Войти на сайт
29 Марта  2024 года

 

  • Къанны къан бла джуума, аманны аман бла къуума.
  • Аурууну келиую тынч, кетиую – къыйын.
  • Аш берме да, къаш бер.
  • Аманны эки битли тону болур, бирин сеннге кийдирир, бирин кеси киер.
  • Орну джокъну – сыйы джокъ.
  • Билген билмегенни юретген адетди.
  • Джашлыкъ этмеген, башлыкъ этмез.
  • Аманнга игилик этсенг, юйюнге сау бармазса.
  • Иги бла джюрюсенг, джетерсе муратынга, аман бла джюрюсенг, къалырса уятха.
  • Биреуню тёрюнден, кесинги эшик артынг игиди.
  • Сютден ауузу кюйген, суугъа юфгюре эди.
  • Къонагъынгы артмагъын алма да, алгъышын ал.
  • От этилмеген джерден тютюн чыкъмайды.
  • Таш бла ургъанны, аш бла ур.
  • Нарт сёз – тилни бети.
  • Кийимни бир кюнню аясанг, минг кюннге джарар.
  • Аман адамны тепсинге олтуртсанг, къызынгы тилер.
  • Бек анасы джыламаз.
  • Арба аугъандан сора, джол кёргюзтюучю кёб болур.
  • Джыланны къуйругъундан басарынг келсе, аны башы болгъанын унутма.
  • Ата Джуртун танымагъан, атасын да танымаз.
  • Ашхы – джыяр, аман – джояр.
  • Ёлмесенг да, къарт дамы болмазса?
  • Ишленмеген джаш – джюгенсиз ат, ишленмеген къыз – тузсуз хант.
  • Къарнынг тойгъунчу аша да, белинг талгъынчы ишле.
  • Ашатыргъа иш – ашхы, ишлетирге аш – ашхы.
  • Къарнынг къанлынга кийирир.
  • Игини сыйлагъан адетди.
  • Чакъырылмагъан къонакъ тёрге атламаз.
  • Эл тойса, тоймагъан, эл къойса, къоймагъан.
  • Айран тёгюлсе, джугъусу къалыр.
  • Тенгинг джокъ эсе – изле, бар эсе – сакъла!
  • Сормай – алма, чакъырылмай – барма.
  • Ач къарным, тынч къулагъым.
  • Къарнынг бла ёч алма.
  • Ач бёрюге мекям джокъ.
  • Эл бла кёргенинг эрелей.
  • Эл элде бирер малынг болгъандан эсе, бирер тенгинг болсун.
  • Терслик кетер, тюзлюк джетер.
  • Окъуу – билимни ачхычы, окъуу – дунияны бачхычы.
  • Эри аманны, къатыны – аман.
  • Зар адам ашынгы ашар, кесинги сатар.
  • Джарлы тюеге минсе да, ит къабар.
  • Къарт айтханны этмеген, къартаймаз.
  • Насыблыны баласы кюн кюнден да баш болур, насыбсызны баласы, кюн кюнден да джаш болур.
  • Сескекли кесин билдирир.
  • Мал ёлсе, сюек къалыр, адам ёлсе, иши къалыр.
  • Байдан умут эте, джарлыдан ёгюз багъасы къорады.
  • Байлыкъ адамны сокъур этер.
  • Кюлме джашха – келир башха.

 

Страницы: 1 2 3 След.
RSS
ЭЛЕКТРОН БИБЛИОТЕКАНЫ ЮСЮНДЕН
 
Къарачай-Малкъар электрон библиотеканы джыйыу - бек керекли иш болгъанын къайтарыб айтыр кереклиси джокъду. Къагъыт китабланы электрон кебге къуюб, джарашдырыб, кютюпханеге салыу - къыйын ишди. Алай а, бу сууаблы ишни этгенлеге бир айтырым барды.

Бизни халкъгъа къаршчы ётюрюк, джалгъан дау, хылымылы зат айтылгъан джерлери да болуучандыла китабланы. Аны себебли, китабланы электрон библиотекагъа салырдан алгъа, алада джазылгъанны окъургъа, тинтерге керекди. Аллай джерлерин къысхартыб, алай салсакъ иги болур, ансы терс джазылгъанны мингле, миллионла окъурча этгенден хайыр болмаз. Игилик этебиз деб, аманлыкъ этиб къоймайыкъ.
 
Аллай джерлерин къысхартыб, алай салсакъ иги болур

Сора тутуб китабны бир джарын салыб, башхасын къалай къысхарта турлукъбуз? Бу халда чырт салмагъан игирек тюлмюдю?
 
sama

Китаб не да чыгъарма ёресине бизге къаршчы джазылгъан эсе - аны салмазгъа керекди. Алай а, кёбюсю тюз джазылыб, бир-бир джерлери халкъны тарихине, сыйына, намысына къатыла эселе - алайларын къысхартыргъа, "купюра" этерге эркинбиз. (купюра - сокращение литературного, научного произведения или произведения искусства из цензурных или иных соображений).
 
