- Ёгюзню мюйюзлери ауурлукъ этмейдиле.
- Игини сыйлагъан адетди.
- Ариу сёзде ауруу джокъ.
- Айтханы чапыракъдан ётмеген.
- Ашхылыкъ джерде джатмайды, аманлыкъ суугъа батмайды.
- Нарт сёз къарт болмаз.
- Бойнуму джети джерден кессенг да, мен ол ишни этеллик тюлме.
- Халкъны юйю – туугъан джери.
- Ишленмеген джаш – джюгенсиз ат, ишленмеген къыз – тузсуз хант.
- «Ёгюз, джаргъа джууукъ барма, меннге джюк боллукъса», - дегенди эшек.
- Аллахдан тилесенг, кёб тиле.
- Джарлы джети элни сёзюн этер.
- Акъыл неден да кючлюдю.
- Джырчы ёлсе, джыры къалыр.
- Сёз – кюмюш, джыр – алтын.
- Алма терегинден кери кетмез.
- Мухар, кеси тойса да, кёзю тоймаз.
- Къазанчы аман болса, къазаны къайнамаз.
- Чоюнну башы ачыкъ болса, итге уят керекди.
- Билмезни кёзю кёрмез, этмезни къулагъы эшитмез.
- Келинни – келгинчи, бёркню кийгинчи кёр.
- Тёрени джагъы джокъ.
- Эм уллу байлыкъ – джан саулукъ.
- Чакъырылмагъан къонакъ тёрге атламаз.
- Бал – татлы, балдан да бала – татлы.
- Джарлыны тону джаз битер.
- Къайтырыкъ эшигинги, къаты уруб чыкъма.
- Дуния мал дунияда къалады.
- Ёлген ийнек сютлю болур.
- Нафысынгы айтханын этме, намысынгы айтханын эт.
- Башсыз урчукъ тюзюне айланмаз.
- Хар зат кесини орнуна иги.
- Махтаннган къыз, тойда джукълар.
- Орундукъ тюбюнде атылсам да, орта джиликме, де да айлан.
- Джиби бир къат джетмей эди да, эки къат тарта эди.
- Кёл – къызбай, къол – батыр.
- Джарлыны эшигин махтагъан джабар.
- Тойгъанлыкъ къойгъа джарашады.
- Къыйынлы джети элни къайгъысын этер.
- Киштикге къанат битсе, чыпчыкъ къалмаз эди.
- Джюрекден джюрекге джол барды.
- Хар ишни да аллы къыйынды.
- Тай асырагъан, атха минер.
- Тилчи тилден къаныкъмаз.
- Эркишини аманы тиширыуну джылатыр.
- Тенгни тенглиги джашай барсанг билинир.
- Гырджын – тепсини тамадасы.
- Окъуусуз билим – джокъ, билимсиз кюнюнг – джокъ.
- Къазанны башы ачыкъ болса, итге уят керекди.
- Чомарт джарлы болмаз.
ЭЛЕКТРОН БИБЛИОТЕКАНЫ ЮСЮНДЕН
20.02.2010 14:49:28
Аллай джерлерин къысхартыб, алай салсакъ иги болур
Сора тутуб китабны бир джарын салыб, башхасын къалай къысхарта турлукъбуз? Бу халда чырт салмагъан игирек тюлмюдю? |
|
|
|
20.02.2010 16:17:32
Sabr
Кесим тюбегенме аллай затха, мени кёлюме да аллай зат болса, китабны салмай къояргъа тыйыншлы болур, деб келеди. |
|
|
|
21.02.2010 01:12:48
Sabr
Китабны библиотекагъа салмай къойгъандан тынчы джокъду. Тюз айтасыз, алай а, салмай къоймайыкъ деб, мадарла излей турабыз. |
|
|
|
21.02.2010 19:31:58
всё же я думаю что словосочетание "ЭЛЕКТРОН БИБЛИОТЕКАНЫ....." не правильное..
следовало бы так: ЭЛЕКТРОННЫЙ БИБЛИОТЕКАНЫ.... |
|
|
|
22.02.2010 00:35:15
Джарамаз китабны тюрлендирирге, аны кёрюрле, кюлюрле да турурла бизге, алай этдиле деб.
|
|
|
|
22.02.2010 18:05:53
Sabr
бек сау болугуз.. учимся.. |
|
|
|
23.02.2010 16:14:51
Девушка Гор
САУ БОЛ!!! |
|
|
|
26.02.2010 15:11:17
Sabr
Тюз айтасыз. Алай а, бир-бир авторланы юслеринден информация табхан алай тынч боллукъ болмазмы? Эски китабланы авторларыны юсюнден артыкъсыз да Къалай дейсиз? |
|
|
|
26.02.2010 15:24:19
Sabr
Авторланы юсюнден къалайда джазылса тыйыншлы болур? Китабны ичине салыргъамы керекди? |
|
|
|
26.02.2010 16:00:04
и менге бир англатыгъыз...нек айтылады ана тилибизде деб?ата тилибиз деб нек айтылмайды...
аналаны сыйы теппемдеди...сейир болуб сорама. |
|
|
|
Читают тему (гостей: 2)