуниягъа танытыу - бек магъаналы, бек керекли ишди.

Сау болугъуз, кёб джашагъыз Тюркде талу халкъыбызны сагъышын этгенле барыгъыз да.
 
Sabr

Бу ески видеода URL, Тюрклю тиширыу бла еркиши, Карачай джырны джырлайды. Билмеген Карачай-Малкарлы деп коярыкты:). Тюненекиле алай иги джырлаялмадыла, Карачай джырланы джырласала да Карачайлы болмаганлары белгилиеди.
Алгъыш биргеди
Страницы: 1
Читают тему (гостей: 1)

 

Написать нам