Sabr
Кесим тюбегенме аллай затха, мени кёлюме да аллай зат болса, китабны салмай къояргъа тыйыншлы болур, деб келеди.
 
Девушка Гор

Китабны библиотекагъа салмай къойгъандан тынчы джокъду. Башха мадар джокъ эсе - алай этерге керек болур.

Ёзге, бир-эки чапрагъы ючюн бютеу китабны харам этиу да тюз болмаз.
Айтханымча, купюрала этилиб, салынса иги боллукъ эди.

Башха джол да барды. Бир иги историк, сёз ючюн Кипкеланы Зарема, бу ишге къошулса, аны комментарийлери бла тарих китабланы къысхартмай, тургъанларыча библиотекагъа салынсала да, хата болмаз эди.

Алай болса да, табыча, къолугъуздан келгенча, этериксиз. Мен къоркъуууму айтдым - ишни этерик а сизсиз да, Аллах болушсун.
 
Sabr
Китабны библиотекагъа салмай къойгъандан тынчы джокъду.
Тюз айтасыз, алай а, салмай къоймайыкъ деб, мадарла излей турабыз.
 
всё же я думаю что словосочетание "ЭЛЕКТРОН БИБЛИОТЕКАНЫ....." не правильное..

следовало бы так: ЭЛЕКТРОННЫЙ БИБЛИОТЕКАНЫ....
 
китаб джангы болса аны чыгъаргъан адамгъа сормай салыргъа мадар джокъду, аны разылыгъы керекди. Андан сора китабны ичинде джазылгъан затлада бизге заран джетдирирча джазма болса аны кетериргеда иесинден разылыкъ алыргъа керекди.
 
не важно

Къарачай тюрк тилни джорукъларына кёре джазсакъ, тюзю "ЭЛЕКТРОН КЮТЮПХАНЕ" не да "ЭЛЕКТРОН БИБЛИОТЕКА" боллукъду. Ал сёзню тамыры алыныб, экинчи сёз анга къошулуб къалады. Сёз ючюн, тенглешдир: Советская власть - Совет власть, Коммунистическая партия - Коммунист партия, Герой Советского Союза - Совет Союзну Джигити, Международная Тюркская Академия - Миллетлеарасы Тюрк Академия.
 
Джарамаз китабны тюрлендирирге, аны кёрюрле, кюлюрле да турурла бизге, алай этдиле деб.
 
Пилигрим

Тюз айтаса. Алай а, "авторское право" къыйынлыкъгъа джете тебресе, иш бек акъырын барлыкъды. Авторланы табыб, ала бла келишгинчи - заман кетерикди. Ёзге, джорукъну бузмазгъа излей эсек - келишиу джол бла барыргъа керек болур. Алай болса да, бу затдан хапарлы бир юрист консультация берсе, артыкъ болмаз.
 
Azamat_SPb
"Джарамаз китабны тюрлендирирге, аны кёрюрле, кюлюрле да турурла бизге, алай этдиле деб".

Джукъ айтханлагъа джууаб эте барырбыз. Ётюрюкню кесибиз тиражировать этмейик ансы.
Китабланы хылымылы джерлерин купюра этиб, къысхартыб чыгъарыу, бола келген адетди. Алийланы Умарны "Къарачай" деген китабын илму-излем институт да алай къысхартыб чыгъаргъанды.
 
Sabr

бек сау болугуз.. учимся..
 
Sabr
Хоншуларыбыз, бир китабны джангыдан басмалагъан эдиле алгъаракъ, революциягъа дери чыкъгъан эди биринчи кере, бир оруслу аскерчини мемуарлары болур эди дейме. Джаратмагъан джерленин кетерген этген эдиле. Аны кёрюб бизни илмучула алагъа кюлюб тургъан эдиле, кетерген затларын да кёргюзтюб. Аны да юлгюлгюге келтириб алай этиб битеу тарихлерин да алай къурайдыла деб. Бизге да алай айтырыкъдыла ол заманда.
 
Azamat_SPb

Охо да, бизге аман айтылгъан китабланы бир джанына сала (ала алай кёб да болмазла), тюзю джазылгъан китабланы да библиотекагъа сала бир барайыкъ. Къолайсыз китаблагъа да бир оноу болур, аланы къалай хайырландырыргъа кереклисине да бир сагъыш этейик.
 
