- Тулпарлыкъ, билекден тюл – джюрекден.
- Аз сёлеш, кёб ишле.
- Суугъа – таянма, джаугъа – ийнанма.
- Мал кёб болса, джууукъ кёб болур.
- Эри аманны, къатыны – аман.
- Насыблыны баласы кюн кюнден да баш болур, насыбсызны баласы, кюн кюнден да джаш болур.
- Аджашхан тёгерек айланыр.
- Чалманны аллы къалай башланса, арты да алай барады.
- Джаралыны джастыгъында сау ёлюр.
- Бек ашыкъгъан меннге джетсин, дегенди аракъы.
- Босагъа таш юйге кирмей эди, тыбыр таш эшикге чыкъмай эди.
- Байлыкъдан саулукъ ашхыды.
- Дженгил джетерикме деб, узун джолну къоюб, къысхасын барма.
- Аманнга да, игиге да оноусуз къатышма.
- Башда акъыл болмаса, эки аякъгъа кюч джетер.
- Аллахдан тилесенг, кёб тиле.
- Ат басханны джер билед.
- Ёлген аслан – сау чычхан.
- Термилгенинги табмазса, кюлгенинге тюберсе.
- Уллу атлама – абынырса, уллу къабма – къарылырса.
- Тюз сёз баргъан сууну тыяр.
- Айырылгъанланы айю ашар, бёлюннгенлени бёрю ашар.
- Кёзюнде тереги болгъан, чёбю болгъаннга кюле эди.
- Чакъырылгъанны аты, чакъырылмагъанны багъасы болур.
- Иги сёз – джаннга азыкъ, аман сёз башха – къазыкъ.
- Къатын къылыкъсыз, эр тынчлыкъсыз.
- Тилде сюек болмаса да, сюек сындырыр.
- Чакъырылмагъан джерге барма, чакъырылгъан джерден къалма.
- Бёрю да ач къалмасын, эчки да ашалмасын.
- Аманны тукъумуна къарама, игини тукъумун сорма.
- Туз, гырджын аша, тюзлюк бла джаша.
- Джарлы тюеге минсе да, ит къабар.
- Джауумдан сора, кюн кюйдюрюр, ётюрюкден сора, айыб кюйдюрюр.
- Башланнган иш битер, къымылдагъан тиш тюшер.
- Рысхы джалгъанды: келген да этер, кетген да этер.
- Окъугъан озар, окъумагъан тозар.
- Ач къарынны, токъ билмез
- Эркиши – от, тиширыу – суу.
- Джол бла сёзню къыйыры джокъ.
- Уруну арты – къуру.
- Намысы болмагъанны, сыйы болмаз.
- Иги болса, тамадама – махтау, аман болса, меннге – айыб.
- Ариу джол аджал келтирмез.
- Билим насыб берир, билим джолну керир.
- Эринчекни эр алмаз, эр алса да, кёл салмаз, кёл салса да, кёб бармаз!
- Ишге юренсин къоллары, халкъ бла болсун джоллары.
- Къызгъанчдан ычхыныр, мухардан ычхынмаз.
- Азыкъ аз болса, эртде орун сал.
- Ашхы тенг джолгъа салыр, аман тенг джолдан тайдырыр.
- Тилчиден кери бол.
ЭЛЕКТРОН БИБЛИОТЕКАНЫ ЮСЮНДЕН
26.02.2010 16:10:53
|
|
|
|
26.02.2010 16:48:11
EL_HALED
Аллейкум салам. Сен келтирген юлгюде, тюз ангылагъан эсем, ала джазылгъан китабланы тюземей эдиле да? Кеслери джаза эдиле джангы китабла алайды деб. |
|
|
|
26.02.2010 18:18:39
Azamat_SPb
Айтханым кюлгенни юсюнденди ол алгъаракъ жазылгъан затлагъа. |
|
|
|
23.04.2010 01:51:54
Sabr
анга эс бурабыз. Алай, бир бир китабла интернетде табылыб салыннгандыла да, аны ючюндю алай. |
|
|
|
06.08.2010 02:34:44
Sabr
Суратлары бар эсе китабны фотошоп деген программа бла сканировать этеме. Алай болмаса уа...халат кёб болса да, сканировать этгенден сора тюзетеме. |
|
|
|
14.03.2011 01:31:24
http://taulit.as-alan.com/start/?page_id=37#bilal
Бу электрон кютюпханеде болгъан "Кардеш калемлер" журналны да "Эльбрусоид" кесини библиотекасына салса иги болур: анда "Эльбрусоид" чыгъаргъан Антологиядан да хапар айтылады. |
|
|
|
14.03.2011 07:11:24
ГОСТ бла этилсе, былай боллукъду:
Джырчы Сымайыл. Джырла бла Назмула / Составитель, редактор и автор предисловия Билал Лайпанов. - Москва: Инсан, 1992. ISBN 5-85840-259-3 |
|
|
|
14.03.2011 17:02:49
Sibilchi
"Эльбрусоидни" электрон библиотекасына къараучула Сени профессионал сёзюнге эс бурлукъ болурла. |
|
|
|
Читают тему (гостей: 1)