- Ханнга да келеди хариблик.
- Къазанда болса, чолпугъа чыгъар.
- Сабий кёргенин унутмаз.
- Гугук кесини атын айтыб къычыргъанча, мен, мен деб нек тураса?
- Кёлсюзден сёзсюз тууар.
- Махтаннган къыз, тойда джукълар.
- Акъыллы – эл иеси, тели – эл баласы.
- Адамны аманы адамны бети бла ойнар.
- Аманны эки битли тону болур, бирин сеннге кийдирир, бирин кеси киер.
- Эллинг бла джау болсанг да, юйюнг бла джау болма.
- Къумурсхала джыйылсала, пилни да джыгъадыла.
- Юй кюйдю да, кюйюз чыкъды, ортасындан тюйюш чыкъды.
- Аууз сакълагъан – джан сакълар.
- Ана къойну – балагъа джандет.
- Ётюрюкден тюбю джокъ, кёлтюрюрге джиби джокъ.
- Къыз тиширыу кеси юйюнде да къонакъды.
- Алим болгъандан эсе, адам болгъан къыйынды.
- Джашынгы кесинг юретмесенг, джашау юретир.
- Джаш болсун, къыз болсун, акъылы, саны тюз болсун.
- Биреуню эскиси биреуге джангы болмайды.
- Ачны эсинде – аш.
- Адам къаллай бир ишленмесе, аллай бир кесин уллу кёреди.
- Шайтан алдады, тюзлюк къаргъады.
- Аджашхан тёгерек айланыр.
- Чакъырылмай келген къонакъ сыйланмай кетер.
- Тамбла алтындан бюгюн багъыр ашхы.
- Халкъны юйю – туугъан джери.
- Адам туугъан джеринде, ит тойгъан джеринде.
- Аджашханны ызындагъы кёреди, джангылгъанны джанындагъы биледи.
- Ёлген эшек бёрюден къоркъмайды.
- Иги джашны ышаны – аз сёлешиб, кёб тынгылар.
- Садакъачыны джаны – къапчыгъында.
- Акъыл сабырлыкъ берир.
- Юйлю уругъа ит чабмаз.
- Тенгинг джокъ эсе – изле, бар эсе – сакъла!
- Тура эдим джата, къайдан чыкъды хата?
- Иги адам абынса да, джангылмаз.
- Адам боллукъ, атламындан белгили болур.
- Сабий болмагъан джерде, мёлек болмаз.
- Алма терегинден кери кетмез.
- Джол бла сёзню къыйыры джокъ.
- Джюрекден джюрекге джол барды.
- Этни бети бла шорпасы.
- Кёбден умут этиб, аздан къуру къалма.
- Иги – алгъыш этер, аман – къаргъыш этер.
- Алгъанда – джууукъ, бергенде – джау.
- Сёлеш деб шай берген, тохта деб, сом берген.
- Бетинги сатма, малынгы сат.
- Чабакъсыз кёлге къармакъ салгъанлыкъгъа, чабакъ тутмазса.
- Ат да турмайды бир териде.
ЭЛЕКТРОН БИБЛИОТЕКАНЫ ЮСЮНДЕН
26.02.2010 16:10:53
|
|
|
|
26.02.2010 16:48:11
EL_HALED
Аллейкум салам. Сен келтирген юлгюде, тюз ангылагъан эсем, ала джазылгъан китабланы тюземей эдиле да? Кеслери джаза эдиле джангы китабла алайды деб. |
|
|
|
26.02.2010 18:18:39
Azamat_SPb
Айтханым кюлгенни юсюнденди ол алгъаракъ жазылгъан затлагъа. |
|
|
|
23.04.2010 01:51:54
Sabr
анга эс бурабыз. Алай, бир бир китабла интернетде табылыб салыннгандыла да, аны ючюндю алай. |
|
|
|
06.08.2010 02:34:44
Sabr
Суратлары бар эсе китабны фотошоп деген программа бла сканировать этеме. Алай болмаса уа...халат кёб болса да, сканировать этгенден сора тюзетеме. |
|
|
|
14.03.2011 01:31:24
http://taulit.as-alan.com/start/?page_id=37#bilal
Бу электрон кютюпханеде болгъан "Кардеш калемлер" журналны да "Эльбрусоид" кесини библиотекасына салса иги болур: анда "Эльбрусоид" чыгъаргъан Антологиядан да хапар айтылады. |
|
|
|
14.03.2011 07:11:24
ГОСТ бла этилсе, былай боллукъду:
Джырчы Сымайыл. Джырла бла Назмула / Составитель, редактор и автор предисловия Билал Лайпанов. - Москва: Инсан, 1992. ISBN 5-85840-259-3 |
|
|
|
14.03.2011 17:02:49
Sibilchi
"Эльбрусоидни" электрон библиотекасына къараучула Сени профессионал сёзюнге эс бурлукъ болурла. |
|
|
|
Читают тему (гостей: 1)