- Джаралыны джастыгъында сау ёлюр.
- Аш берме да, къаш бер.
- Ата – баланы уясы.
- Бал чибинни ургъаны – ачы, балы – татлы.
- Кимни – тили, тиши онглу, кимни – къолу, иши онглу.
- Суугъа – таянма, джаугъа – ийнанма.
- Джети тилни билген джети кишиди.
- Сыфатында болмагъаны, суратында болмаз.
- Тилчи бир сагъатха айлыкъ хата этер.
- Халкъны джырын джырласанг, халкъ санга эжиу этер.
- Билим насыб берир, билим джолну керир.
- Ана къолу ачытмаз.
- Ата – билек, ана – джюрек!
- Джырчы джырчыгъа – къарнаш.
- Чоюнну башы ачыкъ болса, итге уят керекди.
- Тойгъанлыкъ къойгъа джарашады.
- Кесинг сынамагъан затны, адамгъа буюрма.
- Эл ауузу – элек, анга ийнаннган – халек.
- Джашлыкъ этмеген, башлыкъ этмез.
- Акъыл неден да кючлюдю.
- Иги бла джюрюсенг, джетерсе муратынга, аман бла джюрюсенг, къалырса уятха.
- Ёлюк кебинсиз къалмаз.
- Ёгюзню мюйюзюнден тутадыла, адамны сёзюнден тутадыла.
- Хар адамгъа кеси миннген тау кибик.
- Кёпюр салгъан кеси ётер, уру къазгъан кеси кетер.
- Абынмазлыкъ аякъ джокъ, джангылмазлыкъ джаякъ джокъ.
- Къыз тиширыу кеси юйюнде да къонакъды.
- Урунуу – насыбны анасы.
- Къралынгы – душмандан, башынгы от бла суудан сакъла.
- Эри аманны, къатыны – аман.
- Ач уят къоймаз.
- Билеги кючлю, бирни джыгъар, билими кючлю, мингни джыгъар.
- Къайгъыны сюйген, къайгъы табар.
- Эки элинги тыйсанг, джети элде махталырса.
- Бозанг болмагъан джерге, къалагъынгы сукъма.
- Кесинге джетмегенни, кёб сёлешме.
- Аман адам элни бир-бирине джау этер.
- Къарнынг ауруса, ауузунгу тый
- Магъанасыз сёз – тауушсуз сыбызгъы.
- Къызны минг тилер, бир алыр.
- Аман къатын сабий табса, бий болур…
- Джаш къарыу бла кючлю, къарт акъыл бла кючлю.
- Ашатыргъа иш – ашхы, ишлетирге аш – ашхы.
- Биреуге кёлтюрген таягъынг, кесинги башынга урур.
- Ата джурт – алтын бешик.
- Ашда – бёрю, ишде – ёлю.
- Таукел тауну аудурур.
- Телини эшигин, махтау джабар.
- Джумушакъ сёз къаты таякъны сындырыр.
- Аурууну келиую тынч, кетиую – къыйын.
ЭЛЕКТРОН БИБЛИОТЕКАНЫ ЮСЮНДЕН
20.02.2010 14:49:28
Аллай джерлерин къысхартыб, алай салсакъ иги болур
Сора тутуб китабны бир джарын салыб, башхасын къалай къысхарта турлукъбуз? Бу халда чырт салмагъан игирек тюлмюдю? |
|
|
|
20.02.2010 16:17:32
Sabr
Кесим тюбегенме аллай затха, мени кёлюме да аллай зат болса, китабны салмай къояргъа тыйыншлы болур, деб келеди. |
|
|
|
21.02.2010 01:12:48
Sabr
Китабны библиотекагъа салмай къойгъандан тынчы джокъду. Тюз айтасыз, алай а, салмай къоймайыкъ деб, мадарла излей турабыз. |
|
|
|
21.02.2010 19:31:58
всё же я думаю что словосочетание "ЭЛЕКТРОН БИБЛИОТЕКАНЫ....." не правильное..
следовало бы так: ЭЛЕКТРОННЫЙ БИБЛИОТЕКАНЫ.... |
|
|
|
22.02.2010 00:35:15
Джарамаз китабны тюрлендирирге, аны кёрюрле, кюлюрле да турурла бизге, алай этдиле деб.
|
|
|
|
22.02.2010 18:05:53
Sabr
бек сау болугуз.. учимся.. |
|
|
|
23.02.2010 16:14:51
Девушка Гор
САУ БОЛ!!! |
|
|
|
26.02.2010 15:11:17
Sabr
Тюз айтасыз. Алай а, бир-бир авторланы юслеринден информация табхан алай тынч боллукъ болмазмы? Эски китабланы авторларыны юсюнден артыкъсыз да Къалай дейсиз? |
|
|
|
26.02.2010 15:24:19
Sabr
Авторланы юсюнден къалайда джазылса тыйыншлы болур? Китабны ичине салыргъамы керекди? |
|
|
|
26.02.2010 16:00:04
и менге бир англатыгъыз...нек айтылады ана тилибизде деб?ата тилибиз деб нек айтылмайды...
аналаны сыйы теппемдеди...сейир болуб сорама. |
|
|
|
Читают тему (гостей: 1)