Войти на сайт
19 Апреля 2024 года

 

  • Башы джабылгъан челекге, кир тюшмез.
  • Керти сёзге тёре джокъ.
  • Бир онгсуз адам адет чыгъарды, деб эштирик тюлсе.
  • Алма терегинден кери кетмез.
  • Тилчи тилден къаныкъмаз.
  • Кийимни бир кюнню аясанг, минг кюннге джарар.
  • Кеси юйюмде мен да ханма.
  • Къарт айтханны этмеген, къартаймаз.
  • Сёз – кюмюш, джыр – алтын.
  • Насыблыны баласы кюн кюнден да баш болур, насыбсызны баласы, кюн кюнден да джаш болур.
  • Къонакъ хазыр болгъанлыкъгъа, къонакъбай хазыр тюлдю.
  • Ашхы тенг джолгъа салыр, аман тенг джолдан тайдырыр.
  • Тенгинг джокъ эсе – изле, бар эсе – сакъла!
  • Таякъ этден ётер, тил сюекден ётер.
  • Дженгил джетерикме деб, узун джолну къоюб, къысхасын барма.
  • Аш иеси бла татлыды.
  • Хоншуну тауугъу къаз кёрюнюр, келини къыз кёрюнюр.
  • Адамны аты башхача, акъылы да башхады.
  • Адамны артындан къара сабан сюрме.
  • Чоюнну башы ачыкъ болса, итге уят керекди.
  • Къозулугъунда тоймагъан, къойлугъунда тоймаз.
  • Кесинг сынамагъан затны, адамгъа буюрма.
  • Къонакъ болсанг, ийнакъ бол.
  • Ата Джуртун танымагъан, атасын да танымаз.
  • Адебни адебсизден юрен.
  • Эртде тургъан бла эртде юйленнген сокъуранмаз.
  • Эки итни арасына сюек атма, эки адамны арасында сёз чыгъарма.
  • Мухар, кеси тойса да, кёзю тоймаз.
  • Джарлы джети элни сёзюн этер.
  • Тили узунну, намысы – къысха.
  • Адамны бетине къарама, адетине къара.
  • Акъыллы эркиши атын махтар, акъылсыз эркиши къатынын махтар.
  • Бек анасы джыламаз.
  • Сакъалы текени да бар, мыйыгъы киштикни да бар.
  • Малны кют, джерни тюрт.
  • Биреу ашаб къутулур, биреу джалаб тутулур.
  • Джашлыкъ этмеген, башлыкъ этмез.
  • Насыб бютеу халкъны юлюшюдю.
  • Къыйынлы джети элге оноу этер.
  • Айранын берсенг, челегин да къызгъанма.
  • Джылар джаш, атасыны сакъалы бла ойнар.
  • Джюз элде джюз ёгюзюм болгъандан эсе, джюз джууугъум болсун.
  • Ёлген эшек бёрюден къоркъмайды.
  • Башланнган иш битер, къымылдагъан тиш тюшер.
  • Ачыу алгъа келсе, акъыл артха къалады.
  • Ат да турмайды бир териде.
  • Атлыны ашхысы, ат тизгининден билинир
  • Киштикге къанат битсе, чыпчыкъ къалмаз эди.
  • Чыбыкълыкъда бюгюлмеген, къазыкълыкъда бюгюлмей эди.
  • Джан саулукъ бермей, сан саулукъ бермезсе.

 

Архив Форума » Зеленый Форум [архив] » - ЗФ - Ана тилибизде
Страницы: 1 2 3 След.
RSS
ЭЛЕКТРОН БИБЛИОТЕКАНЫ ЮСЮНДЕН
 
#1
Джаратама0
20.02.2010 14:46:30
Къарачай-Малкъар электрон библиотеканы джыйыу - бек керекли иш болгъанын къайтарыб айтыр кереклиси джокъду. Къагъыт китабланы электрон кебге къуюб, джарашдырыб, кютюпханеге салыу - къыйын ишди. Алай а, бу сууаблы ишни этгенлеге бир айтырым барды.

