Войти на сайт
26 Апреля 2024 года

 

  • Биреу къой излей, биреу той излей.
  • Джолунга кёре – джюрюшюнг, джагъанга кёре – юлюшюнг.
  • Кёзюнде тереги болгъан, чёбю болгъаннга кюле эди.
  • Ачыу алгъа келсе, акъыл артха къалады.
  • Таш бла ургъанны, аш бла ур.
  • Насыблы элин сюер, насыбсыз кесин сюер.
  • Ёлмесенг да, къарт дамы болмазса?
  • Аз айтсам, кёб ангылагъыз.
  • Кёзню ачылгъаны – иги, ауузну джабылгъаны – иги.
  • Атлыны кёрсе, джаяуну буту талыр.
  • Онгсузну – джакъла, тенгликни – сакъла.
  • Ётюрюк хапар аякъ тюбю бла джюрюйдю.
  • Джангыз торгъай джырламаз.
  • Душманны тышы – акъ, ичи – къара.
  • Байны оноуу, джарлыгъа джарамаз.
  • Джылар джаш, атасыны сакъалы бла ойнар.
  • Кёб къычыргъандан – къоркъма, тынч олтургъандан – къоркъ.
  • Айырылмаз джууугъунга, унутмаз сёзню айтма.
  • Керилген да, ургъан кибикди.
  • Гыдай эчки суугъа къараб, мюйюзле кёрмесе, джашма алкъын, дегенди.
  • Тюзлюк тас болмайды.
  • Тойгъа барсанг, тоюб бар, эски тонунгу къоюб бар.
  • Ана къолу ачытмаз.
  • Гырджын – тепсини тамадасы.
  • Къоркъакъны кёзю экили кёрюр.
  • Джарлыны эшигин махтагъан джабар.
  • Орундукъ тюбюнде атылсам да, орта джиликме, де да айлан.
  • Джыйырма къойну юч джыйырма эбзе кюте эди.
  • Аджалсыз ёлюм болмаз.
  • Тойчу джашха къарама, къойчу джашха къара.
  • Тил – кесген бычакъ, сёз – атылгъан окъ.
  • Башсыз урчукъ тюзюне айланмаз.
  • Сакъ юйюне сау барыр.
  • Телини эшигин, махтау джабар.
  • Джетген къыз джерли эшекни танымаз.
  • Ашына кёре табагъы, балына кёре къалагъы.
  • Юйлю уругъа ит чабмаз.
  • Байлыкъ келсе, акъыл кетер.
  • Къартны бурнун сюрт да, оноугъа тут.
  • Сагъыш – къартлыкъгъа сюйюмчю.
  • Чарсда алчыны эл кёреди.
  • Иши джокъну, сыйы джокъ.
  • Ач къарынны, токъ билмез
  • Билеги кючлю, бирни джыгъар, билими кючлю, мингни джыгъар.
  • Ана къойну – балагъа джандет.
  • Къар – келтирди, суу – элтди.
  • Ёгюзню мюйюзюнден тутадыла, адамны сёзюнден тутадыла.
  • Къанны къан бла джуума, аманны аман бла къуума.
  • Игилик игилик бла сингдирилиучю затды.
  • Татлы сёз – балдан татлы.

 

Архив Форума » Зеленый Форум [архив] » - ЗФ - Ана тилибизде
Страницы: Пред. 1 2 3 След.
RSS
ЭЛЕКТРОН БИБЛИОТЕКАНЫ ЮСЮНДЕН
 
#26
Джаратама0
26.02.2010 16:10:53
 
 
 
#27
Джаратама0
26.02.2010 16:27:33
Девушка Гор

Эльбрусоидни библиотекасында авторну сураты бла ёзданы (биографиясы, библиографиясы) салынырча джер кёрмейме. Аны себебли "Сведения об авторе" китабны ичинде, эм аллында салынса боллукъ болур.

Бир сорууум да барды. Джуртубаевни " ...О полку Игореве" китабын окъургъа излеб, тиекден бассам - Бадаховну китабы чыгъады. Аны къалай ангыларгъа, тюзетирге боллукъду?
 
 
 
#28
Джаратама0
26.02.2010 16:37:40
сейир къарачай
"и меннге бир англатыгъыз...нек айтылады ана тилибиз деб? ата тилибиз деб нек айтылмайды..."

Бизде ёмюрледен бери да родной языкга - Ана тил, родинагъа да - Ата джурт дейдиле. Ингилизде да, Норвегияда да "ана тил" дейдиле.
Эшта, сабийге тил анадан кёчгени ючюн айтылгъан болур Ана тил деб. Алгъын заманлада, эркишиле хазна юйде болмагъандыла, сабийлени аякъландыргъан, тилге юретген да аналары болгъанды. Аны ючюн айтылыб къалгъан болур Ана тил деб. Мен ангылагъан алайды.
 
