- Этни да ашады, бетни да ашады.
- Джангыз терек къынгыр ёсер.
- Аууздан келген, къолдан келсе, ким да патчах болур эди.
- Акъыл аздырмаз, билим тоздурмаз.
- Ёксюзню къалачы уллу кёрюнюр.
- Къарт бла баш аша, джаш бла аякъ аша.
- Байны къызы баймакъ болса да, юйде къалмаз!
- Аманны къуугъан, аманлыкъ табар.
- Экиндини кеч къылсанг, чабыб джетер ашхам.
- Ашхы адам – халкъ байлыгъы, ашхы джер – джашау байлыгъы.
- Кёзюнде тереги болгъан, чёбю болгъаннга кюле эди.
- Ёнгкюч къууана барыр, джылай келир.
- Юйлю уругъа ит чабмаз.
- Халкъны джырын джырласанг, халкъ санга эжиу этер.
- Аман къатын алгъан, арыр, иги къатын алгъан джарыр.
- Акъыллы – эл иеси, тели – эл баласы.
- Ёксюзню тилеги къабыл болур.
- Сёз садакъдан кючлюдю.
- Аз айтсам, кёб ангылагъыз.
- Биреуню эскиси биреуге джангы болмайды.
- Тёрдеги кюлсе, эшикдеги ышарыр.
- Аджалсыз ёлюм болмаз.
- Мал кёб болса, джууукъ кёб болур.
- Аллахдан тилесенг, кёб тиле.
- Къошда джокъгъа – юлюш джокъ.
- Эки ойлашыб, бир сёлешген.
- Джолда аягъынга сакъ бол, ушакъда тилинге сакъ бол.
- Уллу айтханны этмеген – уллаймаз.
- Мухардан ач ычхынмаз.
- Эркишиге тары кебек танг кёрюнюр.
- Къазанчы аман болса, къазаны къайнамаз.
- Мени джылытмагъан кюн, меннге тиймесин!
- Уллу къазанда бишген эт, чий къалмаз.
- Ачылгъан эт джабылыр, кёрген кёз унутмаз.
- Накъырданы арты керти болур.
- Адам туугъан джеринде, ит тойгъан джеринде.
- Джылкъыдан – ат чыгъар, тукъумдан – джаш чыгъар.
- Айраннга суу къош, телиге джол бош.
- Бойнуму джети джерден кессенг да, мен ол ишни этеллик тюлме.
- Къонакъ болсанг, ийнакъ бол.
- Аш берме да, къаш бер.
- Джигер – джаннга къыйынлыкъ.
- Ойнай-ойнай кёз чыгъар.
- Гугук кесини атын айтыб къычыргъанча, мен, мен деб нек тураса?
- Джаш къарыу бла кючлю, къарт акъыл бла кючлю.
- Тили узунну, намысы – къысха.
- Къонакъ кёб келюучю юйню, къазаны отдан тюшмез.
- Къуллукъчума, деб махтанма, къуллукъ – хаух джамчыды!
- Эм ашхы къайын ана мамукъ бла башынгы тешер.
- Айран тёгюлсе, джугъусу къалыр.
ЭЛЕКТРОН БИБЛИОТЕКАНЫ ЮСЮНДЕН
20.02.2010 14:49:28
Аллай джерлерин къысхартыб, алай салсакъ иги болур
Сора тутуб китабны бир джарын салыб, башхасын къалай къысхарта турлукъбуз? Бу халда чырт салмагъан игирек тюлмюдю? |
|
|
|
20.02.2010 16:17:32
Sabr
Кесим тюбегенме аллай затха, мени кёлюме да аллай зат болса, китабны салмай къояргъа тыйыншлы болур, деб келеди. |
|
|
|
21.02.2010 01:12:48
Sabr
Китабны библиотекагъа салмай къойгъандан тынчы джокъду. Тюз айтасыз, алай а, салмай къоймайыкъ деб, мадарла излей турабыз. |
|
|
|
21.02.2010 19:31:58
всё же я думаю что словосочетание "ЭЛЕКТРОН БИБЛИОТЕКАНЫ....." не правильное..
следовало бы так: ЭЛЕКТРОННЫЙ БИБЛИОТЕКАНЫ.... |
|
|
|
22.02.2010 00:35:15
Джарамаз китабны тюрлендирирге, аны кёрюрле, кюлюрле да турурла бизге, алай этдиле деб.
|
|
|
|
22.02.2010 18:05:53
Sabr
бек сау болугуз.. учимся.. |
|
|
|
23.02.2010 16:14:51
Девушка Гор
САУ БОЛ!!! |
|
|
|
26.02.2010 15:11:17
Sabr
Тюз айтасыз. Алай а, бир-бир авторланы юслеринден информация табхан алай тынч боллукъ болмазмы? Эски китабланы авторларыны юсюнден артыкъсыз да Къалай дейсиз? |
|
|
|
26.02.2010 15:24:19
Sabr
Авторланы юсюнден къалайда джазылса тыйыншлы болур? Китабны ичине салыргъамы керекди? |
|
|
|
26.02.2010 16:00:04
и менге бир англатыгъыз...нек айтылады ана тилибизде деб?ата тилибиз деб нек айтылмайды...
аналаны сыйы теппемдеди...сейир болуб сорама. |
|
|
|
Читают тему (гостей: 1)