Бизни халкъгъа къаршчы ётюрюк, джалгъан дау, хылымылы зат айтылгъан джерлери да болуучандыла китабланы. Аны себебли, китабланы электрон библиотекагъа салырдан алгъа, алада джазылгъанны окъургъа, тинтерге керекди. Аллай джерлерин къысхартыб, алай салсакъ иги болур, ансы терс джазылгъанны мингле, миллионла окъурча этгенден хайыр болмаз. Игилик этебиз деб, аманлыкъ этиб къоймайыкъ.
 
 
 
#2
Джаратама0
20.02.2010 14:49:28
Аллай джерлерин къысхартыб, алай салсакъ иги болур

Сора тутуб китабны бир джарын салыб, башхасын къалай къысхарта турлукъбуз? Бу халда чырт салмагъан игирек тюлмюдю?
 
 
 
#3
Джаратама0
20.02.2010 15:37:58
sama

Китаб не да чыгъарма ёресине бизге къаршчы джазылгъан эсе - аны салмазгъа керекди. Алай а, кёбюсю тюз джазылыб, бир-бир джерлери халкъны тарихине, сыйына, намысына къатыла эселе - алайларын къысхартыргъа, "купюра" этерге эркинбиз. (купюра - сокращение литературного, научного произведения или произведения искусства из цензурных или иных соображений).
 
 
 
#4
Джаратама0
20.02.2010 16:17:32
Sabr
Кесим тюбегенме аллай затха, мени кёлюме да аллай зат болса, китабны салмай къояргъа тыйыншлы болур, деб келеди.
 
 
 
#5
Джаратама0
20.02.2010 21:58:21
Девушка Гор

Китабны библиотекагъа салмай къойгъандан тынчы джокъду. Башха мадар джокъ эсе - алай этерге керек болур.

Ёзге, бир-эки чапрагъы ючюн бютеу китабны харам этиу да тюз болмаз.
Айтханымча, купюрала этилиб, салынса иги боллукъ эди.

Башха джол да барды. Бир иги историк, сёз ючюн Кипкеланы Зарема, бу ишге къошулса, аны комментарийлери бла тарих китабланы къысхартмай, тургъанларыча библиотекагъа салынсала да, хата болмаз эди.

Алай болса да, табыча, къолугъуздан келгенча, этериксиз. Мен къоркъуууму айтдым - ишни этерик а сизсиз да, Аллах болушсун.
 
 
 
#6
Джаратама0
21.02.2010 01:12:48
Sabr
Китабны библиотекагъа салмай къойгъандан тынчы джокъду.
Тюз айтасыз, алай а, салмай къоймайыкъ деб, мадарла излей турабыз.
 
 
 
#7
Джаратама0
21.02.2010 19:31:58
всё же я думаю что словосочетание "ЭЛЕКТРОН БИБЛИОТЕКАНЫ....." не правильное..

следовало бы так: ЭЛЕКТРОННЫЙ БИБЛИОТЕКАНЫ....
 
 
 
#8
Джаратама0
21.02.2010 19:47:46
китаб джангы болса аны чыгъаргъан адамгъа сормай салыргъа мадар джокъду, аны разылыгъы керекди. Андан сора китабны ичинде джазылгъан затлада бизге заран джетдирирча джазма болса аны кетериргеда иесинден разылыкъ алыргъа керекди.
 
 
 
#9
Джаратама0
22.02.2010 00:32:44
не важно

Къарачай тюрк тилни джорукъларына кёре джазсакъ, тюзю "ЭЛЕКТРОН КЮТЮПХАНЕ" не да "ЭЛЕКТРОН БИБЛИОТЕКА" боллукъду. Ал сёзню тамыры алыныб, экинчи сёз анга къошулуб къалады. Сёз ючюн, тенглешдир: Советская власть - Совет власть, Коммунистическая партия - Коммунист партия, Герой Советского Союза - Совет Союзну Джигити, Международная Тюркская Академия - Миллетлеарасы Тюрк Академия.
 