 
 
#29
Джаратама0
26.02.2010 16:38:56
Sabr
Айтханыгъыз тюздю, сау болугъуз.
Бусагъатда, кёбюсюнде интернетде салыныб табылгъан китабла салына турадыла да, анда, къалай табылгъаны болса, алай салыныб къаладыла.
Табылгъаннга кёре, форумда да болушсала, бек иги боллукъ эди, авторланы суратлары да, биографиялары да эм башха керекли затла да къошулсала. Бусагъатда библиотеканы программасында салыр джер табаргъа къыйынракъды, алай, Аллах айтыб, джангы портал болуб ары кёчюрюлсе библиотека, анда хар кереги да боллукъду. Ол себебден, бусагъатда джыйыла турса, джангы порталда къошуб къояргъа боллукъду амал.
 
 
 
#30
Джаратама0
26.02.2010 16:45:17
Sabr
Бир сорууум да барды. Джуртубаевни " ...О полку Игореве" китабын окъургъа излеб, тиекден бассам - Бадаховну китабы чыгъады. Аны къалай ангыларгъа, тюзетирге боллукъду?
терс салыныб тура эди, тюзетдим.
 
 
 
#31
Джаратама0
26.02.2010 16:48:11
EL_HALED
Аллейкум салам.
Сен келтирген юлгюде, тюз ангылагъан эсем, ала джазылгъан китабланы тюземей эдиле да? Кеслери джаза эдиле джангы китабла алайды деб.
 
 
 
#32
Джаратама0
26.02.2010 18:18:39
Azamat_SPb
Айтханым кюлгенни юсюнденди ол алгъаракъ жазылгъан затлагъа.
 
 
 
#33
Джаратама0
23.04.2010 01:31:34
КИТАБЛА БИБЛИОТЕКАГЪА САЛЫННГАН САГЪАТДА...

Электрон библиотекагъа салыннган китаблагъа къарай келгенме да, бир-бирлеринде бир кемлик кёргенме: китабны тексти салыныб, аллында, ахырында салыныучу белгиле кёргюзтюлмей къаладыла. Сёз ючюн, Джырчы Сымайылны сайлама чыгъармаларындан къуралгъанг"Джырла бла назмула" деген китабы. Ким джарашдыргъаны, ким чыгъаргъаны, къайда, не заманда чыкъгъаны, ISBN номери - бир заты да салынмагъанды. Аны себебли ол китабны библиотекалада къалай излерге да билмей къаллыкъды окъуучу.

Китабланы сканировать этиб, электрон библиотекагъа тюшюрген сагъатда, быллай кемликлени иймезге керекбиз.
 
 
 
#34
Джаратама0
23.04.2010 01:51:54
Sabr
анга эс бурабыз. Алай, бир бир китабла интернетде табылыб салыннгандыла да, аны ючюндю алай.
 
 
 
#35
Джаратама0
23.04.2010 03:54:22
Девушка Гор

"Соргъанны айыбы джокъду" дегенлей:
"Карачаевцы. Выселение и возвращение (1943-1957). Материалы и документы" деген китабны сканировать эталамысыз, алгъаракъда айтханыгъызча, огъесе таблыкъ тюшмеймиди?
 
 
 
#36
Джаратама0
06.08.2010 00:36:03
Бир сорууум барды, джууаб эталлыкъ бар эсе.

Электрон библиотекагъа салыргъа къарачай китабланы къалай джарашдырасыз: сканироватьмы этесиз, огъесе, джангыдан басмагъамы урасыз (набиратьмы этесиз?). Сёз ючюн, Джырчы Сымайылны китабын сканировать этибми салгъансыз, огъесе набиратьмы этгенсиз?

Къарачай текстлени мен сканировать этсем, дуния бла бир халат болады. Къарачай алфавитни, сёзлени распознавать этген бир программа бармыды? Джокъ эсе, аллай бир программа джарашдыраллыкъ уста джокъмуду экен? Бек керекли затды да. Аллай бир программа болса, ишибиз он къатха дженгил барлыкъ эди.
 
 
 
#37
Джаратама0
06.08.2010 02:34:44
Sabr
Суратлары бар эсе китабны фотошоп деген программа бла сканировать этеме. Алай болмаса уа...халат кёб болса да, сканировать этгенден сора тюзетеме.
 
 
 
#38
Джаратама0
26.08.2010 06:49:10
Назму джазгъанлагъа, джазаргъа излегенлеге да ДЕРС КИТАБ


Халкъыбызны уллу поэти, онглу публицисти Бегийланы Абдуллах аламат китаб джазгъанды. Аты: "Бармакъ ызларым".
Бизни поэзияны джетишимлерин, кемликлерин да алай уста кёргюзгенди - неге сейирсинирге да билмей къаласа: тилибизни байлыгъынамы, Абдуллахны фахмусунамы?

