- Ёлген ийнек сютлю болур.
- Бастасын ашагъан, хантусун да ичер.
- Таякъ этден ётер, тил сюекден ётер.
- Адамны джюреги нени кёрюрге сюйсе, кёзю да аны кёрюрге ёч болады.
- Элде адам къалмаса, ит тахтагъа минер.
- Джукъу тёшек сайламайды.
- Биреуню къыйынлыгъы бла кесинге джол ишлеме.
- Эл элде бирер малынг болгъандан эсе, бирер тенгинг болсун.
- Орну джокъну – сыйы джокъ.
- Тёрде – темир таякълы, къаяда – чыпчыкъ аякълы.
- Акъыл сабырлыкъ берир.
- Адам къыйынлыгъын кёлтюрюр, зауукълугъун кёлтюрмез.
- Джырына кёре эжиую.
- Акъыллы эркиши атын махтар, акъылсыз эркиши къатынын махтар.
- Аман киши кеси юйюнде – къонакъ.
- Тас болгъан бычакъны сабы – алтын.
- Ачыкъ джюрекге джол – ачыкъ.
- Айранын берсенг, челегин да къызгъанма.
- Джаш къарыу бла кючлю, къарт акъыл бла кючлю.
- Ишленмеген джаш – джюгенсиз ат, ишленмеген къыз – тузсуз хант.
- Тил джюрекге джол ишлейди.
- Чакъырылмай келген къонакъ сыйланмай кетер.
- Тешигини къатында, чычхан да батыр болур.
- Чоюнну башы ачыкъ болса, итге уят керекди.
- Орундукъ тюбюнде атылсам да, орта джиликме, де да айлан.
- Кёбню кёрген – кёб билир.
- Ауузу бла къуш тута айланады.
- Элиб деген, элге болушур.
- Гыдай эчки суугъа къараб, мюйюзле кёрмесе, джашма алкъын, дегенди.
- Таукел тауну аудурур.
- Дженгил джетерикме деб, узун джолну къоюб, къысхасын барма.
- Джолунга кёре – джюрюшюнг, джагъанга кёре – юлюшюнг.
- Эртде тургъан джылкъычыны эркек аты тай табар.
- Келлик заман – къартлыкъ келтирир, кетген заман – джашлыкъ ёлтюрюр.
- Байлыкъ тауусулур, билим тауусулмаз.
- Ётген ёмюр – акъгъан суу.
- Эр абынмай, эл танымаз.
- Къалгъан ишге къар джауар.
- Тюзню ётмеги тюзде къалса да, тас болмаз.
- Юйлю уругъа ит чабмаз.
- Хар зат кесини орнуна иги.
- Нарт сёз къарт болмаз.
- Къызны минг тилер, бир алыр.
- Баш болса, бёрк табылыр.
- Гугурук къычырмаса да, тангны атары къалмаз.
- Эркишиге тары кебек танг кёрюнюр.
- Мураты болгъанны джюрек тебюую башхады.
- Сабий болмагъан джерде, мёлек болмаз.
- Тойгъанлыкъ къойгъа джарашады.
- Ётюрюкню къуйругъу – бир тутум.
ЭЛЕКТРОН БИБЛИОТЕКАНЫ ЮСЮНДЕН
20.02.2010 14:49:28
Аллай джерлерин къысхартыб, алай салсакъ иги болур
Сора тутуб китабны бир джарын салыб, башхасын къалай къысхарта турлукъбуз? Бу халда чырт салмагъан игирек тюлмюдю? |
|
|
|
20.02.2010 16:17:32
Sabr
Кесим тюбегенме аллай затха, мени кёлюме да аллай зат болса, китабны салмай къояргъа тыйыншлы болур, деб келеди. |
|
|
|
21.02.2010 01:12:48
Sabr
Китабны библиотекагъа салмай къойгъандан тынчы джокъду. Тюз айтасыз, алай а, салмай къоймайыкъ деб, мадарла излей турабыз. |
|
|
|
21.02.2010 19:31:58
всё же я думаю что словосочетание "ЭЛЕКТРОН БИБЛИОТЕКАНЫ....." не правильное..
следовало бы так: ЭЛЕКТРОННЫЙ БИБЛИОТЕКАНЫ.... |
|
|
|
22.02.2010 00:35:15
Джарамаз китабны тюрлендирирге, аны кёрюрле, кюлюрле да турурла бизге, алай этдиле деб.
|
|
|
|
22.02.2010 18:05:53
Sabr
бек сау болугуз.. учимся.. |
|
|
|
23.02.2010 16:14:51
Девушка Гор
САУ БОЛ!!! |
|
|
|
26.02.2010 15:11:17
Sabr
Тюз айтасыз. Алай а, бир-бир авторланы юслеринден информация табхан алай тынч боллукъ болмазмы? Эски китабланы авторларыны юсюнден артыкъсыз да Къалай дейсиз? |
|
|
|
26.02.2010 15:24:19
Sabr
Авторланы юсюнден къалайда джазылса тыйыншлы болур? Китабны ичине салыргъамы керекди? |
|
|
|
26.02.2010 16:00:04
и менге бир англатыгъыз...нек айтылады ана тилибизде деб?ата тилибиз деб нек айтылмайды...
аналаны сыйы теппемдеди...сейир болуб сорама. |
|
|
|
Читают тему (гостей: 1)