 
 
#10
Джаратама0
22.02.2010 00:35:15
Джарамаз китабны тюрлендирирге, аны кёрюрле, кюлюрле да турурла бизге, алай этдиле деб.
 
 
 
#11
Джаратама0
22.02.2010 00:50:11
Пилигрим

Тюз айтаса. Алай а, "авторское право" къыйынлыкъгъа джете тебресе, иш бек акъырын барлыкъды. Авторланы табыб, ала бла келишгинчи - заман кетерикди. Ёзге, джорукъну бузмазгъа излей эсек - келишиу джол бла барыргъа керек болур. Алай болса да, бу затдан хапарлы бир юрист консультация берсе, артыкъ болмаз.
 
 
 
#12
Джаратама0
22.02.2010 17:33:29
Azamat_SPb
"Джарамаз китабны тюрлендирирге, аны кёрюрле, кюлюрле да турурла бизге, алай этдиле деб".

Джукъ айтханлагъа джууаб эте барырбыз. Ётюрюкню кесибиз тиражировать этмейик ансы.
Китабланы хылымылы джерлерин купюра этиб, къысхартыб чыгъарыу, бола келген адетди. Алийланы Умарны "Къарачай" деген китабын илму-излем институт да алай къысхартыб чыгъаргъанды.
 
 
 
#13
Джаратама0
22.02.2010 18:05:53
Sabr

бек сау болугуз.. учимся..
 
 
 
#14
Джаратама0
22.02.2010 20:49:00
Sabr
Хоншуларыбыз, бир китабны джангыдан басмалагъан эдиле алгъаракъ, революциягъа дери чыкъгъан эди биринчи кере, бир оруслу аскерчини мемуарлары болур эди дейме. Джаратмагъан джерленин кетерген этген эдиле. Аны кёрюб бизни илмучула алагъа кюлюб тургъан эдиле, кетерген затларын да кёргюзтюб. Аны да юлгюлгюге келтириб алай этиб битеу тарихлерин да алай къурайдыла деб. Бизге да алай айтырыкъдыла ол заманда.
 
 
 
#15
Джаратама0
23.02.2010 06:01:00
Azamat_SPb

Охо да, бизге аман айтылгъан китабланы бир джанына сала (ала алай кёб да болмазла), тюзю джазылгъан китабланы да библиотекагъа сала бир барайыкъ. Къолайсыз китаблагъа да бир оноу болур, аланы къалай хайырландырыргъа кереклисине да бир сагъыш этейик.
 
 
 
#16
Джаратама0
23.02.2010 06:43:54
Девушка Гор

1.Ол сен хазырлагъан китаб бек керекли китабды. Аны библиотекагъа къалай салыныргъа боллугъуна дагъыда бир джол. Китабны бир автор джазмагъанды. Анда бёлюмлени тюрлю-тюрлю авторла джазгъандыла. Аны себебли, статьяланы башха-башха кеслерин салыб барыргъа боллукъду библиотекагъа. Сёз ючюн, культурабызны юсюнден Лайпанланы Хамид бла Дудаланы Махмуд джазадыла - аланы ол тинтиулери башха салынады да къалады. Къалгъанла да алай. Осал джазылгъан статья да, автору да бир джанында къаладыла.

2. Сканировать этерге кёб китаб бар эсе, халкъгъа бегирек кереклиле алгъа хазырлансала. "Карачаевцы. Выселение и возвращение (1943-1957). Материалы и документы" деген китаб бармыды сизде? Аны республикан комиссия хазырлаб, 1993-чю джыл чыгъаргъан эди. Ол бек магъаналы китабды. Аны табыб, кютюпханеге салалсагъыз, бек уллу иш этерик эдигиз.
 
 
 
#17
Джаратама0
23.02.2010 13:28:54
Sabr
Аны себебли, статьяланы башха-башха кеслерин салыб барыргъа боллукъду библиотекагъа.
Къарайым бюгюн.
"Карачаевцы. Выселение и возвращение (1943-1957). Материалы и документы" деген китаб бармыды сизде?
Барды. бюгюн огъуна сканировать этиб башлайым
Темагъызны "ана тилибизде" деген разделге кёчюреим
 
 
 
#18
Джаратама0
23.02.2010 16:14:51
Девушка Гор

САУ БОЛ!!!
 