Бу китаб джаш назмучулагъа артыкъ да хайырлы боллукъду.
Малкъар поэзияда бюгюнлюкде силлабо-тоника джорукъ бегигеннге ушай эсе, Къарачайда анга алкъын джууукълашхан да этмегендиле. Аны себебли, китаб Малкъардан эсе, Къарачай джанына керек эди. Не медет, тиражы 500 экз. болгъаны себебли, китабны табхан къыйынды.

Аны себебли: Малкъар джаны китабны электрон кютюпханеге тюшерча этселе - аны бла кёбле хайырланыргъа боллукъдула. Артыкъсыз да ана тилибизде назму джазгъанла, джазаргъа излегенле къууанныкъдыла анга.
 
 
 
#39
Джаратама0
26.08.2010 07:56:01
Bir soruwum bardı, cuwab etallıq bar ese.

Elektron bibliotekaga salırga qaraçay kitablanı qalay caraşdırasız: skanirovatmı etesiz, ogese, cañıdan basmagamı urasız (nabiratmı etesiz?). Söz üçün, Cırçı Sımayılnı kitabın skanirovat etibmi salgansız, ogese nabiratmı etgensiz?

Qaraçay tekstleni men skanirovat etsem, duniya bla bir halat boladı. Qaraçay alfavitni, sözleni raspoznavat etgen bir programma barmıdı? Coq ese, allay bir programma caraşdırallıq usta coqmudu eken? Bek kerekli zatdı da. Allay bir programma bolsa, işibiz on qatha ceñil barlıq edi.

Салам Сабр,
Кeсимe джараулу аматор програм eтeргe кюрeшeмe. кeси аллыма юрeниргe кюрeшип. java scriptle кeсимe джараулу карачай тилдe рус харфлeблe джазылган джазыуланы тюрк харфлeгe кёчюргeн програмчык кураганма, бeк аматор болса да ишгe джарайды. "КЪарачай тeкстлeни мeн сканироват eтсeм, дуния бла бир халат болады." Халат болган харфлeни джeринe кайсыланы (тюз) кeлирин джазсанг, бир кёрюрeм. бу харфни джeринe бу кeлиргe кeрeгьeди дeп. О заман дуния бла бир халат тюзeлтилирчeесe тюзeлтирeк.
 
 
 
#40
Джаратама0
27.08.2010 04:34:48
Tilmek
Салам!

Харифледе тюлдю иш. Орус тилни англагъан программа, къарачай тилни англаялмайды. Орус текстни халатсыз этеди да, орус харифле бла джазылгъан къарачай текстни уа къатышдырыб къояды. Ангылатала болмам, бу компьюетр программаладан хапарлы тюлме да.

Сёз ючюн: карачаевский народ живет в горах. Халатсыз сканировать этиледи. Къарачай халкъ таулада джашайды - дегенлей а, къатышыб къалады. Ма аны ангылаялмайма.
 
 
 
#41
Джаратама0
27.08.2010 07:54:51
Сабр
Салам!

" Къарачай халкъ таулада джашайды " сканироват eтилгeниндe, катышады дeгьeнeнг. ???? дeгьeнчe ми катышып калады, огeсe &$таНП дeгьeнчe хар бир орус кирил харфгe тюрлю тюрлю харфлe сигн'ла мы бeрeди.
сканироват eтилгeндeн сонракы катышып калган нeесe ол copy eтилип ийиликчe миди? бир карарeк. сканироват eтилгeндeн соракы халатла тюзeлтиликчe миди бир кёрюрeк.
 
 
 
#42
Джаратама0
13.10.2010 04:58:30
Эльбрусоидни библиотекасына къарагъан джууаблы адам бармыды?

"Дудаланы Асланбекни 100 джыллыгъына. Лайпанов Н-М.О.
История, этнография". Бу терсди - Асланбекни тюл, Махмудну 100-джыллыгъыды (Асланбек а Махмудну атасыды).

Былайда джиберилген халатны амалсыз тюзетирге керекди. Тюзю былайды:

"Дудаланы Махмудну 100-джыллыгъына. Лайпанланы Н-М.О.
История, этнография".
 
 
 
#43
Джаратама0
13.10.2010 15:12:22
Sabr
Эльбрусоидни библиотекасына къарагъан джууаблы адам бармыды?

бир къауум адам болабыз:

Azamat_SPb
sama
Девушка Гор
сора мен

сау болугъуз, халатны тюзетдим

Azamat_SPb
Азамат, проблема та же хазыр материалланы салалмайма библиотекагъа...
 