Девушка Гор

1.Ол сен хазырлагъан китаб бек керекли китабды. Аны библиотекагъа къалай салыныргъа боллугъуна дагъыда бир джол. Китабны бир автор джазмагъанды. Анда бёлюмлени тюрлю-тюрлю авторла джазгъандыла. Аны себебли, статьяланы башха-башха кеслерин салыб барыргъа боллукъду библиотекагъа. Сёз ючюн, культурабызны юсюнден Лайпанланы Хамид бла Дудаланы Махмуд джазадыла - аланы ол тинтиулери башха салынады да къалады. Къалгъанла да алай. Осал джазылгъан статья да, автору да бир джанында къаладыла.

2. Сканировать этерге кёб китаб бар эсе, халкъгъа бегирек кереклиле алгъа хазырлансала. "Карачаевцы. Выселение и возвращение (1943-1957). Материалы и документы" деген китаб бармыды сизде? Аны республикан комиссия хазырлаб, 1993-чю джыл чыгъаргъан эди. Ол бек магъаналы китабды. Аны табыб, кютюпханеге салалсагъыз, бек уллу иш этерик эдигиз.
 
Sabr
Аны себебли, статьяланы башха-башха кеслерин салыб барыргъа боллукъду библиотекагъа.
Къарайым бюгюн.
"Карачаевцы. Выселение и возвращение (1943-1957). Материалы и документы" деген китаб бармыды сизде?
Барды. бюгюн огъуна сканировать этиб башлайым
Темагъызны "ана тилибизде" деген разделге кёчюреим
 
Девушка Гор

САУ БОЛ!!!
 
Sabr

Энди ол ишде терс зат этмезге керекбиз. Мундан алда мен бир китабны сканировать этиб www/karachaevsk.info сайтха салыргъа излегенимда иеси бир кесек туркълаб салырсыз, бусагъатда салыб къоймагъыз деб тилегенеди. Биллик тюлбюз иги иш этдикми, огъесе заран салдыкъмы адамъа. Юрист бизге ол ишни юсюнде болушлмаз. Биз кесибизни джазыучуларыбызбла юристлени юслерибла селеше тебресек иги иш этмезбиз. ол алай кеб заман аллыкъ болмаз деб келеди келюме. Аллах бергенча телефонла бардыла, звонить этиб разылыкъ ала турсакъ кесибизгеда сый, аланыда келлери иги болур.
 
КЁЛЮМЕ КЕЛГЕН дагъыда бир зат.

Китабланы электрон библиотекагъа салгъан сагъатда, китаблары бла бирге авторланы биографиялары, библиографиялары да салына барса иги боллукъ эди. Бир къауум китабны кесинде авторну юсюнден джазылады. Бир-бир китаблада джазылмайды. Джарашдыргъанлагъа бираз иш къошулса да, окъуучула разы боллукъ эдиле.
 
Sabr
Тюз айтасыз. Алай а, бир-бир авторланы юслеринден информация табхан алай тынч боллукъ болмазмы? Эски китабланы авторларыны юсюнден артыкъсыз да Къалай дейсиз?
 
Девушка Гор

Табылгъан салына барса. Табалмагъаныгъызны "быллай автордан хапарлы бармысыз?" деб, былайда джазсагъыз, болушурукъ бир адам чыгъыб къалыр. Мен да билгеними айтырма. Алай эте, иш тюзелиб кетер.
 
Sabr
Авторланы юсюнден къалайда джазылса тыйыншлы болур? Китабны ичине салыргъамы керекди?
 
и менге бир англатыгъыз...нек айтылады ана тилибизде деб?ата тилибиз деб нек айтылмайды...
аналаны сыйы теппемдеди...сейир болуб сорама.
 
Azamat_SPb
Cалам Азамат! Энди сен айтхандада барды тюзлюк, хапар джокъду. Алайя хоншуларыбыз "стратегия" бла тюз этедиле, кеслерида бу джолну эртде айыргъандыла. Нек десенг?! Сёз ючюн биринчи Минги Таугъа ким мингенин алсанг: Биз къарачайлы Хыйса биринчиди деп кёкюрегибизге уруп, махтаным тургъанбыз; Хонлушарыбыза ол заманда хар табылгъан жерде юйню хунасындан башлап китаблагъа дери Ол къабарты деп жазып тургъандыла, кюлкюлюк да болгъандыла ол заманда, айблы да болгъандыла. Щёндюгю заманда уа кесинг кёресе ол соруу не ары не бери болмай турады. Тыш адам тюзюн билеме десе 90% жерде Хыйса къабарты деп жазылып.....а сени-мени сёзюме киши ийнаныргъа излерик тюйюлдю. Ол себепден бу соруугъа терен сагъыш этерге керек болур деп келеди эсиме....
Страницы: 1 2 3 След.
Читают тему (гостей: 1)

 

Написать нам