- Аз сёлеш, кёб ишле.
- Халкъны юйю – туугъан джери.
- Ач бёрюге мекям джокъ.
- Къонакъны къачан кетерин сорма, къачан келлигин сор.
- Агъач халкъгъа алтынды, иссиликге салкъынды.
- Аман адамны тепсинге олтуртсанг, къызынгы тилер.
- Кёб джат да, бек чаб.
- Сакъламагъан затынга джолукъсанг, не бек къууанаса, не бек ачыйса.
- Кийим тукъум сордурур.
- Сабий кёргенин унутмаз.
- Ашарыкъда сайлагъаннга – чий гырджын.
- Къайгъы тюбю – тенгиз.
- Таукелге нюр джауар.
- Башланнган иш битер, къымылдагъан тиш тюшер.
- Бастасын ашагъан, хантусун да ичер.
- Накъырданы арты керти болур.
- Джашны джигитлиги сорулур, къызны джигерлиги сорулур.
- Алтыннга тот къонмаз.
- Къазанчы аман болса, къазаны къайнамаз.
- Аз сёлешген, къайгъысыз турур.
- Ауругъанны сау билмез, ач къарынны токъ билмез.
- Тин – байлыгъынг, терен саулугъунг.
- Айырылгъанланы айю ашар, бёлюннгенлени бёрю ашар.
- Ашхы тенг джолгъа салыр, аман тенг джолдан тайдырыр.
- Ариу джол аджал келтирмез.
- Байлыкъдан саулукъ ашхыды.
- Кютгени беш эчки, сызгъыргъаны уа, джерни джарады.
- Уллу атлама – абынырса, уллу къабма – къарылырса.
- Нарт сёз къарт болмаз.
- Эл тойса, тоймагъан, эл къойса, къоймагъан.
- Рысхы – сют юсюнде кёмюк кибикди.
- Къазанны башы ачыкъ болса, итге уят керекди.
- Кёб джашагъан – кёб билир.
- Чакъырылмагъан къонакъ – орунсуз.
- Орундукъ тюбюнде атылсам да, орта джиликме, де да айлан.
- Ётюрюкню башын керти кесер.
- Гугурук къычырмаса да, тангны атары къалмаз.
- Къумурсхала джыйылсала, пилни да джыгъадыла.
- Адамны сыфатына къарама, сёзюне къара.
- Джауумдан сора, кюн кюйдюрюр, ётюрюкден сора, айыб кюйдюрюр.
- Чабакъсыз кёлге къармакъ салгъанлыкъгъа, чабакъ тутмазса.
- Аманны эки битли тону болур, бирин сеннге кийдирир, бирин кеси киер.
- Бюгюн дуния кибик, тамбла ахыратды.
- Акъыл сабырлыкъ берир.
- Эркишини аманы тиширыуну джылатыр.
- Эри аманны, къатыны – аман.
- Урама да – ёледи, сатама да – келеди.
- Юй ишлеген балта эшикде къалыр.
- Магъанасыз сёз – тауушсуз сыбызгъы.
- Къартха ушагъан джаш – акъыллы, джашха ушагъан къарт – тели.
ЭЛЕКТРОН БИБЛИОТЕКАНЫ ЮСЮНДЕН
20.02.2010 14:49:28
Аллай джерлерин къысхартыб, алай салсакъ иги болур
Сора тутуб китабны бир джарын салыб, башхасын къалай къысхарта турлукъбуз? Бу халда чырт салмагъан игирек тюлмюдю? |
|
|
|
20.02.2010 16:17:32
Sabr
Кесим тюбегенме аллай затха, мени кёлюме да аллай зат болса, китабны салмай къояргъа тыйыншлы болур, деб келеди. |
|
|
|
21.02.2010 01:12:48
Sabr
Китабны библиотекагъа салмай къойгъандан тынчы джокъду. Тюз айтасыз, алай а, салмай къоймайыкъ деб, мадарла излей турабыз. |
|
|
|
21.02.2010 19:31:58
всё же я думаю что словосочетание "ЭЛЕКТРОН БИБЛИОТЕКАНЫ....." не правильное..
следовало бы так: ЭЛЕКТРОННЫЙ БИБЛИОТЕКАНЫ.... |
|
|
|
22.02.2010 00:35:15
Джарамаз китабны тюрлендирирге, аны кёрюрле, кюлюрле да турурла бизге, алай этдиле деб.
|
|
|
|
22.02.2010 18:05:53
Sabr
бек сау болугуз.. учимся.. |
|
|
|
23.02.2010 16:14:51
Девушка Гор
САУ БОЛ!!! |
|
|
|
26.02.2010 15:11:17
Sabr
Тюз айтасыз. Алай а, бир-бир авторланы юслеринден информация табхан алай тынч боллукъ болмазмы? Эски китабланы авторларыны юсюнден артыкъсыз да Къалай дейсиз? |
|
|
|
26.02.2010 15:24:19
Sabr
Авторланы юсюнден къалайда джазылса тыйыншлы болур? Китабны ичине салыргъамы керекди? |
|
|
|
26.02.2010 16:00:04
и менге бир англатыгъыз...нек айтылады ана тилибизде деб?ата тилибиз деб нек айтылмайды...
аналаны сыйы теппемдеди...сейир болуб сорама. |
|
|
|
Читают тему (гостей: 1)