 
 
#44
Джаратама0
13.10.2010 18:52:59
Azamat_SPb, Sama, Девушка Гор, Мираж!

Мен кютюпханеде (библиотекада) эслеген халатларымы айта барайым, сиз да мадаргъа кёре тюзете барырсыз.

"Минги Тау, стихи. Семенов Исмаил (Джырчи Сымаил)". Терсди. Былай салыныб турады библиотекагъа. Ким сканировать этгенин билмейме, алай а, не ал сёз, не ISBN номери, не ким чыгъаргъаны салынмагъанды. Китабны 1992 джыл мен чыгъаргъаным себебли, анга джууаблыгъа да тергейме кесими. Китабны аты, эни былай - басмадан чыкъгъаныча - кёргюзтюлюрге керекди:

Джырчы Сымайыл. Джырла бла Назмула. Москва, "Инсан", 1992 . ISBN 5-85840-259-3
Составитель, редактор и автор предисловия Билал Лайпанов
 
 
 
#45
Джаратама0
14.03.2011 01:31:24
http://taulit.as-alan.com/start/?page_id=37#bilal
Бу электрон кютюпханеде болгъан "Кардеш калемлер" журналны да "Эльбрусоид" кесини библиотекасына салса иги болур: анда "Эльбрусоид" чыгъаргъан Антологиядан да хапар айтылады.
 
 
 
#46
Джаратама0
14.03.2011 07:11:24
ГОСТ бла этилсе, былай боллукъду:

Джырчы Сымайыл. Джырла бла Назмула / Составитель, редактор и автор предисловия Билал Лайпанов. - Москва: Инсан, 1992. ISBN 5-85840-259-3
 
 
 
#47
Джаратама0
14.03.2011 17:02:49
Sibilchi

"Эльбрусоидни" электрон библиотекасына къараучула Сени профессионал сёзюнге эс бурлукъ болурла.
 
 
 
#48
Джаратама0
15.03.2011 16:08:23
"Эльбрусоидни" электрон библиотекасына къараучула: Къайсынны "Как растет дерево" деб китабы джокъду. Къайсынны китабыны аты - "Так растет и дерево". Халатны тюзетигиз. Айыбды кллассиклерибизни китабларын да тюз кёргюзталмасакъ.


Кайсын Кулиев - Так растет и дерево - 1975
Author: Кайсын Кулиев
Publisher: ?Современник? - 1975
Format / Quality: Pdf
Size: 1,8 Mb
Language:Russian

Национальный колорит в сочетании с глубоко философским осмыслением проблем времени и высокое художественное мастерство снискали заслуженную славу балкарскому поэту Кайсыну Кулиеву.
В новой книге К. Кулиев выступает в несколько необычном для него жанре. ?Так растет и дерево? ? это не сборник стихов, а книга, подводящая итоги многолетним раздумьям поэта о законах творчества, о месте художника в обществе. К. Кулиева волнуют проблемы преемственности и развития художественных традиций. Читатель найдет в книге размышления о Пушкине, Лермонтове, Тютчеве, Некрасове, Руставели, Горьком, Есенине, Тихонове, Бараташвили, Дудине, Чиковани, Кешокове, Кариме.
 
 
 
#49
Джаратама0
26.03.2011 06:55:19
ЭСГЕРТИУ:

"Эльбрусоидни" электрон библиотекасында джангы китабланы кёрюб бек къууанама. Урусбиева Фатиманы "Уровни чтения" китабын да эслеб, окъуй келеме. Китаб 131 бетде юзюледи. Китабда уа 248 бет болургъа керек эди.

Соруу: китабны джарымы салынса, ол китаб библиотекада барды деб айтыргъа боллукъмуду?
Мен ангылагъан - не китаб толусу бла салыныргъа керекди, не да салынмазгъа керекди.
 
 
 
#50
Джаратама0
26.03.2011 17:20:40
"Эльбрусоидни" электрон библиотекасында джангы китабланы кёрюб бек къууанама. Урусбиева Фатиманы "Уровни чтения" китабын да эслеб, окъуй келеме. Китаб 131 бетде юзюледи. Китабда уа 248 бет болургъа керек эди.

Соруу: китабны джарымы салынса, ол китаб библиотекада барды деб айтыргъа боллукъмуду?
Мен ангылагъан - не китаб толусу бла салыныргъа керекди, не да салынмазгъа керекди.
Кёрмей салыннган болур алай. Къараб таб этерге кюреширбиз.
 
 
 
Страницы: Пред. 1 2 3 След.
Читают тему (гостей: 1)

 

Написать нам

Фонд «Содействие развитию карачаево-балкарской молодежи «Эльбрусоид»

© 2003-2024 Elbrusoid.org  |  Все права защищены Законами Гор.