- Ана къолу ачытмаз.
- Къонакъны къачан кетерин сорма, къачан келлигин сор.
- Къыйынлы джети элге оноу этер.
- Къонакъ хазыр болгъанлыкъгъа, къонакъбай хазыр тюлдю.
- Киштикге къанат битсе, чыпчыкъ къалмаз эди.
- Рысхы – сют юсюнде кёмюк кибикди.
- Ётюрюкчюню шагъаты – къатында.
- Кийиминг бла танылма, адамлыкъ бла таныл.
- Сагъыш – къартлыкъгъа сюйюмчю.
- Танг атмайма десе да, кюн къоярыкъ тюйюлдю.
- Элиб деген, элге болушур.
- Ашын ашагъанынгы, башын да сыйла.
- Билген билмегенни юретген адетди.
- Къаллай салам берсенг, аллай джууаб алырса.
- Игиге айтсанг – билир, аманнга айтсанг – кюлюр.
- Бозаны арты дауур болур.
- Чомартха хар кюн да байрамды.
- Уясында не кёрсе, учханында аны этер.
- Таукел тауну аудурур.
- Джигер – джаннга къыйынлыкъ.
- Кёпюр салгъан кеси ётер, уру къазгъан кеси кетер.
- Ойнай билмеген, уруб къачар.
- Адам къаллай бир ишленмесе, аллай бир кесин уллу кёреди.
- Аджал соруб келмез, келсе, къайтыб кетмез.
- Адамны артындан къара сабан сюрме.
- Акъыллы башны – тили къысха.
- Ариу сёз – джаннга азыкъ, аман сёз – башха къазыкъ.
- Рысхы – насыбха къор.
- Кёб ашасанг, татыуу чыкъмаз, кёб сёлешсенг, магъанасы чыкъмаз.
- Адам туугъан джеринде, ит тойгъан джеринде.
- Къарнынг бла ёч алма.
- Юй кюйдю да, кюйюз чыкъды, ортасындан тюйюш чыкъды.
- Джангыз терек къынгыр ёсер.
- Ата Джуртуму башы болмасам да, босагъасында ташы болайым.
- Къонакъ аман болса, къонакъбай джунчур
- Айтылгъан буйрукъ, сёгюлмез
- Бети – къучакълар, джюреги – бычакълар.
- Джерни букъусу кёкге къонмаз.
- Тёрени джагъы джокъ.
- Ишлемеген – тишлемез.
- Борчунг бар эсе, хурджунунга ойлаб узал.
- Эл тойса, тоймагъан, эл къойса, къоймагъан.
- Атынг аманнга чыкъгъандан эсе, джанынг тамагъынгдан чыкъсын.
- Бети бедерден, намыс сакълама.
- Уллу къазанда бишген эт, чий къалмаз.
- Биреуню къыйынлыгъы бла кесинге джол ишлеме.
- Шайтан алдады, тюзлюк къаргъады.
- Гугурук къычырмаса да, тангны атары къалмаз.
- Аманнга да, игиге да оноусуз къатышма.
- Бет бетге къараса, бет да джерге къарар.
ЭЛЕКТРОН БИБЛИОТЕКАНЫ ЮСЮНДЕН
20.02.2010 14:49:28
Аллай джерлерин къысхартыб, алай салсакъ иги болур
Сора тутуб китабны бир джарын салыб, башхасын къалай къысхарта турлукъбуз? Бу халда чырт салмагъан игирек тюлмюдю? |
|
|
|
20.02.2010 16:17:32
Sabr
Кесим тюбегенме аллай затха, мени кёлюме да аллай зат болса, китабны салмай къояргъа тыйыншлы болур, деб келеди. |
|
|
|
21.02.2010 01:12:48
Sabr
Китабны библиотекагъа салмай къойгъандан тынчы джокъду. Тюз айтасыз, алай а, салмай къоймайыкъ деб, мадарла излей турабыз. |
|
|
|
21.02.2010 19:31:58
всё же я думаю что словосочетание "ЭЛЕКТРОН БИБЛИОТЕКАНЫ....." не правильное..
следовало бы так: ЭЛЕКТРОННЫЙ БИБЛИОТЕКАНЫ.... |
|
|
|
22.02.2010 00:35:15
Джарамаз китабны тюрлендирирге, аны кёрюрле, кюлюрле да турурла бизге, алай этдиле деб.
|
|
|
|
22.02.2010 18:05:53
Sabr
бек сау болугуз.. учимся.. |
|
|
|
23.02.2010 16:14:51
Девушка Гор
САУ БОЛ!!! |
|
|
|
26.02.2010 15:11:17
Sabr
Тюз айтасыз. Алай а, бир-бир авторланы юслеринден информация табхан алай тынч боллукъ болмазмы? Эски китабланы авторларыны юсюнден артыкъсыз да Къалай дейсиз? |
|
|
|
26.02.2010 15:24:19
Sabr
Авторланы юсюнден къалайда джазылса тыйыншлы болур? Китабны ичине салыргъамы керекди? |
|
|
|
26.02.2010 16:00:04
и менге бир англатыгъыз...нек айтылады ана тилибизде деб?ата тилибиз деб нек айтылмайды...
аналаны сыйы теппемдеди...сейир болуб сорама. |
|
|
|
Читают тему (гостей: 1)