- Суугъа – таянма, джаугъа – ийнанма.
- Бал – татлы, балдан да бала – татлы.
- Экеу тутушса, биреу джыгъылыр.
- «Ма», - дегенни билмесенг, «бер», - дегенни билмезсе.
- Адам сёзюнден белгили.
- Акъыллы эркиши атын махтар, акъылсыз эркиши къатынын махтар.
- Тойгъа алгъа да барма, тойда артха да къалма.
- Эки итни арасына сюек атма, эки адамны арасында сёз чыгъарма.
- Намыс болмагъан джерде, насыб болмаз.
- Акъыл къартда, джашда тюйюлдю – башдады.
- Босагъагъа джууукъ орун болса, ашыгъыб тёрге озма.
- Билим – акъылны чырагъы.
- Аман къатын сабий табса, бий болур…
- Аман къатын алгъан, арыр, иги къатын алгъан джарыр.
- Бир онгсуз адам адет чыгъарды, деб эштирик тюлсе.
- Ач, тоймам, дейди, тойгъан, ач болмам, дейди.
- Ана къойну – балагъа джандет.
- Чарсда алчыны эл кёреди.
- Ач келгенни – тойдур, кеч келгенни – къондур.
- Аман киши кеси юйюнде – къонакъ.
- Атлыны кёрсе, джаяуну буту талыр.
- Айтханы чапыракъдан ётмеген.
- Джаным-тиним – окъуу, билим.
- Ашхы адам – халкъ байлыгъы, ашхы джер – джашау байлыгъы.
- Аллахдан тилесенг, кёб тиле.
- Къонакъ аман болса, къонакъбай джунчур
- Ачлыкъ отха секиртир.
- Кюн – узун, ёмюр – къысха.
- Къарны аманнга къазан такъдырма, къолу аманнга от джакъдырма.
- Эр абынмай, эл танымаз.
- Аман хансны – урлугъу кёб.
- Агъач – джерни чырайы, кийим – эрни чырайы.
- Арбаз къынгырды да, ийнек сауалмайма.
- Илму – джашауну джолу.
- Чалманны аллы къалай башланса, арты да алай барады.
- Къарнынг бла ёч алма.
- Эски джаугъа ышанма.
- Игини сыйлагъан адетди.
- Ётюрюкню башын керти кесер.
- Ашын ашагъанынгы, башын да сыйла.
- Кюлме джашха – келир башха.
- Адам къаллай бир ишленмесе, аллай бир кесин уллу кёреди.
- Арыгъан къош чамчы болур.
- Уллу сёзде уят джокъ.
- Биреуге аманлыкъны тилеме да, кесинге ашхылыкъны тиле.
- Ана къолу ачытмаз.
- Джукъу тёшек сайламайды.
- Джумушакъ сёз къаты таякъны сындырыр.
- Адам сёзге тынгыла, акъыл сёзню ангыла.
- Кёз – сюйген джерде, къол – ауругъан джерде.
ЭЛЕКТРОН БИБЛИОТЕКАНЫ ЮСЮНДЕН
26.02.2010 16:10:53
|
|
|
|
26.02.2010 16:48:11
EL_HALED
Аллейкум салам. Сен келтирген юлгюде, тюз ангылагъан эсем, ала джазылгъан китабланы тюземей эдиле да? Кеслери джаза эдиле джангы китабла алайды деб. |
|
|
|
26.02.2010 18:18:39
Azamat_SPb
Айтханым кюлгенни юсюнденди ол алгъаракъ жазылгъан затлагъа. |
|
|
|
23.04.2010 01:51:54
Sabr
анга эс бурабыз. Алай, бир бир китабла интернетде табылыб салыннгандыла да, аны ючюндю алай. |
|
|
|
06.08.2010 02:34:44
Sabr
Суратлары бар эсе китабны фотошоп деген программа бла сканировать этеме. Алай болмаса уа...халат кёб болса да, сканировать этгенден сора тюзетеме. |
|
|
|
14.03.2011 01:31:24
http://taulit.as-alan.com/start/?page_id=37#bilal
Бу электрон кютюпханеде болгъан "Кардеш калемлер" журналны да "Эльбрусоид" кесини библиотекасына салса иги болур: анда "Эльбрусоид" чыгъаргъан Антологиядан да хапар айтылады. |
|
|
|
14.03.2011 07:11:24
ГОСТ бла этилсе, былай боллукъду:
Джырчы Сымайыл. Джырла бла Назмула / Составитель, редактор и автор предисловия Билал Лайпанов. - Москва: Инсан, 1992. ISBN 5-85840-259-3 |
|
|
|
14.03.2011 17:02:49
Sibilchi
"Эльбрусоидни" электрон библиотекасына къараучула Сени профессионал сёзюнге эс бурлукъ болурла. |
|
|
|
Читают тему (гостей: 1)