- Ач уят къоймаз.
- Къазанда болса, чолпугъа чыгъар.
- Къарны аманнга къазан такъдырма, къолу аманнга от джакъдырма.
- Байма, деб да, къууанма, джарлыма, деб да, джылама.
- Ариу сёз – къылычдан джити.
- Термилгенинги табмазса, кюлгенинге тюберсе.
- Нёгер болсанг, тенг бол, тенг болмасанг, кенг бол.
- Къошда джокъгъа – юлюш джокъ.
- Билимсиз иш бармаз.
- Иесиз малны бёрю ашар.
- Хар зат кесини орнуна иги.
- Джарлы джети элни сёзюн этер.
- Бети – къучакълар, джюреги – бычакълар.
- Юйлю уругъа ит чабмаз.
- Телиге акъыл салгъандан эсе, ёлгеннге джан салырса.
- Иги адамны бир сёзю эки болмаз.
- Аджаллыгъа окъсуз шкок атылыр.
- Тилсиз миллет джокъ болур.
- Эринчекни эр алмаз, эр алса да, кёл салмаз, кёл салса да, кёб бармаз!
- Мени джылытмагъан кюн, меннге тиймесин!
- Байлыкъ болгъан джерде, тынчлыкъ джокъду.
- «Ма», - дегенни билмесенг, «бер», - дегенни билмезсе.
- Эте билген, этген этеди, эте билмеген, юретген этеди!
- Ёксюзню тилеги къабыл болур.
- Адамны артындан къара сабан сюрме.
- Эр абынмай, эл танымаз.
- Элни кючю – эмеген.
- Джангыз терек къынгыр ёсер.
- Аллахха ийнаннган кишини, Аллах онгдурур ишин.
- Ишленмеген джаш – джюгенсиз ат, ишленмеген къыз – тузсуз хант.
- Айныгъанлы алты кюн, тогъайгъанлы тогъуз кюн.
- Огъурлуну сёзю – суу, огъурсузну сёзю – уу.
- Дуния малгъа сатылма, кесингден телиге къатылма.
- Иги адам абынса да, джангылмаз.
- Рысхысына кёре, джаш ёсер, къышлыгъына кёре, мал ёсер.
- Аман эсирсе, юйюн ояр.
- Орундукъ тюбюнде атылсам да, орта джиликме, де да айлан.
- Джангызны оту джарыкъ джанмаз!
- Аман адамны тепсинге олтуртсанг, къызынгы тилер.
- Ёгюзню мюйюзлери ауурлукъ этмейдиле.
- Тойгъан джерден туугъан джер игиди.
- Биреу къой излей, биреу той излей.
- Келинни – келгинчи, бёркню кийгинчи кёр.
- Къанны къан бла джуума, аманны аман бла къуума.
- Тешигини къатында, чычхан да батыр болур.
- Кесине оноу эте билмеген, халкъына да эте билмез.
- Тёзген – тёш ашар!
- Таукелге нюр джауар.
- Атлыны кёрсе, джаяуну буту талыр.
- Онгсузну – джакъла, тенгликни – сакъла.
ЭЛЕКТРОН БИБЛИОТЕКАНЫ ЮСЮНДЕН
26.02.2010 16:10:53
|
|
|
|
26.02.2010 16:48:11
EL_HALED
Аллейкум салам. Сен келтирген юлгюде, тюз ангылагъан эсем, ала джазылгъан китабланы тюземей эдиле да? Кеслери джаза эдиле джангы китабла алайды деб. |
|
|
|
26.02.2010 18:18:39
Azamat_SPb
Айтханым кюлгенни юсюнденди ол алгъаракъ жазылгъан затлагъа. |
|
|
|
23.04.2010 01:51:54
Sabr
анга эс бурабыз. Алай, бир бир китабла интернетде табылыб салыннгандыла да, аны ючюндю алай. |
|
|
|
06.08.2010 02:34:44
Sabr
Суратлары бар эсе китабны фотошоп деген программа бла сканировать этеме. Алай болмаса уа...халат кёб болса да, сканировать этгенден сора тюзетеме. |
|
|
|
14.03.2011 01:31:24
http://taulit.as-alan.com/start/?page_id=37#bilal
Бу электрон кютюпханеде болгъан "Кардеш калемлер" журналны да "Эльбрусоид" кесини библиотекасына салса иги болур: анда "Эльбрусоид" чыгъаргъан Антологиядан да хапар айтылады. |
|
|
|
14.03.2011 07:11:24
ГОСТ бла этилсе, былай боллукъду:
Джырчы Сымайыл. Джырла бла Назмула / Составитель, редактор и автор предисловия Билал Лайпанов. - Москва: Инсан, 1992. ISBN 5-85840-259-3 |
|
|
|
14.03.2011 17:02:49
Sibilchi
"Эльбрусоидни" электрон библиотекасына къараучула Сени профессионал сёзюнге эс бурлукъ болурла. |
|
|
|
Читают тему (гостей: 3)