- Мухар, кеси тойса да, кёзю тоймаз.
- Чакъырылмагъан къонакъ – орунсуз.
- Тынгылагъан тынгы бузар.
- Адеб базарда сатылмаз.
- Айтханы чапыракъдан ётмеген.
- Сакъламагъан затынга джолукъсанг, не бек къууанаса, не бек ачыйса.
- Абынмазлыкъ аякъ джокъ, джангылмазлыкъ джаякъ джокъ.
- Иги адамны бир сёзю эки болмаз.
- Ауругъан – джашаудан умутчу.
- Чомарт джарлы болмаз.
- Терслик кетер, тюзлюк джетер.
- Аш иеси бла татлыды.
- Ариу сёз аурууунгу алыр.
- Сабийни джумушха джибер да, ызындан бар.
- Бал ашаргъа сюе эсенг, чибин ургъаннга тёз.
- Билген билмегенни юретген адетди.
- Адеб этмеген, адеб кёрмез.
- Къонакъ болсанг, ийнакъ бол.
- Ханнга да келеди хариблик.
- Дженгил джетерикме деб, узун джолну къоюб, къысхасын барма.
- Ашлыкъны арба юйге келтирир, чана базаргъа элтир.
- Ашыкъгъанны этеги бутуна чырмалыр.
- Эте билген, этген этеди, эте билмеген, юретген этеди!
- Чакъырылмагъан къонакъ тёрге атламаз.
- Тёзгеннге, джабылгъан эшик ачылыр.
- Ариу сёз джыланны орнундан чыгъарыр.
- Иги джашны ышаны – аз сёлешиб, кёб тынгылар.
- Ёзденликни джайгъан – джокълукъ.
- Тилде сюек болмаса да, сюек сындырыр.
- Аман хансны – урлугъу кёб.
- Келинин тута билмеген, къул этер, къызын тута билмеген, тул этер.
- Хар сёзню орну барды.
- Къан бла кирген, джан бла чыгъар.
- Таякъ этден ётер, тил сюекден ётер.
- Ач, тоймам, дейди, тойгъан, ач болмам, дейди.
- Юйюнг бла джау болгъандан эсе, элинг бла джау бол.
- Ата – баланы уясы.
- Кёзню ачылгъаны – иги, ауузну джабылгъаны – иги.
- Ашаса, ашамаса да, бёрюню ауузу – къан.
- Кюл тюбюндеги от кёрюнмейди.
- Экиндини кеч къылсанг, чабыб джетер ашхам.
- Ачылгъан эт джабылыр, кёрген кёз унутмаз.
- Мени джылытмагъан кюн, меннге тиймесин!
- Ашлыкъ – бюртюкден, джюн – тюкден.
- Урунуу – насыбны анасы.
- Джыланны къуйругъундан басарынг келсе, аны башы болгъанын унутма.
- Чоюнну башы ачыкъ болса, итге уят керекди.
- Сагъышы джокъ – джукъучу, акъылы джокъ – къаугъачы.
- Ариу – кёзге, акъыл – джюрекге.
- Келгинчи, къонакъ уялыр, келгенден сора, къонакъбай уялыр.
ЭЛЕКТРОН БИБЛИОТЕКАНЫ ЮСЮНДЕН
26.02.2010 16:10:53
|
|
|
|
26.02.2010 16:48:11
EL_HALED
Аллейкум салам. Сен келтирген юлгюде, тюз ангылагъан эсем, ала джазылгъан китабланы тюземей эдиле да? Кеслери джаза эдиле джангы китабла алайды деб. |
|
|
|
26.02.2010 18:18:39
Azamat_SPb
Айтханым кюлгенни юсюнденди ол алгъаракъ жазылгъан затлагъа. |
|
|
|
23.04.2010 01:51:54
Sabr
анга эс бурабыз. Алай, бир бир китабла интернетде табылыб салыннгандыла да, аны ючюндю алай. |
|
|
|
06.08.2010 02:34:44
Sabr
Суратлары бар эсе китабны фотошоп деген программа бла сканировать этеме. Алай болмаса уа...халат кёб болса да, сканировать этгенден сора тюзетеме. |
|
|
|
14.03.2011 01:31:24
http://taulit.as-alan.com/start/?page_id=37#bilal
Бу электрон кютюпханеде болгъан "Кардеш калемлер" журналны да "Эльбрусоид" кесини библиотекасына салса иги болур: анда "Эльбрусоид" чыгъаргъан Антологиядан да хапар айтылады. |
|
|
|
14.03.2011 07:11:24
ГОСТ бла этилсе, былай боллукъду:
Джырчы Сымайыл. Джырла бла Назмула / Составитель, редактор и автор предисловия Билал Лайпанов. - Москва: Инсан, 1992. ISBN 5-85840-259-3 |
|
|
|
14.03.2011 17:02:49
Sibilchi
"Эльбрусоидни" электрон библиотекасына къараучула Сени профессионал сёзюнге эс бурлукъ болурла. |
|
|
|
Читают тему (гостей: 1)