- Этни бети бла шорпасы.
- Ёксюзню тилеги къабыл болур.
- Кёлсюзден сёзсюз тууар.
- Ачлыкъда тары гырджын халыуадан татлы.
- Къарт болгъан джерде, берекет болур, сабий болгъан джерде, оюн болур.
- Арбаз сайлама да, хоншу сайла.
- Тенги кёбню джау алмаз, акъылы кёбню дау алмаз.
- Таш бла ургъанны, аш бла ур.
- Сёлеш деб шай берген, тохта деб, сом берген.
- Билмезни кёзю кёрмез, этмезни къулагъы эшитмез.
- Суу ичген шауданынга тюкюрме.
- Халкъгъа джарагъан, джарлы къалмаз.
- Эки итни арасына сюек атма, эки адамны арасында сёз чыгъарма.
- Адам сёзюнден белгили.
- Мал тутхан – май джалар.
- Ёлмесенг да, къарт дамы болмазса?
- Чабакъсыз кёлге къармакъ салгъанлыкъгъа, чабакъ тутмазса.
- Ёзденликни джайгъан – джокълукъ.
- Булут кёкге джарашыу, уят бетге джарашыу.
- Хар сёзню орну барды.
- Окъ къызбайны джокълайды.
- Бир абыннган – минг сюрюнюр.
- Акъыллы эркиши атын махтар, акъылсыз эркиши къатынын махтар.
- Хантына кёре тузу, юйюне кёре къызы.
- Джумушакъ сёз къаты таякъны сындырыр.
- Ашыкъгъан cуу, тенгизге джетмез.
- Хоншуну тауугъу къаз кёрюнюр, келини къыз кёрюнюр.
- Ишленмеклик адамлыкъды.
- Чалманны аллы къалай башланса, арты да алай барады.
- Намысы джокъну – дуниясы джокъ.
- Айыбны суу бла джууалмазса.
- Биреуню къыйынлыгъы бла кесинге джол ишлеме.
- Тюзлюк тас болмайды.
- Тешигини къатында, чычхан да батыр болур.
- Акъыл къартда, джашда тюйюлдю – башдады.
- Ашына кёре табагъы, балына кёре къалагъы.
- Телиге от эт десенг, юйюнге от салыр.
- Къозулугъунда тоймагъан, къойлугъунда тоймаз.
- Окъдан джара эртде-кеч болса да бителир, сёз джара, ёмюрге къалыр.
- Ышармагъан – кюлмез, кюлмеген – къууанчны билмез.
- Эри аманны, къатыны – аман.
- Атынг аманнга чыкъгъандан эсе, джанынг тамагъынгдан чыкъсын.
- Айтханы чапыракъдан ётмеген.
- Тойчу джашха къарама, къойчу джашха къара.
- Ёлюк кебинсиз къалмаз.
- Айранны сюйген, ийнек тутар.
- Кёзю сокъурдан – къоркъма, кёлю сокъурдан – къоркъ.
- Хатерли къул болур.
- Джол бла сёзню къыйыры джокъ.
- Ашхы адам – халкъ байлыгъы, ашхы джер – джашау байлыгъы.
ЭЛЕКТРОН БИБЛИОТЕКАНЫ ЮСЮНДЕН
26.02.2010 16:10:53
|
|
|
|
26.02.2010 16:48:11
EL_HALED
Аллейкум салам. Сен келтирген юлгюде, тюз ангылагъан эсем, ала джазылгъан китабланы тюземей эдиле да? Кеслери джаза эдиле джангы китабла алайды деб. |
|
|
|
26.02.2010 18:18:39
Azamat_SPb
Айтханым кюлгенни юсюнденди ол алгъаракъ жазылгъан затлагъа. |
|
|
|
23.04.2010 01:51:54
Sabr
анга эс бурабыз. Алай, бир бир китабла интернетде табылыб салыннгандыла да, аны ючюндю алай. |
|
|
|
06.08.2010 02:34:44
Sabr
Суратлары бар эсе китабны фотошоп деген программа бла сканировать этеме. Алай болмаса уа...халат кёб болса да, сканировать этгенден сора тюзетеме. |
|
|
|
14.03.2011 01:31:24
http://taulit.as-alan.com/start/?page_id=37#bilal
Бу электрон кютюпханеде болгъан "Кардеш калемлер" журналны да "Эльбрусоид" кесини библиотекасына салса иги болур: анда "Эльбрусоид" чыгъаргъан Антологиядан да хапар айтылады. |
|
|
|
14.03.2011 07:11:24
ГОСТ бла этилсе, былай боллукъду:
Джырчы Сымайыл. Джырла бла Назмула / Составитель, редактор и автор предисловия Билал Лайпанов. - Москва: Инсан, 1992. ISBN 5-85840-259-3 |
|
|
|
14.03.2011 17:02:49
Sibilchi
"Эльбрусоидни" электрон библиотекасына къараучула Сени профессионал сёзюнге эс бурлукъ болурла. |
|
|
|
Читают тему (гостей: 1)