- Зар адам ашынгы ашар, кесинги сатар.
- Экеу тутушса, биреу джыгъылыр.
- Сакъламагъан затынга джолукъсанг, не бек къууанаса, не бек ачыйса.
- Ашхы сёз таш тешер.
- Байлыкъ адамны сокъур этер.
- Этни да ашады, бетни да ашады.
- Ёпкелегенни ашы татлы болады.
- Айтханы чапыракъдан ётмеген.
- Аууз сакълагъан – джан сакълар.
- Кюлме джашха – келир башха.
- Тойгъан антын унутур.
- Игиге айтсанг – билир, аманнга айтсанг – кюлюр.
- Ёксюзню тилеги къабыл болур.
- Биреуге аманлыкъны тилеме да, кесинге ашхылыкъны тиле.
- Мен да «сен», дейме, сен да «кесим», дейсе.
- Таукелге нюр джауар.
- «Ма», - дегенни билмесенг, «бер», - дегенни билмезсе.
- Болджал ишни бёрю ашар.
- Джангыз торгъай джырламаз.
- Кёб джашагъан – кёб билир.
- Рысхы – сют юсюнде кёмюк кибикди.
- Хунаны тюбюн къазсанг, юсюнге ауар.
- Джаш болсун, къыз болсун, акъылы, саны тюз болсун.
- Эр сокъур болсун, къатын тилсиз болсун.
- Ашарыкъда сайлагъаннга – чий гырджын.
- Миллетни бойну – базыкъ, аны бла кюрешген – джазыкъ.
- Таш ата билмеген, башына урур.
- Айырылгъанланы айю ашар, бёлюннгенлени бёрю ашар.
- Ётюрюк хапар аякъ тюбю бла джюрюйдю.
- Адеби болмагъан къыз – тузсуз хант.
- Ёлюк кебинсиз къалмаз.
- Адебсиз адам – джюгенсиз ат.
- Къыз чыгъаргъан – къызыл къымжа.
- Айтхан – тынч, этген – къыйын.
- Азыкълы ат арымаз, къатыны аман джарымаз.
- Ёлюр джаннга, ёкюл джокъ.
- Уллу къашыкъ эрин джыртар.
- Этим кетсе да, сюегим къалыр.
- Къонакъ хазыр болгъанлыкъгъа, къонакъбай хазыр тюлдю.
- Къазанда болса, чолпугъа чыгъар.
- Арба аугъандан сора, джол кёргюзтюучю кёб болур.
- Ойнай билмеген, оюн бузар.
- Уруну арты – къуру.
- Къонакъ кёб келюучю юйню, къазаны отдан тюшмез.
- Адамны сабийин сюйген джюреги, бычакъча, джитиди.
- Ауурну тюбю бла, дженгилни башы бла джюрюген.
- Тойгъа алгъа да барма, тойда артха да къалма.
- Билмезни кёзю кёрмез, этмезни къулагъы эшитмез.
- Джеринден айырылгъан – джети джылар, джуртундан айырылгъан – ёлгюнчю джылар.
- Чоюнну башы ачыкъ болса, итге уят керекди.
ЭЛЕКТРОН БИБЛИОТЕКАНЫ ЮСЮНДЕН
20.02.2010 14:49:28
Аллай джерлерин къысхартыб, алай салсакъ иги болур
Сора тутуб китабны бир джарын салыб, башхасын къалай къысхарта турлукъбуз? Бу халда чырт салмагъан игирек тюлмюдю? |
|
|
|
20.02.2010 16:17:32
Sabr
Кесим тюбегенме аллай затха, мени кёлюме да аллай зат болса, китабны салмай къояргъа тыйыншлы болур, деб келеди. |
|
|
|
21.02.2010 01:12:48
Sabr
Китабны библиотекагъа салмай къойгъандан тынчы джокъду. Тюз айтасыз, алай а, салмай къоймайыкъ деб, мадарла излей турабыз. |
|
|
|
21.02.2010 19:31:58
всё же я думаю что словосочетание "ЭЛЕКТРОН БИБЛИОТЕКАНЫ....." не правильное..
следовало бы так: ЭЛЕКТРОННЫЙ БИБЛИОТЕКАНЫ.... |
|
|
|
22.02.2010 00:35:15
Джарамаз китабны тюрлендирирге, аны кёрюрле, кюлюрле да турурла бизге, алай этдиле деб.
|
|
|
|
22.02.2010 18:05:53
Sabr
бек сау болугуз.. учимся.. |
|
|
|
23.02.2010 16:14:51
Девушка Гор
САУ БОЛ!!! |
|
|
|
26.02.2010 15:11:17
Sabr
Тюз айтасыз. Алай а, бир-бир авторланы юслеринден информация табхан алай тынч боллукъ болмазмы? Эски китабланы авторларыны юсюнден артыкъсыз да Къалай дейсиз? |
|
|
|
26.02.2010 15:24:19
Sabr
Авторланы юсюнден къалайда джазылса тыйыншлы болур? Китабны ичине салыргъамы керекди? |
|
|
|
26.02.2010 16:00:04
и менге бир англатыгъыз...нек айтылады ана тилибизде деб?ата тилибиз деб нек айтылмайды...
аналаны сыйы теппемдеди...сейир болуб сорама. |
|
|
|
Читают тему (гостей: 1)