 
 
#19
Джаратама0
24.02.2010 16:29:05
Sabr

Энди ол ишде терс зат этмезге керекбиз. Мундан алда мен бир китабны сканировать этиб www/karachaevsk.info сайтха салыргъа излегенимда иеси бир кесек туркълаб салырсыз, бусагъатда салыб къоймагъыз деб тилегенеди. Биллик тюлбюз иги иш этдикми, огъесе заран салдыкъмы адамъа. Юрист бизге ол ишни юсюнде болушлмаз. Биз кесибизни джазыучуларыбызбла юристлени юслерибла селеше тебресек иги иш этмезбиз. ол алай кеб заман аллыкъ болмаз деб келеди келюме. Аллах бергенча телефонла бардыла, звонить этиб разылыкъ ала турсакъ кесибизгеда сый, аланыда келлери иги болур.
 
 
 
#20
Джаратама0
26.02.2010 15:02:35
КЁЛЮМЕ КЕЛГЕН дагъыда бир зат.

Китабланы электрон библиотекагъа салгъан сагъатда, китаблары бла бирге авторланы биографиялары, библиографиялары да салына барса иги боллукъ эди. Бир къауум китабны кесинде авторну юсюнден джазылады. Бир-бир китаблада джазылмайды. Джарашдыргъанлагъа бираз иш къошулса да, окъуучула разы боллукъ эдиле.
 
 
 
#21
Джаратама0
26.02.2010 15:11:17
Sabr
Тюз айтасыз. Алай а, бир-бир авторланы юслеринден информация табхан алай тынч боллукъ болмазмы? Эски китабланы авторларыны юсюнден артыкъсыз да Къалай дейсиз?
 
 
 
#22
Джаратама0
26.02.2010 15:18:53
Девушка Гор

Табылгъан салына барса. Табалмагъаныгъызны "быллай автордан хапарлы бармысыз?" деб, былайда джазсагъыз, болушурукъ бир адам чыгъыб къалыр. Мен да билгеними айтырма. Алай эте, иш тюзелиб кетер.
 
 
 
#23
Джаратама0
26.02.2010 15:24:19
Sabr
Авторланы юсюнден къалайда джазылса тыйыншлы болур? Китабны ичине салыргъамы керекди?
 
 
 
#24
Джаратама0
26.02.2010 16:00:04
и менге бир англатыгъыз...нек айтылады ана тилибизде деб?ата тилибиз деб нек айтылмайды...
аналаны сыйы теппемдеди...сейир болуб сорама.
 
 
 
#25
Джаратама0
26.02.2010 16:10:05
Azamat_SPb
Cалам Азамат! Энди сен айтхандада барды тюзлюк, хапар джокъду. Алайя хоншуларыбыз "стратегия" бла тюз этедиле, кеслерида бу джолну эртде айыргъандыла. Нек десенг?! Сёз ючюн биринчи Минги Таугъа ким мингенин алсанг: Биз къарачайлы Хыйса биринчиди деп кёкюрегибизге уруп, махтаным тургъанбыз; Хонлушарыбыза ол заманда хар табылгъан жерде юйню хунасындан башлап китаблагъа дери Ол къабарты деп жазып тургъандыла, кюлкюлюк да болгъандыла ол заманда, айблы да болгъандыла. Щёндюгю заманда уа кесинг кёресе ол соруу не ары не бери болмай турады. Тыш адам тюзюн билеме десе 90% жерде Хыйса къабарты деп жазылып.....а сени-мени сёзюме киши ийнаныргъа излерик тюйюлдю. Ол себепден бу соруугъа терен сагъыш этерге керек болур деп келеди эсиме....
 
 
 
Страницы: 1 2 3 След.
Читают тему (гостей: 1)

 

Написать нам

Фонд «Содействие развитию карачаево-балкарской молодежи «Эльбрусоид»

© 2003-2024 Elbrusoid.org  |  Все права защищены Законами Гор.